Yesaia 21:3 - ŊMALƐ KRƆŊKRƆŊ LƐ

³ No hewɔ lɛ, mihɛ mli eyi obɔ̃ kɛ piŋmɔ, kɔ̃ɔmɔ eta mihe; kɔ̃ɔmɔ eta mihe tamɔ yoo ni baafɔ. Mishɔ kwekweekwe, hewɔ lɛ minuuu nii. Mijijaa hewɔ lɛ minaaa nii.

Ṅmãle̱ Kroṅkroṅ Le̱

³ Nohewo̱ le̱ mihe̱ mli eyi obõ ke̱ pĩmo̱; kō̃mo̱ eta mihe tamo̱ yō ní bafo̱ kō̃mo̱; mišõ kwekwēkwe, hewo̱ le̱ minuu nii; midšidšã, hewo̱ le̱ minaa nii.

Yesaia 21:3 ပူးပေါင်းရင်းမြစ်များ

Yesaia 13:8

ni amɛbaajijaa; ŋmiŋmi baamɔmɔ amɛ, ni amɛbaababla shi tamɔ yoo ni miikɔmɔ; amɛaakwɛkwɛɛ amɛhiɛiaŋ kɛ naakpɛɛ, ni amɛhiŋmɛii aaatsu tamɔ lá.

Yesaia 26:17

Ao Yehowa, bɔ ni yoo ni hiɛ musu kɛ̃mɔɔ ni ebolɔɔ yɛ enɔnaa lɛ mli kɛji fɔ̃mɔ eshɛ shi etã lɛ, nakai pɛpɛɛpɛ wɔyɔɔ yɛ ohiɛ nɛɛ.

Lalai 48:6

Gbeyei mɔmɔ amɛ yɛ jɛi; amɛhe jara amɛ tamɔ yoo ni miikɔmɔ,

1 Tesalonikabii 5:3

Ejaakɛ be mli ni amɛaakɛɛ akɛ, “Wɔyɛ hejɔlɛ ni wɔyɛ shweshweeshwe!” lɛ, no mli nɔŋŋ hiɛkpãtãmɔ aaabatua amɛ trukaa, tamɔ kɔ̃ɔmɔ tuaa yoo ni hiɛ musu lɛ, ni amɛjeŋ mli kɔkɔɔkɔ.

Yeremia 48:41

ni ebaaŋɔ Moab maji ni ebaashɔ̃ emɔji lɛ. Ni nakai be lɛ Moab hii kãkãlɔi lɛ atsui aaatsɔ̃ tamɔ yoo ni miikɔmɔ tsui.

Yesaia 16:11

No hewɔ lɛ, misusuma miifo emli tamɔ kpãa saŋku yɛ Moab hewɔ, ni mitsui mli miishã mi miihã Kir-Heres.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

Yeremia 50:43

Babilon maŋtsɛ nu amɛhe pɛ, kɛkɛ ni enijiaŋ je wui, ni etsui fã tamɔ yoo ni miikɔmɔ ni ebaafɔ.

Yeremia 49:22

Naa, nakai be lɛ mɔ ko baagba shi shwiaa kɛba tamɔ okropɔŋ ni egbɛ efijiaŋ kɛbatua Bozra, ni Edom hii kãkãlɔi lɛ atsui baatsɔ̃ tamɔ yoo ni miikɔmɔ tsui.”

Yesaia 16:9

No hewɔ lɛ, mifo miha Sibma waintsei lɛ taakɛ mifo miha Yazer wainyibii lɛ. Ao Heshbon kɛ Eleale, mikɛ yaafonu baaju nyɛhe, ejaakɛ miishɛɛ ni okɛkpaa wainyibii kɛ oŋmãa lɛ sɛɛ efo.

Yesaia 15:5

Mitsui miiye miihã Moab. Emli foijelɔi eshɛ Zoar kɛ Eglat Shelishiya; mɛi kɛ yaafo miikwɔ kɛmiiya Luhit, ni mɛi hu ewo maŋ lɛ hiɛkpãtãmɔ lɛ he yara yɛ Horonaim gbɛjegbɛ lɛ nɔ.

5 Mose 28:67

Leebi lɛ obaakɛɛ akɛ, ‘Mina ni je ena’, ni gbɛkɛ lɛ obaakɛɛ akɛ, ‘Mina ni je etsɛre’. Obaakɛɛ nɛkɛ yɛ ŋmiŋmi ni emɔ bo kɛ ohiɛnaanɔ nii ni onaa lɛ ahewɔ.

Yohane 16:21

Kɛji yoo miikɔmɔ lɛ, ehaoɔ, ejaakɛ eŋmɛlɛtswaa lɛ eshɛ; shi kɛ efɔ bi lɛ sɛɛ lɛ, ekaiii hejaramɔ lɛ dɔŋŋ yɛ miishɛɛ ni enaa akɛ efɔ gbɔmɔ kɛba je lɛ mli lɛ hewɔ.

Yeremia 4:19

Miigbo! Miigbo! Miigbo kɛ ŋkɔmɔ! Ao! Mitsui miiwa mihe, mitsui miitswa kplakpla! Minyɛɛɛ dioo mafee, ejaakɛ miinu tɛtɛrɛmantɛrɛ gbɛɛmɔ kɛ ta oshebɔɔ.

Yeremia 6:24

Yerusalɛm kɛɛ, “Wɔnu amɛhe momo; ni no ehã wɔnijiaŋ eje wui, ni wɔtsui efã, ni tamɔ yoo ni miikɔmɔ ni ebaafɔ!