Yesaia 2:2 - ŊMALƐ KRƆŊKRƆŊ LƐ

² Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Ṅmãle̱ Kroṅkroṅ Le̱

² Ni aaba mli ake nāgbē gbĩĩ le̱ amli le̱, Iehowa we le̱ goṅ le̱ aamã ši ye̱ gõdši le̱ ayiteaṅ, ni aawo eno̱ fè goṅkpo̱i le̱; ni dšeṅmãdši fè aaho ke̱-aba he; Ier. 3,17.

Yesaia 2:2 ပူးပေါင်းရင်းမြစ်များ

1 Mose 49:1

Kɛkɛ ni Yakob tsɛ ebii lɛ ni ekɛɛ, “Nyɛbuaa nyɛhe naa koni magba nyɛ wɔsɛɛ saji ni baaba nyɛ nɔ:

Hiob 19:25

Ejaakɛ mile akɛ, mikpɔlɔ lɛ hiɛ kã, ni naagbee mli lɛ eeedamɔ misɛɛ;

Lalai 102:23

Yehowa egbɔjɔ mi yɛ miblahiaŋ; etse miwala gbii lɛ anɔ.

Lalai 2:8

Bi mi, ni maŋɔ majimaji lɛ mahã bo akɛ ogboshinii; ni shikpɔŋ muu lɛ fɛɛ aaatsɔ̃ ogbɛfaŋnɔ.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 22:28

Ejaakɛ maŋtsɛyeli lɛ Yehowa nɔ ni, ni lɛ eyeɔ majimaji lɛ anɔ.

Lalai 48:2

Egɔŋ krɔŋkrɔŋ Zion shimaa yɛ fɛo. Shikpɔŋ muu lɛ fɛɛ tsui he nɔ ni. Zion Gɔŋ ni yɔɔ kooyigbɛ shɔŋŋ lɛ, ji maŋtsɛ wulu lɛ maŋ.

Lalai 68:17

Nuŋtsɔ lɛ jɛ Sinai eba He Krɔŋkrɔŋ lɛŋ kɛ tayaa shwiilii wuji akpe toi akpei abɔ.

Lalai 72:8

Elumɔyeli aaahe shi kɛaajɛ ŋshɔnaa kɛyagbee ŋshɔnaa; kɛaajɛ Eufrate Faa lɛ naa kɛyashi je lɛ naagbeehei kɛ̃.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Lalai 87:1

Gɔŋ Krɔŋkrɔŋ lɛ nɔ maŋ ni Nuŋtsɔ lɛ to lɛ ma!

Lalai 87:2

Yehowa sumɔɔ Yerusalɛm maŋ lɛ fe Israel shihilɛhei fɛɛ!

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 25:6

Yehowa, Taiatsɛ lɛ, kɛ fɔŋ niyenii sɔkɔɔ kɛ wain momo ni adoo nɔ jogbaŋŋ baaŋmɛ shikpɔŋ lɛ nɔ bii fɛɛ okplɔ̃ yɛ gɔŋ nɛɛ nɔ.

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Yesaia 30:29

Nyɛaala lala ko tamɔ bɔ ni alaa nyɔɔŋ kɛji aaye gbijurɔ krɔŋkrɔŋ ko lɛ. Kɛkɛ lɛ nyɛtsui aaayimɔ kɛ miishɛɛ tamɔ mɛi ni aakpã blɛ aahã amɛ, be mli ni amɛnyiɛ kɛyaa Yehowa, ni ji Israel Tɛsaa lɛ, we lɛ.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 56:5

maha amɛna gbɛi yɛ miSɔlemɔ we lɛ kɛ mimaŋbii lɛ ateŋ, gbɛi ni hi fe bihii kɛ biyei. Maha amɛna gbɛi ni baahi shi kɛya naanɔ fɛɛ, ni agbeŋ kɔkɔɔkɔ.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yesaia 60:3

Ni maji aaatsi kɛbɛŋkɛ ola lɛ, ni maŋtsɛmɛi aaaba ola ni kpɛɔ yɛ onɔ lɛ he.

