Yesaia 2:3 - ŊMALƐ KRƆŊKRƆŊ LƐ

³ Ni mɛi babaoo baakɛɛkɛɛ amɛhe akɛ, “Nyɛbaa, nyɛhãa wɔyaa Yehowa gɔŋ lɛ nɔ, ni wɔyaa Yakob Nyɔŋmɔ lɛ We lɛ, koni etsɔ̃ɔ wɔ bɔ ni etaoɔ akɛ wɔhi shi wɔhã, koni wɔba wɔjeŋ nakai, Ejaakɛ mla lɛ, Zion ebaajɛ, ni Yehowa wiemɔ lɛ, Yerusalɛm ebaajɛ.”

Ṅmãle̱ Kroṅkroṅ Le̱

³ ni mãdšimãdši pī aate ayakē̱ ake: Nyebaä ní wo̱yakwo̱a Iehowa goṅ le̱, ke̱-yaä Iakob Nyoṅmo̱ le̱ we le̱, koni etšõwo̱ egbè̱i le̱, ni wo̱nyie etempõṅi le̱ ano̱! Edšake̱ mla le̱, Zion ebadše̱, ni Iehowa wiemo le̱, Ierusalem ebadše̱. Ioh 4,22.

Yesaia 2:3 ပူးပေါင်းရင်းမြစ်များ

Ester 9:27

Yudafoi lɛ to gbii nɛɛ akɛ gbijurɔ. Amɛfo amɛŋmɛ shi amɛhã amɛhe kɛ amɛshwiei kɛ mɛi fɛɛ ni aaabadɔmɔ amɛ akɛ amɛye gbii enyɔ nɛɛ daa afi, yɛ be ni ato lɛ mli kɛbɔ hu ni ato akɛ aye amɛ ahã lɛ; ni ekaho amɛyi kɔkɔɔkɔ.

Lalai 102:23

Yehowa egbɔjɔ mi yɛ miblahiaŋ; etse miwala gbii lɛ anɔ.

Lalai 110:2

Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Lalai 119:171

Minaabu aaafɔse oyijiemɔ, ejaakɛ otsɔ̃ɔ mi omlai lɛ.

Lalai 122:1

Mimii shɛɔ mihe kɛji akɛɛ mi akɛ, “Ba ni wɔtee Yehowa we lɛ.”

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

Yesaia 1:26

Mato kojolɔi mahã bo tamɔ eyɔɔ tsutsu ko lɛ, kɛ ajinafoi hu tamɔ blema lɛ. No sɛɛ lɛ, bo Yerusalɛm, aaatsɛ bo jalɛ maŋ.”

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 19:23

Kɛji eshɛ nakai be lɛ, gbɛjegbɛ aaakã shi kɛaajɛ Ijipt kɛya Asiria; ni Asirianyo aaaba Ijipt, ni Ijiptnyo hu aaaya Asiria, ni Ijiptbii kɛ Asiriabii aaaja Yehowa yɛ he kome.

Yesaia 28:9

Amɛkɛɔ akɛ, “Namɔ kwraa nii ebaatsɔ̃ɔ mɔ, ni namɔ kwraa ebaagbala sane mli etsɔ̃ɔ? Abifabii ni atse amɛ fufɔ, loo mɛi ni ayahole amɛ yɛ fufɔ naa?

Yesaia 44:5

Mɔnɛ baakɛɛ mɔnɛ akɛ, ‘Yehowa nɔ ji mi;’ ni mɔ kroko aaaŋɔ Yehowa gbɛi awo ehe, ni mɔ ko hu aaaŋma yɛ enine he akɛ, ‘Yehowa nɔ nɛ’, ni eeeŋɔ Yehowa gbɛi ewo ehe.”

Yesaia 56:5

maha amɛna gbɛi yɛ miSɔlemɔ we lɛ kɛ mimaŋbii lɛ ateŋ, gbɛi ni hi fe bihii kɛ biyei. Maha amɛna gbɛi ni baahi shi kɛya naanɔ fɛɛ, ni agbeŋ kɔkɔɔkɔ.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yesaia 60:3

Ni maji aaatsi kɛbɛŋkɛ ola lɛ, ni maŋtsɛmɛi aaaba ola ni kpɛɔ yɛ onɔ lɛ he.

Yesaia 65:11

“Shi nyɛ mɛi ni nyɛkwa Yehowa, ni nyɛhiɛ ekpa egɔŋ krɔŋkrɔŋ Zion lɛ nɔ, ni nyɛŋmɛɔ okplɔ̃ nyɛkɛhãa shade wɔŋ, ni nyɛfɔseɔ wain ni afutu mli nyɛshwieɔ shi nyɛhãa shɛɛ mli wɔŋ lɛ,

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yeremia 12:16

Ni kɛji be ni aaashɛ nakai be lɛ amɛkase mimɛi lɛ ajeŋba, ni amɛkɛ migbɛi aaakã kitã akɛ, ‘Mina Yehowa, tamɔ bɔ ni amɛtsɔ̃ɔ mimaŋbii lɛ Baal gbɛi kɛ kitãkãmɔ lɛ, no lɛ mibaŋɔ amɛ mashi mimɛi lɛ anɔ.’

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 31:6

Ejaakɛ be ko miiba, ni bulɔi aaabolɔ yɛ Efraim gɔji lɛ anɔ akɛ, ‘Nyɛtea shi koni wɔya Yehowa, wɔNyɔŋmɔ lɛ, ŋɔɔ yɛ Zion.’ ”

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Mateo 7:24

“No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Yohane 4:22

Nyɛ lɛ, nyɛleee mɔ ni nyɛjaa; wɔ lɛ, wɔle mɔ ni wɔjaa, ejaakɛ walaheremɔ lɛ, Yudafoi lɛ aŋɔɔ ejɛ.

Yohane 7:17

Kɛji mɔ ko miisumɔ akɛ efee esuɔmɔnaanii lɛ, ebaayoo yɛ tsɔ̃ɔmɔ lɛ he akɛ Nyɔŋmɔ dɛŋ jɛ aloo mi diɛŋtsɛ miyiŋ mitoɔ miwieɔ.

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

5 Mose 33:19

Amɛaatsɛ mɛi kɛaaya amɛgɔ̃ŋ lɛ nɔ: jɛi amɛaashã afɔlei ni sa yɛ, ejaakɛ amɛna nii kɛjɛ ŋshɔ hiɛ, ni amɛna shĩa mli jwetri ni akɛtee lɛ hu.”

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.