Yesaia 3:4 - ŊMALƐ KRƆŊKRƆŊ LƐ

⁴ Mi Yehowa, mibahã gbekɛbii hii atsɔmɔ amɛnɔ lumɛi, ni fufɔbii baaye amɛnɔ.

Ṅmãle̱ Kroṅkroṅ Le̱

⁴ Ni mahã gbekẽbii aye ame̱no̱ lume̱i, ni abifabii aaye ame̱no̱. Dsads. 10,15.

Yesaia 3:4 ပူးပေါင်းရင်းမြစ်များ

2 Kronika 33:1

Manase eye afii nyɔŋma kɛ enyɔ be ni ebɔi maŋtsɛyeli lɛ, ni eye maŋtsɛ afii nyɔŋmai enumɔ kɛ nɛɛhu yɛ Yerusalɛm.

2 Kronika 34:1

Yosia eye afii kpaanyɔ be ni ebɔi maŋtsɛyeli lɛ, ni eye maŋtsɛ afii nyɔŋmai etɛ̃ kɛ ekome yɛ Yerusalɛm.

2 Kronika 36:11

Zedekia eye afii nyɔŋmai enyɔ kɛ ekome be ni ebata sɛi lɛ nɔ lɛ, ni eye maŋtsɛ afii nyɔŋma kɛ ekome yɛ Yerusalɛm.

2 Kronika 36:2

Yoahaz eye afii nyɔŋmai enyɔ kɛ etɛ̃ be ni ebata sɛi lɛ nɔ lɛ, ni eye maŋtsɛ nyɔji etɛ̃ yɛ Yerusalɛm.

2 Kronika 36:5

Yehoiakim eye afii nyɔŋmai enyɔ kɛ enumɔ be ni ebɔi maŋtsɛyeli lɛ, ni eye maŋtsɛ afii nyɔŋma kɛ ekome yɛ Yerusalɛm. Eyabaaa ejeŋ bɔ ni Yehowa eNyɔŋmɔ lɛ taoɔ.

2 Kronika 36:9

Yehoiakin eye afii nyɔŋma kɛ kpaanyɔ be ni ebata sɛi lɛ nɔ lɛ, ni eye maŋtsɛ nyɔji etɛ̃ kɛ gbii nyɔŋma yɛ Yerusalɛm. Lɛ hu eyabaaa ejeŋ bɔ ni Yehowa taoɔ.

Jajelɔ 10:16

Kpoo hã bo, maŋ ni omaŋtsɛ lɛ gbekɛ ni, ni olumɛi tsɛɔ yelikɛnumɔ leebi.

Yesaia 3:12

Naa, shikafalɔi miiwa mimaŋbii lɛ ayi, ni amɛnyɔjiatsɛmɛi lɛ shishiuɔ amɛ. Ao! Miwebii, nyɛmaŋhiɛnyiɛlɔi lɛ miihã nyɛmiidu gbɛ, ni amɛmiihã nyɛnane miitɔ̃tɔ̃.

Yesaia 3:16

Yehowa kɛɛ akɛ, “Yerusalɛm yei lɛ woɔ amɛhe, amɛtsĩaa kɛ amɛkuɛkuumɔ kɛ ahoshwibɔɔ hiŋmɛii kɛ amɛnanetalɔŋ gai ni miigbɛɛ.

Yesaia 3:3

Ebaajie tabilɔi nyɔŋmai enumɔ nɔ asafoiatsɛ lɛ kɛ gbɛnaahiɛlɔ lɛ kɛ maŋ ajinafonyo lɛ. Ebaajie ashwãifeelɔ ni he esa lɛ kɛ ŋkunyaayelɔ ni he esa lɛ fɛɛ.

Yeremia 52:3

Anɔkwa, akɛni Yehowa mli efu waa hewɔ lɛ, ekpoo Yerusalɛmbii kɛ Yudabii fɛɛ, ni eshwie amɛ kɛje ehiɛ. Zedekia tse Babilon maŋtsɛ lɛ hiɛ atua,