Yesaia 27:9 - ŊMALƐ KRƆŊKRƆŊ LƐ

⁹ No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Ṅmãle̱ Kroṅkroṅ Le̱

⁹ Nohewo̱ le̱ ene̱ ake̱-tšumo̱ Iakob nõša le, ni yibii fẽ ní ehe eša le̱ dšiemo̱ le̱ wo ne̱, beni efe efo̱lešãlate̱ le̱ be te̱i le̱ fẽ tamo̱ kālote̱i ní efuflu le̱, ni *wo̱ṅkōi le̱ ke̱ †hũlũ amãgãi le̱ mãmo̱ṅ ši doṅṅ. *31,7. †3 Mose 26,30.

Yesaia 27:9 ပူးပေါင်းရင်းမြစ်များ

2 Maŋtsɛmɛi 10:26

ni amɛyahole Baal we lɛ amãgãi lɛ kɛje kpo, ni amɛyashã.

2 Maŋtsɛmɛi 23:14

Maŋtsɛ Yosia kumɔ amãgãi lɛ, ni egba Ashera wɔŋkoi lɛ eshwie shi, ni ekɛ gbɔmɛi awui shwã jɛi.

2 Maŋtsɛmɛi 25:9

Ni ebashã Yehowa we lɛ kɛ maŋtsɛ we lɛ kɛ Yerusalɛm shĩai lɛ fɛɛ, ni shĩa wulu fɛɛ shĩa wulu lɛ ekɛ la shã butuu.

2 Kronika 14:5

Maŋtsɛ Asa gu maŋsɛɛ jemawɔji ajamɔhei lɛ kɛ latɛi ni akɛshãa tsofakɛŋma akɛhãa amɛ lɛ fɛɛ yɛ Yuda shikpɔŋ lɛ nɔ maji fɛɛ amli. Enɛ hã toiŋjɔlɛ ba emaŋtsɛyeli lɛ mli yɛ eshishi.

2 Kronika 34:4

Ehã akumɔkumɔɔ Baal jemawɔŋ lɛ afɔleshãa latɛi lɛ yɛ lɛ diɛŋtsɛ ehiɛ; ni amɛyiteŋgbɛ tsofakɛŋmashãa latɛi ni amãmɔ yɛ jɛi lɛ hu, ehã akumɔ fɛɛ. Ehã akumɔ ni ashimɔ Asherim jemawɔŋ lɛ amãgã lɛ kɛ amãgãi krokomɛi lɛ hu fɛɛ mɔnyɔmɔnyɔ, ni akɛshwã mɛi ni be ni amɛyɔɔ wala mli lɛ amɛshã afɔle amɛkɛhã amãgãi nɛɛ asaŋi anɔ.

2 Kronika 36:19

Ema Sɔlemɔ we lɛ naa la ni eshã lɛ, ni ekumɔ Yerusalɛm he gbogbo lɛ eshwie shi. No sɛɛ lɛ, ema maŋ muu lɛ naa la ni eshã lɛ kɛ emli mɔji fɛɛfɛji lɛ kɛ jwetrii fɛɛ.

Lalai 119:67

Midu gbɛ dani agbala mitoi lɛ, shi agbɛnɛ lɛ, mibo owiemɔ lɛ toi.

Lalai 119:71

Ehi akɛ agbala mitoi, koni makase okpɔi lɛ.

2 Mose 34:13

Shi moŋ nyɛkumɔa amɛfɔleshãa latɛi lɛ kɛ amɛmãgãi lɛ, ni nyɛfitea amɛkrabatsai lɛ, ni nyɛfolɔa amɛ-Ashera lɛ wɔŋ koo lɛ nyɛshwiea.

Abe̱i 20:30

Yii pilamɔ fala lɛ etsumɔɔ esha; ni kpãa yii hu tsuɔ tsui mli fɛɛ.

