Yesaia 2:18 - ŊMALƐ KRƆŊKRƆŊ LƐ

¹⁸ ni yakayaka amãgãi lɛ baaho aya kwraa.

Ṅmãle̱ Kroṅkroṅ Le̱

¹⁸ Ni yakayakawo̱dši le̱ ase̱ aafo kwrā!

Yesaia 2:18 ပူးပေါင်းရင်းမြစ်များ

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

Zefania 1:3

“Mibakpãtã gbɔmɔ kɛ kooloo hiɛ; mibakpãtã loofɔji kɛ ŋshɔŋ loi fɛɛ ahiɛ, mibakpãtã yiwalɔi ahiɛ; mibaplene gbɔmɛi yɛ shikpɔŋ lɛ nɔ, Mi, Yehowa, mikɛɛ.

Hosea 14:8

Israelbii kɛ wɔji naŋ nɔ ko feemɔ dɔŋŋ. Mibabo amɛsɔlemɔ toi. Mibatsɔ̃ tso ni eyi baa kpalaaa mahã amɛ, ni mibabaa amɛyi; nyɛjɔɔmɔi fɛɛ baajɛ mi midɛŋ.”

Ezekiel 37:23

“Amɛkɛ amɛmãgãi kɛ amɛmusubɔɔnii lɛ kɛ eshai ni amɛfeɔ lɛ ekoeko buleŋ amɛhe dɔŋŋ; shi moŋ mahere amɛyiwala kɛaajɛ eshai ni amɛfee ni etse amɛ kɛje mihe lɛ amli, ni matsuu amɛhe; kɛkɛ lɛ amɛaatsɔ mimaŋ, ni matsɔ amɛNyɔŋmɔ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 21:9

Trukaa lɛ, naa okpɔŋɔnɔtalɔi komɛi ni miiba; amɛnyiɛ mɛi enyɔnyɔɔnyɔ!” Nuŋtsɔ lɛ here nɔ, ni ekɛɛ, “Babilon egbee shi! Hɛɛ! Egbee shi! Emãgãi lɛ fɛɛ akumɔ ashwie shi nɛɛ!”

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yesaia 46:1

“Babilon nyɔŋmɔi lɛ anaagbee nɛ! Be ko ni eho lɛ, aja Bel kɛ Nebo. Shi amrɔ nɛɛ afimɔ amɛ ashwie tejii akotosɛɛ akɛ jatsu ni kooloi tere ni etɔ amɛ.

Yeremia 10:11

“Bɔ ni nyɛkɛɛ amɛ nɛ, ‘Nyɔŋmɔi lɛ ni jeee amɛ amɛbɔ ŋwɛi kɛ shikpɔŋ lɛ, amɛ fɛɛ amɛhiɛ baakpãtã yɛ shikpɔŋ lɛ nɔ kɛ atatuiaŋ fɛɛ.’ ”

Ezekiel 30:13

Bɔ ni Nuŋtsɔ Yehowa kɛɔ nɛ, “Mafite amɛmɔji lɛ; ni mahã akumɔ amɛmãgãi ni yɔɔ Memfis lɛ. Ayeŋ lumɔ ko dɔŋŋ yɛ Ijipt, ni mahã Ijipt shikpɔŋ lɛ nɔ aba gbeyei.

Mika 1:7

Aaajwara emãgãi lɛ fɛɛ wɔtsɔwɔtsɔ, ni nii ni akɛbawoɔ Sɔlemɔ we lɛ ajwamãŋi anyɔmɔ lɛ, aaashã fɛɛ. Makumɔ ewɔji lɛ fɛɛ mabua shi ni etsɔ̃ tamɔ gɔŋ. Ajwamãŋi anyɔmɔwo mli Samaria bua nii nɛɛ anaa kɛjɛ, ni agbɛnɛ Samaria henyɛlɔi aaaloo fɛɛ kɛaatee amɛjamɔhei yɛ hei krokomɛi.”

Mika 5:13

Mafite omãgãi lɛ kɛ owɔŋtɛi lɛ, ni ojaŋ nibii ni okɛ oniji fee lɛ dɔŋŋ.

Yeremia 51:18

Amɛhe bɛ sɛɛnamɔ, mɔ akɛlakaa; be ni abaagbala amɛtoi lɛ, amɛ fɛɛ amɛhiɛ baakpãtã.

Ezekiel 6:6

Hei fɛɛ ni nyɛyɔɔ lɛ nyɛmaji lɛ aaatsɔmɔ amaŋfɔ̃i, ni aaafite nyɛfɔleshãa latɛi kɛ nyɛjamɔhei grɔŋgrɔŋŋ lɛ. No hewɔ lɛ, abaafite nyɛfɔleshãa latɛi lɛ, ni amɛhiɛ baakpãtã. Abaakumɔ nyɛmãgãi lɛ, ni abaakpãtã hiɛ, ni nyɛtsofakɛŋma afɔleshãa latɛ lɛ, abaakumɔ, ni nyɛnitsumɔi lɛ abaagu.

Zefania 2:11

Amɛbaashe Yehowa gbeyei naakpa. Yehowa baashwie shikpɔŋ lɛ nɔ jemawɔji fɛɛ ahiɛ shi; ni kɛkɛ lɛ maji fɛɛ baaja Yehowa yɛ amɛteŋ mɔ fɛɛ mɔ diɛŋtsɛ shikpɔŋ nɔ.