Yesaia 26:4 - ŊMALƐ KRƆŊKRƆŊ LƐ

⁴ Nyɛkɛ nyɛhiɛ afɔa Yehowa nɔ daa ejaakɛ Yehowa, Nyɔŋmɔ lɛ, naanɔ tɛsaa ni.

Ṅmãle̱ Kroṅkroṅ Le̱

⁴ Nyeṅõa nyehĩe nyefõa Iehowa no̱ dā; edšake̱ Nuṅtšo̱ Iehowa dši *nāno̱ te̱sā. *5 Mose 32,4.

Yesaia 26:4 ပူးပေါင်းရင်းမြစ်များ

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Hiob 9:19

Kɛji aaye lɛ hewalɛ naa lɛ, naa, lɛ nɛ; ni kɛji aafee jalɛnii lɛ, namɔ kɛ lɛ kedeɔ?

Lalai 125:1

Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

Lalai 55:22

Shɛ ojatsu lɛ ofɔ̃ Yehowa nɔ, ni lɛ eeehiɛ omli; eŋmɛŋ gbɛ gbi ko gbi ko ni jalɔ adidãa.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Lalai 62:9

Mɛi bibii fɛɛ tamɔ kɔɔyɔɔ, mɛi wuji hu jeee fɛifɛi kɛji aŋmɛ amɛ yɛ nsɛni mli lɛ, amɛtsiii. Amɛ fɛɛ amɛtsiimɔ shɛɛɛ nɔ ko nɔ ko, amɛtamɔ kɔɔyɔɔ.

Lalai 66:7

Eeye maŋtsɛ kɛ hewalɛ kɛmiiya naanɔ, ni ehiŋmɛii kã majimaji fɛɛ ahe. Atuatselɔi akawo amɛhe nɔ!

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 30:29

Nyɛaala lala ko tamɔ bɔ ni alaa nyɔɔŋ kɛji aaye gbijurɔ krɔŋkrɔŋ ko lɛ. Kɛkɛ lɛ nyɛtsui aaayimɔ kɛ miishɛɛ tamɔ mɛi ni aakpã blɛ aahã amɛ, be mli ni amɛnyiɛ kɛyaa Yehowa, ni ji Israel Tɛsaa lɛ, we lɛ.

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 45:24

“Yehowa kɛkɛ mli jalɛ kɛ hewalɛ yɔɔ. Mɛi fɛɛ ni te shi wo lɛ lɛ, aaaba eŋɔɔ ekoŋŋ kɛ hiɛgbele.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Yesaia 51:5

Midɛŋ yiwalaheremɔ be lɛ ebɛŋkɛ etã; miyiwalaheremɔ lɛ baaje kpo, ni mi diɛŋtsɛ maye majimaji lɛ anɔ. Ŋshɔnaa shikpɔji lɛ miikwɛ mi gbɛ, ni amɛhiɛ kã mihewalɛ lɛ nɔ.

Yesaia 63:1

Namɔ ji mɔ ni jɛ Bozra, maŋ ni yɔɔ Edom lɛ, baa nɛɛ? Namɔ nɛ, ni ewula kɛ atade ni tsuɔ faa, ni etsĩaa yɛ ehewalɛ kpeteŋkple lɛ mli nɛɛ? Yehowa kɛɛ akɛ, “Mi Yehowa ni; mɔ ni wieɔ yɛ jalɛ mli, mɔ ni yɔɔ hewalɛ ni ekɛhereɔ yiwala lɛ.”

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 33:27

Naanɔ Nyɔŋmɔ lɛ ji obobaahe, ni enaanɔ niji lɛ hiɛ omli. Eshwie henyɛlɔi lɛ kɛje ohiɛ, ni ekɛɛ bo akɛ, ‘Kpãtãmɔ amɛhiɛ’.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.