Yesaia 3:12 - ŊMALƐ KRƆŊKRƆŊ LƐ

¹² Naa, shikafalɔi miiwa mimaŋbii lɛ ayi, ni amɛnyɔjiatsɛmɛi lɛ shishiuɔ amɛ. Ao! Miwebii, nyɛmaŋhiɛnyiɛlɔi lɛ miihã nyɛmiidu gbɛ, ni amɛmiihã nyɛnane miitɔ̃tɔ̃.

Ṅmãle̱ Kroṅkroṅ Le̱

¹² Mimaṅ le̱ yiwalo̱i le̱, gbekẽbii ni, ni yei miyeo̱ eno̱! Mimaṅ! ogbe̱tšōlo̱i le̱ hãa odũo̱ gbe ni ame̱fiteo̱ gbe̱ ní onyie no̱ le̱.

Yesaia 3:12 ပူးပေါင်းရင်းမြစ်များ

Yesaia 3:4

Mi Yehowa, mibahã gbekɛbii hii atsɔmɔ amɛnɔ lumɛi, ni fufɔbii baaye amɛnɔ.

Nahum 3:13

Naa, otabilɔi lɛ yei sɔŋŋ ji amɛ. Oshikpɔŋ lɛ nɔ maji lɛ anaa agboi lɛ anaa kãmɔ hã ohenyɛlɔi lɛ. La baashã ogboi nɛɛ asɛɛ adabaŋi lɛ.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

2 Maŋtsɛmɛi 11:1

Agbɛnɛ be ni Ahazia nyɛ Atalia na akɛ ebi lɛ egbo lɛ, ete shi ni ekpãtã maŋtsɛ shwiei lɛ fɛɛ ahiɛ.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Hiob 30:13

Amɛtsimɔɔ migbɛ ni matsɔ̃ nɔ lɛ, ni amɛbɔɔ mihiɛkpãtãmɔ he mɔdɛŋ, ni mɔ ko ebooo amɛ tswai!

Abe̱i 28:16

Nɔyelɔ ni bɛ jwɛŋmɔ lɛ, yiwalɔ kpele ji lɛ; shi mɔ ni nyɛɔ hiɛjoomɔ lɛ, ehãa egbii asɛɛ tsɛɔ.

Jajelɔ 10:16

Kpoo hã bo, maŋ ni omaŋtsɛ lɛ gbekɛ ni, ni olumɛi tsɛɔ yelikɛnumɔ leebi.

Yesaia 19:14

Yehowa ehã awo Ijipt ŋaa gbonyo, ni no hewɔ lɛ, Ijipt yiŋ feɔ lɛ enyɔnyɔɔnyɔ, ni edidãa tamɔ dãatɔlɔ didãa kɛji eeshwe.

Yesaia 51:22

Bɔ ni Nuŋtsɔ Yehowa, oNyɔŋmɔ, mɔ ni yeɔ emaŋ lɛ sane ehaa lɛ lɛ kɛɛ nɛ, “Naa, mihe didãamɔ dãa kpulu lɛ yɛ nyɛdɛŋ; nyɛnuŋ mimlifu naa kpulu lɛ mli dãa lɛ dɔŋŋ.

Mika 3:5

Gbalɔi lɛ lakaa mimaŋ lɛ. Mɛi ni hãa gbalɔi nɛɛ nɔ ko lɛ, gbalɔi lɛ shiɛɔ tsɔ̃ɔ amɛ akɛ hejɔlɛ miiba; shi mɛi ni hãaa amɛ nɔ ko lɛ, amɛwoɔ amɛhe gbeyei akɛ ta baaba abatua amɛ. Yehowa miikɛɛ gbalɔi nɛɛ akɛ,