Yesaia 1:29

Ebaafee nyɛ hiɛgbele akɛ nyɛja tsei wuji; asaŋ nyɛhiɛ aaashwie shi akɛ nyɛfeefee tromi komɛi,

Yesaia 17:8

Amɛbuŋ afɔleshãa latɛi ni amɛkɛ amɛniji fee lɛ amɛhaŋ nɔ ko nɔ ko. Amɛkɛ nii ni amɛkɛ amɛ diɛŋtsɛ amɛniji fee tamɔ Asherim wɔŋkoi lɛ loo tsofakɛŋmashãa latɛi lɛ efeŋ nɔ ko nɔ ko dɔŋŋ.

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Yesaia 4:4

Nuŋtsɔ lɛ hewalɛ naa lɛ ebaakojo ni ebaatsuu Israelbii ahe, ebaafɔ Yerusalɛm he muji lɛ kɛ lá shi ni ashwie yɛ jɛi lɛ.

Yesaia 40:2

“Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Yesaia 48:10

Naa, mitsuu ohe, shi oshɛɛɛ jwiɛtɛi. Mikɛ amanehulu fee la mikɛtsuu ohe, ni mikɛka bo mikwɛ akɛ oshɛɔ lo.

Ezekiel 11:18

Ni kɛji amɛba lɛ amɛaajie taŋtaŋnii kɛ musubɔɔnii lɛ fɛɛ kɛaaje shikpɔŋ lɛ nɔ.

Ezekiel 20:38

Ni majie atuatselɔi lɛ kɛ mɛi ni etɔ̃ minɔ lɛ kɛaaje nyɛteŋ. Majie amɛ kɛaajɛ he ni amɛyato gbɔ yɛ lɛ moŋ nɛ, shi amɛnane yiŋ Israel shikpɔŋ lɛ nɔ. No dani nyɛaale akɛ mi, mi ji Yehowa.”

Ezekiel 6:4

Nyɛfɔleshãa latɛi kɛ nyɛjamɔhei aaatsɔ̃ amaŋfɔ̃, ni aaakumɔ nyɛtsofakɛŋma afɔleshãa latɛi lɛ. Mashɛrɛ nyɛmɛi ni enyɔnyɔɔ yɛ klante naa lɛ mashwie nyɛwɔji lɛ ahiɛ.”

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Hosea 14:8

Israelbii kɛ wɔji naŋ nɔ ko feemɔ dɔŋŋ. Mibabo amɛsɔlemɔ toi. Mibatsɔ̃ tso ni eyi baa kpalaaa mahã amɛ, ni mibabaa amɛyi; nyɛjɔɔmɔi fɛɛ baajɛ mi midɛŋ.”

3 Mose 26:30

Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

Mika 5:11

Mafite maji ni yɔɔ oshikpɔŋ lɛ nɔ lɛ, ni makumɔ mɔji ni buɔ ohe lɛ mashwie shi.

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

Romabii 11:27

ni enɛ ji mi kɛ amɛ teŋ kpãŋmɔ lɛ, akɛ majie amɛhe eshai lɛ kɛaatee.”

1 Korintobii 11:32

Shi kɛji Nuŋtsɔ lɛ miikojo wɔ lɛ, ekɛmiitsɔse wɔ, bɔ ni afee ni akabu wɔ kɛ je lɛ fɛɛ fɔ.

5 Mose 12:3

Nyɛkumɔa amɛfɔleshãa latɛi lɛ kɛ shiui ni amɛkɛ tɛi emamɔ lɛ nyɛshwiea; ni amɛ, Ashera, wɔŋ koi lɛ nyɛshãa; amɛtso amãgãi lɛ nyɛfolɔa mli nyɛshwiea shi, koni akaja amɛ yɛ hei nɛɛ dɔŋŋ kɛjɛ kɛyaa nɛɛ.

Hebribii 12:6

Ejaakɛ mɔ ni Nuŋtsɔ lɛ sumɔɔ lɛ, lɛ etsɔseɔ, ni eyiɔ bi fɛɛ bi ni ekɛfeɔ enɔ lɛ.”