Yesaia 22:2 - ŊMALƐ KRƆŊKRƆŊ LƐ

² Maŋ kɛ emli kiŋkaŋŋ, maŋ ni mli efili lɛ, omli eyi kɛ hoofeemɔ. Omɛi ni nyɔnyɔɔi lɛ, jeee klante naa amɛnyɔnyɔi yɛ, ni jeee ta mli hu amɛgboi yɛ.

Ṅmãle̱ Kroṅkroṅ Le̱

² Bo ní omli eyi obõ ke̱ hōfemo̱, maṅ ke̱ emli kiṅkā̃, mliflimo̱ maṅ! Omli mei ni enyõnyõi le̱, dšee klante nā ame̱nyõ ye̱, ni dšee ta mli hũ ame̱gboi ye̱!

Yesaia 22:2 ပူးပေါင်းရင်းမြစ်များ

Yesaia 10:4

Eshwɛŋ nɔ ko nɔ ko feemɔ fe akɛ amɛdɔ kɔmɔɔ yɛ gboklɛfoi ateŋ, aloo amɛ hu amɛnyɔnyɔi. Kɛ̃lɛ enɛ fɛɛ sɛɛ lɛ Yehowa mlifu lɛ ejɔŋ; ni etoigbalamɔ nine lɛ ekpã mli lolo.

Yesaia 23:7

Kwɛ, nyɛmaŋ ni ji blema maŋ Tiro kɛ emli miishɛɛ babaoo lɛ ni yato gbɔ yɛ maŋsɛɛ nɔŋŋ nɛ. (Tiro)

Yesaia 32:13

yɛ ŋmei kɛ kpitikpiti ni aaakwɛ̃ yɛ mimaŋbii lɛ ashikpɔŋ lɛ nɔ lɛ hewɔ. Hɛɛ! Yɛ shĩai ni eyimɔ kɛ miishɛɛ kɛ maji ni miishɛɛ yɔɔ mli lɛ lɛ ahewɔ.

Yesaia 32:14

Ejaakɛ aaajo foi ashi mɔɔ, ni aaashi maŋ ni emli eyi kɛ gbɔmɛi lɛ afɔ̃ shi. Gɔŋkpɔ kɛ buumɔ̃ɔ lɛ aaatsɔ̃ kooloi abui kɛ ŋaŋ tejii amiishɛɛnamɔhe kɛ toi hu aniyelihe kɛaatee naanɔ.

Yesaia 37:33

“No hewɔ lɛ, nɔ ni Yehowa kɛɛ yɛ Asiria maŋtsɛ lɛ he nɛ, ‘Ebaŋ maŋ nɛɛ mli, ni etsɛ̃ŋ gãi kome nɛkɛ tete ewoŋ mli, ni ekɛ etsɛŋ ko baŋ jɛi, ni asaŋ etswaŋ kpoku ko ewoŋ he.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yeremia 14:18

Kɛji miyiŋ mitee ŋa lɛ nɔ lɛ, naa, gbohii ni enyɔnyɔɔi yɛ ta mli, kɛji miku misɛɛ kɛba maŋ lɛ mli lɛ, naa, gbɔmɛi ni hɔmɔ egbe amɛ. Ni gbalɔi lɛ kɛ osɔfoi lɛ miitsu amɛnitsumɔi lɛ yɛ shikpɔŋ lɛ nɔ nɛ; shi amɛleee nɔ ni amɛfeɔ lɛ.”

Yeremia 38:2

bɔ ni Yehowa kɛɔ nɛ, “Mɔ fɛɛ mɔ ni baahi Yerusalɛm maŋ lɛ mli lɛ, ebaanyɔ yɛ klante loo hɔmɔ loo gbele hela naa; shi mɔ fɛɛ mɔ ni baashi maŋ lɛ mli kɛya Babilonbii lɛ aŋɔɔ lɛ egboŋ; ebaato ewala ahu tamɔ ta mli haanii, ni ehiɛ aaakã.”

Yeremia 52:6

Afi nɛɛ nɔ nyɔŋ ni ji ejwɛ lɛ nɔ gbi ni ji nɛɛhu lɛ nɔ lɛ, hɔmɔ ni eba Yerusalɛm lɛ naa bawa bɔ sɔŋŋ ni maŋbii naaa nɔ ko nɔ ko amɛye.

Yāfó 1:1

Kwɛ bɔ ni maŋ ni kulɛ emli bii fa babaoo lɛ, ta shi ekometoo! Kwɛ bɔ ni etsɔ̃ tamɔ okulafo; lɛ maŋ ni kulɛ eje agbo yɛ majimaji ateŋ lɛ. Lɛ ni kulɛ lumɔ ji lɛ yɛ maji ateŋ lɛ, ŋmɛnɛ, etsɔ̃ mɔ ni atsuɔ lɛ onia.

Yāfó 2:20

Ao! Yehowa, kwɛmɔ koni oyoo mɔ ni ofee lɛ nɛkɛ nɛɛ lɛ. Aso ehi akɛ yeifɔyei aye amɛmusuŋbii ni ahiɛ amɛ yɛ fufɔ naa lɛ? Aso ehi akɛ agbe osɔfo kɛ gbalɔ fɛɛ yɛ Nuŋtsɔ lɛ He Krɔŋkrɔŋ lɛ mli lo?

Ezekiel 22:5

Mɛi ni bɛŋkɛ bo kɛ mɛi ni yɔɔ shɔŋŋ lɛ aaaye ohe fɛo, bo mɔ ni ohe guɔ egbo, ni basabasafeemɔ eyi omli obɔ̃.

Zefania 2:15

Naa, maŋ lɛ ni emli fili lɛ, ni esusu akɛ eyɛ shweshweeshwe, ni no hewɔ lɛ, ekɛɛ ehe akɛ, “Mi ji mi, ni mi misɛɛ lɛ mɔ ko mɔ ko bɛ lɛ, te tɛŋŋ ni etsɔ̃ amaŋfɔ̃ kɛ kooloi kakawuai ashihilɛhe nɛɛ? Mɔ fɛɛ mɔ ni aaatsɔ̃ ehe kɛho lɛ aaahoso eyitso, ni ehe aaajɔ̃ ehe.”