Yesaia 65:11

“Shi nyɛ mɛi ni nyɛkwa Yehowa, ni nyɛhiɛ ekpa egɔŋ krɔŋkrɔŋ Zion lɛ nɔ, ni nyɛŋmɛɔ okplɔ̃ nyɛkɛhãa shade wɔŋ, ni nyɛfɔseɔ wain ni afutu mli nyɛshwieɔ shi nyɛhãa shɛɛ mli wɔŋ lɛ,

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yesaia 66:23

Yehowa kɛɛ, “Ni aaaba mli akɛ nyɔŋ hee fɛɛ nyɔŋ hee kɛ hejɔɔmɔ gbi fɛɛ hejɔɔmɔ gbi nɔ lɛ, gbɔmɛi fɛɛ aaaba abaja yɛ mihiɛ,” Yehowa kɛɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 23:20

Yehowa mlifu lɛ sɛɛ efoŋ kɛyashi beyinɔ ni nɔ ni eto eyiŋ akɛ ebaafee lɛ, ena efee egbe naa. Wɔsɛɛ ko dani nyɛaanu sane nɛɛ shishi jogbaŋŋ.”

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 3:17

Nakai be lɛ mli lɛ abaatsɛ Yerusalɛm akɛ Yehowa Maŋtsɛ Sɛi, ni majimaji bluublu aaabua amɛhe naa kɛaaba Yehowa hiɛ yɛ Yerusalɛm amɛbaja mi. Amɛkɛ kuɛŋtilɛ efeŋ nɔ ni amɛtsui fɔŋ kɛɔ amɛ lɛ dɔŋŋ.

Yeremia 30:24

Yehowa mlifu ni naa wa lɛ sɛɛ efoŋ kɛyaashi beyinɔ ni nɔ ni eto eyiŋ akɛ ebaafee lɛ, ena efee kɛgbe naa. Wɔsɛɛ ko dani nyɛaanu sane nɛɛ shishi faŋŋ.

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Yeremia 48:47

Shi naagbee mli aahu lɛ, mibahã Moab nine ashɛ nibii ni eŋmɛɛ lɛ lɛ fɛɛ nɔ. Mi, Yehowa, mikɛɛ, ‘Bɔ ni mikɛ Moab baaye mahã kɛyata nɛ.’ ”

Yeremia 49:39

Shi naagbee mli aahu lɛ, mibahã Elam nine ashɛ nibii ni eŋmɛɛ lɛ lɛ fɛɛ nɔ. Mi, Yehowa mikɛɛ.”

Yeremia 51:44

Mibagbala Bel, Babilonbii awɔŋ lɛ toi, ni mahã egɔi nibii fɛɛ ni emimii. Majimaji anɔ bii eloŋ amɛhe kɛyaŋ eŋɔɔ dɔŋŋ. Babilon maŋ lɛ he gbogbo lɛ ekumɔ eshwie shi.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 2:45

Bɔ ni ona tɛ ko ni jeee gbɔmɔ adesa nine ni kpɔ lɛ kɛjɛ gɔŋ ko he, ni ebafuflu amãgã ni akɛ dade kɛ akɔɔble kɛ su kɛ jwiɛtɛi kɛ shika fee lɛ, Nyɔŋmɔ kpeteŋkple lɛ ejie nɔ ni baaba wɔsɛɛ ko lɛ etsɔ̃ɔ bo, Nii. Lamɔ ni migba Nii nɛɛ, eji anɔkwale; ni eshishi ni mitsɔ̃ɔ lɛ hu yɛ mli nyɔŋma shiishi.”

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 8:22

Mɛi babaoo kɛ majimaji ni ahe wa tete aaba Yerusalɛm abatao Yehowa Taiatsɛ lɛ, sɛɛgbɛ ni amɛaakpa lɛ fai.”

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

Maleaki 3:12

Kɛkɛ lɛ je lɛ mli majimaji fɛɛ baabu nyɛ akɛ mɛi ni ajɔɔ, ejaakɛ nyɛbaatsɔ̃ maŋ ni mii eshɛ ehe.” Yehowa, Taiatsɛ lɛ, kɛɛ.

4 Mose 24:14

Balaam tee ewiemɔ lɛ nɔ, ni ekɛɛ Balak akɛ, “Mi lɛ miiya mimaŋ, shi dani mashwie nɔ lɛ, mibatswa bo adafi yɛ nɔ ni Israel maŋ nɛɛ baafee omaŋ lɛ wɔsɛɛ ko he.”

Bɔfoi 2:17

“Nyɔŋmɔ kɛɛ, ‘Ni aaaba mli yɛ naagbee gbii lɛ anɔ akɛ, mafɔse miMumɔ lɛ eko mashwie gbɔmɛi fɛɛ anɔ, ni nyɛbihii kɛ nyɛbiyei lɛ aaagba, ni nyɛblahii lɛ aaana ninai, ni nyɛnukpai lɛ aaala lamɔi.

2 Timoteo 3:1

Shi na enɛ ole akɛ naagbee gbii lɛ amli lɛ jaramɔ bei baaba.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.