Yesaia 2:8 - ŊMALƐ KRƆŊKRƆŊ LƐ

⁸ Amɛshikpɔŋ lɛ nɔ eyi tɔ kɛ yakayaka amãgãi, ni amɛkotoɔ shi amɛjaa amɛninenaa nitsumɔnii, nii ni amɛkɛ amɛ diɛŋtsɛ amɛniji fee lɛ.

Ṅmãle̱ Kroṅkroṅ Le̱

⁸ Asaṅ ame̱šikpoṅ le̱ no̱ eyi obō ke̱ yakayakawo̱dši, ame̱dientše̱ ame̱ninenā nitšumo̱, nii ní ame̱dientše̱ ame̱wābii fe le̱, ame̱dšáa.

Yesaia 2:8 ပူးပေါင်းရင်းမြစ်များ

1 Maŋtsɛmɛi 16:7

Yehowa wiemɔ ni ekɛshiɔ Baasha kɛ ewe lɛ akɛtsɔ̃ Hanani bi Yehu nɔ, yɛ eshai ni Baasha fee eshi Yehowa lɛ ahewɔ. Baasha wo Yehowa mli la, jeee yɛ nibii fɔ̃ji ni efee, tamɔ bɔ ni Maŋtsɛ Yeroboam efee kɛtsɔ̃ ehiɛ momo lɛ kɛkɛ ahewɔ, shi moŋ akɛ egbe Yeroboam we lɛ mlibii fɛɛ lɛ.

2 Maŋtsɛmɛi 17:10

Ni amɛfee Ashera amãgãi, ni amɛfee wɔŋkoi yɛ gɔŋkpɔ fɛɛ gɔŋkpɔ ni kwɔ nɔ, kɛ tso fɛɛ tso ni ebu kusuu shishi.

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

2 Kronika 27:2

Yotam ba ejeŋ bɔ ni Yehowa taoɔ tamɔ bɔ ni etsɛ Uzia fee lɛ pɛpɛɛpɛ, fe akɛ lɛ lɛ ekaaa akɛ ekɛ ehe aaawo sɔ̃ɔmɔ ni asɔmɔɔ yɛ Yehowa Sɔlemɔtsu lɛ mli lɛ mli. Shi maŋbii lɛ tee nɔ amɛja jemawɔji komɛi.

Yesaia 17:8

Amɛbuŋ afɔleshãa latɛi ni amɛkɛ amɛniji fee lɛ amɛhaŋ nɔ ko nɔ ko. Amɛkɛ nii ni amɛkɛ amɛ diɛŋtsɛ amɛniji fee tamɔ Asherim wɔŋkoi lɛ loo tsofakɛŋmashãa latɛi lɛ efeŋ nɔ ko nɔ ko dɔŋŋ.

Yesaia 26:13

Ao Yehowa, wɔNyɔŋmɔ, nuŋtsɔmɛi krokomɛi ebaye wɔnɔ kɛho; shi bo pɛ ogbɛi lɛ kɛkɛ wɔle.

Yesaia 37:19

ni amɛhole maji lɛ anyɔŋmɔi lɛ amɛshɛrɛ amɛshwie la mli ni ashãshãai, ejaakɛ nomɛi lɛ jeee nyɔŋmɔi kwraa ni, shi moŋ gbɔmɛi aniji anaa nitsumɔnii ni, tso kɛ tɛ ni, ni no hewɔ afite amɛ lɛ.

Yesaia 40:19

Amãgã? No lɛ ŋaalɔ ni shwieɔ, ni shikaŋaalɔ kɛ shika haa he; ni esɔ̃ɔ jwiɛtɛi kɔsɔŋkɔsɔi ewoɔ lɛ.

Yesaia 41:29

Naa, nyɔŋmɔi nɛɛ fɛɛ lɛ, lakamɔnii ni; amɛnitsumɔi lɛ hu jeee fɛifɛi, ni amɛmãgãi lɛ hu kɔɔyɔɔ folo ni.”

Yesaia 57:5

Nyɛkɛ heloo akɔnɔ fɔŋ feɔ yakayakanii yɛ tso fɛɛ tso ni ebu kusuu shishi. Nyɛgbeɔ nyɛmusuŋbii nyɛkɛshãa afɔle yɛ jɔi amli kɛ tɛsaa fɔji amli.

Yeremia 1:16

Mibagbala miwebii lɛ atoi yɛ amɛnifɔ̃ɔjianii lɛ hewɔ akɛni amɛkwa mi, ni amɛyashã tsofakɛŋmai amɛhã nyɔŋmɔi krokomɛi, ni amɛkɛ amɛniji efee amãgãi, ni amɛja amɛ.

Yeremia 11:13

Ao! Yuda, onyɔŋmɔi lɛ ayi efa tamɔ omaji lɛ ayifalɛ, ni bɔ ni gbɛjegbɛi ni yɔɔ Yerusalɛm maŋ lɛ mli lɛ fa lɛ, nakai nyɛmamɔ afɔleshãa latɛi nyɛkɛfeɔ hiɛgbejianii, no ji nyɛkɛshãa tsofakɛŋma nyɛhãa Baal.

Yeremia 2:28

“Shi Yuda, nɛgbɛ nyɔŋmɔi lɛ ni ofee ohã ohe lɛ yɔɔ? Amɛte shi akɛ amɛaanyɛ oyiwala amɛhere yɛ ofimɔ be lɛ mli lo? Ao! Yuda, te nyɔŋmɔi ni oyɔɔ lɛ ayifalɛ tamɔ maji ni oyɔɔ lɛ ayibɔ nɔŋŋ?

Hosea 12:11

Shi kɛ̃lɛ aaja amãgãi yɛ Gilead; shi mɛi fɛɛ ni jaa amɛ lɛ aaagboi. Aagbe tsinai akɛmiishã afɔle yɛ Gilgal; shi afɔleshãa latɛi nɛɛ baatsɔ̃mɔ tɛi kuikui kɛkɛ yɛ amɛŋmɔjiashi akofii lɛ ateŋ.”

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Hosea 8:6

Ŋaalɔ ko ni fee tsinabi lɛ; shi naa, jeee Nyɔŋmɔ ni. Nakai tsinabi lɛ ni ajaa yɛ Samaria lɛ, aaajwara lɛ dukuduku.

Mika 5:12

Makpãtã okunyaayelɔi lɛ ahiɛ, ni okɔmfo kome nɛkɛ eshwɛŋ haŋ bo.

Bɔfoi 17:16

Be ni Paulo mɛɔ Sila kɛ Timoteo yɛ Atene lɛ, ena akɛ eji maŋ ni eyi obɔ̃ kɛ amãgãi sɔŋŋ, ni ehao lɛ.

5 Mose 4:28

“Nyɛbaaya nyɛyaja nyɔŋmɔi ni ji tsei kɛ tɛi ni gbɔmɔ kɛ enine fee; amɛnaaa nii lɛ, amɛnuuu nii hu, amɛyeee nii, ni amɛnuuu nii fu hu.

Kpojiemɔ 9:20

Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.