Yesaia 3:5 - ŊMALƐ KRƆŊKRƆŊ LƐ

⁵ Maŋbii lɛ aaawawaa amɛhe yi, mɔ fɛɛ mɔ baawa enyɛmi yi. Oblahii ebuŋ amɛnukpai, ni maŋ bii yakagbɔmɛi ebuŋ mɛi ni hiɛ yɔɔ nyam.

Ṅmãle̱ Kroṅkroṅ Le̱

⁵ Ni maṅ le̱ aawawā amehe yi, ni mofẽmo aawa enanyo yi: gbekẽ aawo ehe ahã onukpa, ni moni abuule̱ aawo ehe ahã moni hĩe yo̱ nyam.

Yesaia 3:5 ပူးပေါင်းရင်းမြစ်များ

2 Maŋtsɛmɛi 2:23

Enɛ sɛɛ lɛ Elisha jɛ Yeriko eeya Betel; ni be ni eyaa lɛ, gbekɛbii hii bibii komɛi jɛ maŋ lɛ mli kɛba eŋɔɔ amɛbaye ehe fɛo amɛkɛɛ akɛ, “Yiteŋ kpataatsɛ, jee biɛ ní oya! Yiteŋ kpataatsɛ, jee biɛ ní oya!”

Yesaia 1:4

Ao! Eshafeelɔi amaŋ, gbɔmɛi ni eyi tɔ kɛ eshafeemɔ, efɔŋfeelɔi ashwiei, gbɔmɛi nifitelɔi ni amɛkwa Yehowa, ni amɛgbe Israel Mɔ Krɔŋkrɔŋ lɛ he guɔ, ni amɛ kɛ lɛ teŋ etserɛ kwraa.

Yesaia 11:13

Ni Israel yeŋ Yuda he awuŋã dɔŋŋ, ni Yuda hu efeŋ Israel henyɛlɔ dɔŋŋ.

Yesaia 19:2

Yehowa kɛɛ akɛ, “Mahã Ijiptbii ate shi awo Ijiptbii nɔŋŋ, ni amɛ kɛ amɛhe baawu: mɔ kɛ enyɛmi, mɔ kɛ enaanyo, maŋ kɛ maŋ kɛ maŋtsɛyeli kɛ maŋtsɛyeli.

Yesaia 9:18

Maŋbii lɛ ayitsoŋwalɛ tsoɔ tamɔ la. Eshãa kpitikpitii kɛ ŋmeii fɛɛ; esɔoɔ koo hayii anaa la, ni elasu pukɔŋŋ lɛ teɔ shi kɛyaa ŋwɛi.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

3 Mose 19:32

“Ohiɛ asɔ mɛi ni egbɔlɔ, ni owo amɛ. She Nyɔŋmɔ gbeyei. Mi ji Yehowa.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Zakaria 11:6

“No hewɔ lɛ, minaŋ mɔ ko mɔ ko mɔbɔ dɔŋŋ yɛ shikpɔŋ nɛɛ nɔ; naa, maŋmɛɛ mɔ fɛɛ mɔ he mawo enɔkwɛlɔ kɛ emaŋtsɛ hu dɛŋ. Ni nɔkwɛlɔi nɛɛ baakpãtã shikpɔŋ lɛ hiɛ ni mihereŋ mɔ ko mɔ ko yiwala.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 26:67

Kɛkɛ ni amɛfɛ̃ lajɔ̃ amɛshwie ehiɛ, ni amɛgbala lɛ mai; ni mɛi komɛi hu tswia lɛ nii

Marko 14:65

Ni mɛi komɛi bɔ̃i lajɔ̃fɛɛ kɛ ehe shwiemɔ, ni amɛfi ehiɛ, ni amɛyi lɛ, ni amɛkɛɛ lɛ akɛ, “Gbaa!” Ni tsuji lɛ shwie enɔ kɛ ma.

Luka 22:64

Ni amɛha ehiɛ ni amɛbibii lɛ akɛ, “Gbaa, namɔ ji mɔ ni gba bo ma lɛ?”

Yakobo 2:6

Ni nyɛ lɛ nyɛshwieɔ ohiafo lɛ hiɛ shi. Ani jeee niiatsɛmɛi lɛ yeɔ nyɛnɔ waa, ni amɛ nɔŋŋ amɛgbalaa nyɛ kɛyaa kojomɔhei lɛ?

Yakobo 5:4

Naa, nitsulɔi ni kpa nyɛŋmɔjiaŋnii lɛ anyɔmɔwoo ni nyɛkɛhãaa amɛ lɛ miibolɔ, ni nikpalɔi lɛ abolɔmɔi lɛ ebabote tai aNuŋtsɔ lɛ toiiaŋ.