Yesaia 26:3 - ŊMALƐ KRƆŊKRƆŊ LƐ

³ Yehowa ohãa maŋ ni hiɛ kã onɔ lɛ naa toiŋjɔlɛ krɔŋŋ, ejaakɛ bo onɔ amɛhiɛkãa.

Ṅmãle̱ Kroṅkroṅ Le̱

³ Dſẽṅmo̱ ní mã ši šiṅṅ le̱, oohã ená hedšo̱le̱, hedšo̱le̱; edšake̱ ono̱ eṅõo̱ ehĩe efõo̱.

Yesaia 26:3 ပူးပေါင်းရင်းမြစ်များ

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

2 Kronika 13:18

Belɛ Yudabii lɛ ye Israelbii lɛ anɔ kunim ejaakɛ Yudabii lɛ kɛ amɛhiɛ fɔ̃ Yehowa ni ji amɛtsɛmɛi aNyɔŋmɔ lɛ nɔ.

2 Kronika 16:8

Ani Etiopiabii lɛ kɛ Libiabii lɛ ayi faaa kwraa fe amɛ, asaŋ kɛ amɛtayaa shwiilii kɛ okpɔŋɔnɔtalɔi hu babaoo diɛŋtsɛ? Shi te ni nakai be lɛ okɛ ohe fɔ̃ Yehowa nɔ lɛ, ehã oye amɛnɔ kunim?

Lalai 119:165

Mɛi ni sumɔɔ omla lɛ, amɛyɛ toiŋjɔlɛ babaoo naakpa ni nɔ ko nɔ ko bɛ ni woɔ amɛnajiaŋ.

Lalai 125:1

Mɛi ni hiɛ kã Yehowa nɔ lɛ, amɛtamɔ Zion Gɔŋ ni hosooo, shi moŋ ema shi kɛmiiya naanɔ lɛ.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 26:12

Ao Yehowa, oooha wɔna toiŋjɔlɛ ejaakɛ nitsumɔi fɛɛ ni wɔtsu lɛ, bo ji mɔ ni otsu.

Yesaia 27:5

Kɛji miwebii ahenyɛlɔi lɛ miitao mihebuu lɛ, ja amɛbaba mi abo, ni amɛkɛ mi kpãtã. Hɛɛ! Ja amɛna amɛkɛ mi kpãtã!”

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 32:17

Jalɛ saneyeli lɛ hesɛɛnamɔ baafee toiŋjɔlɛ kɛ hejɔlɛ shihilɛ kɛ nyɛmi hemɔkɛyeli.

Yesaia 32:18

Mimaŋbii ashihilɛhei baayi kɛ toiŋjɔlɛ, amɛaahi shi shweshweeshwe kɛ kpoo.

Yesaia 42:19

Namɔ eshwila tamɔ mitsulɔ lɛ, ni namɔ emu toi tamɔ Yehowa bɔfo lɛ? Namɔ eshwila tamɔ mɔ ni ajɔɔ enɔ ahã mi lɛ? Namɔ eshwila tamɔ Yehowa tsulɔ lɛ?

Yesaia 42:6

“Mi ji Yehowa; mi mitsɛ bo yɛ jalɛ naa. Mimɔ onine mli, ni mibaa oyi; miŋɔ bo mifee kpãŋmɔ mihã maŋ lɛ kɛ la hã majimaji lɛ,

Yesaia 48:2

Nyɛtsɛɔ nyɛhe maŋ krɔŋkrɔŋ lɛ mli bii, ni nyɛkɛɔ akɛ nyɛkpasa Israel Nyɔŋmɔ lɛ. Mɔ ni gbɛi ji Yehowa, Taiatsɛ lɛ.

Yesaia 49:8

Yehowa kɛɛ akɛ, “Mibo bo toi yɛ be ni sa mli, ni yiwalaheremɔ gbi nɔ hu miye mibua bo yɛ, ni mibaa oyi koni kɛtsɔ̃ onɔ lɛ, mi kɛ maji fɛɛ akpãŋ, koni otee shikpɔŋ lɛ shi oma shi, ni oja amɛgboshinii ni etsɔ̃ amaŋfɔ̃ lɛ oha amɛ.

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Yesaia 66:12

Ejaakɛ bɔ ni Yehowa kɛɛ nɛ, “Maha nyɛshwere babaoo tamɔ faa ni hoɔ, ni majimajiaŋbii lɛ anii ni amɛna lɛ aaayiridi, tamɔ faa ni eyi kɛteke nɔ, kɛba nyɛdɛŋ. Nyɛaatamɔ abifao ni yeɔ enyɛ fufɔ; aaahiɛ nyɛ dɔdɔɔdɔ kɛ suɔmɔ yɛ kpɔkɔiaŋ.

Yeremia 39:18

shi oyi baana wala, ni onyɔŋ yɛ ta lɛ naa, shi owala baatsɔ̃ tamɔ ta mli haanii ahã bo, ejaakɛ ohiɛ kã minɔ. Mi Yehowa, mikɛɛ.’ ”

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 6:23

Maŋtsɛ lɛ mii shɛ ehe naakpa, ni efã akɛ ajie Daniel yɛ bu lɛ mli. Ajie Daniel yɛ bu lɛ mli ni apilako ehe ko he ko, ejaakɛ ekɛ ehiɛ fɔ̃ eNyɔŋmɔ lɛ nɔ.

Mika 5:5

ni ekɛ hejɔlɛ aaaba. Kɛji Asiriabii lɛ aaabatua wɔshikpɔŋ lɛ, kɛji amɛaafite wɔmɔji ni buɔ wɔhe lɛ ni amɛaatsɔ̃ mli kɛho lɛ, no lɛ wɔɔtee hiɛnyiɛlɔi kãkãlɔi babaoo shi wɔwo amɛ.

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Filipibii 4:7

Ni Nyɔŋmɔ hejɔlɛ ni fe jwɛŋmɔi fɛɛ lɛ aaabu nyɛtsuii kɛ nyɛjwɛŋmɔi lɛ ahe yɛ Kristo Yesu mli!