Yesaia 2:12 - ŊMALƐ KRƆŊKRƆŊ LƐ

¹² Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Ṅmãle̱ Kroṅkroṅ Le̱

¹² Edšake̱ Iehowa Zebaot gbĩ le̱ aaba noni kwo̱ ke̱ noni yo̱ godšō ke̱ nofẽno ni awó no̱ le̱ no̱, ni eeba ši;

Yesaia 2:12 ပူးပေါင်းရင်းမြစ်များ

2 Samuel 22:28

Ohereɔ humii ayiwala, shi henɔwolɔi lɛ obaa amɛ shi.

Hiob 24:1

“Mɛɛba Ofe lɛ etooo be pɔtɛ̃ɛ ni ekojoɔ, ni mɛɛba mɛi ni sɔmɔɔ lɛ tete leee ekojomɔ bei lɛ?

Lalai 131:1

Oo Yehowa, mitsui wooo ehe nɔ, ni mitsɛɛɛ mihe hu. Ni misaa minyiɛɛɛ nibii wuji loo nibii ni yɔɔ naakpɛɛ tsɔ̃ hã mi lɛ asɛɛ.

Lalai 18:28

Oo Yehowa, miNyɔŋmɔ, lɛɛlɛŋ bo ohãa mi kane; ni ohãa miduŋ mli kpɛɔ kɛ la.

Lalai 37:13

shi Nuŋtsɔ lɛ ŋmɔɔ yiwalɔ lɛ, ejaakɛ enaa akɛ enaagbee miiba.

Lalai 94:2

Oo je lɛ kojolɔ, wo ohe nɔ, koni owo hewolɔi lɛ nyɔmɔ bɔ ni sa amɛ.

Abe̱i 16:5

Yehowa miihi mɔ fɛɛ mɔ ni woɔ ehe; kɛ ata abasa yɛ nɔ po, abaagbala etoi.

Yesaia 10:12

Kɛji Nuŋtsɔ lɛ gbe enitsumɔ lɛ fɛɛ naa yɛ Zion Gɔŋ lɛ nɔ, kɛ Yerusalɛm lɛ, ebaagbala Asiria maŋtsɛ toi yɛ eshwãa kɛ ehewoo lɛ hewɔ.

Yesaia 10:33

Naa, Nuŋtsɔ Yehowa, Taiatsɛ lɛ, kɛ hewalɛ ko baafolɔ tsei aniji lɛ eshwie shi. Nii ni ekwɔlɔ gojogojoo lɛ, abaafolɔ amɛ ashwie shi; ni nii ni ehole amɛhe nɔ lɛ, abaafolɔ nɔ.

Yesaia 13:11

Mibagbala je lɛ toi yɛ emli nifɔɔjianii hewɔ, ni mibagbala mɛi fɔ̃ji atoi yɛ amɛnɔshai lɛ ahewɔ. Mibaha hewolɔi ahetsɔ̃ɔmɔ lɛ sɛɛ afo, ni mibaba yiwalɔi ahenɔwomɔ lɛ shi.

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 13:9

Naa, gbi ni Yehowa eto lɛ miiba. Gbi lɛ baafee yiwalɛ gbi ni jɛ mlila kɛ mlifu ni naa wa mli. Ebaaha je lɛ atsɔ̃ amaŋfɔ̃, ni aaakpãtã emli eshafeelɔi lɛ ahiɛ kɛje je lɛ mli.

Yesaia 14:15

Shi moŋ aaaba bo shi kɛaatee gbohiiaje, kɛaatee bu kwɔŋkwɔŋ lɛ shishi tɔ̃ɔ.

Yesaia 23:9

Yehowa, Taiatsɛ lɛ, ni to nɛkɛ yiŋ. Eto yiŋ nɛɛ koni ekɛba amɛhe ni amɛwoɔ, yɛ hiɛnyam ni amɛna hewɔ lɛ shi, bɔ ni afee ni shikpɔŋ lɛ nɔ anunyam gbɔmɛi fɛɛ ahiɛ agboi.

Yesaia 24:21

“Nakai gbi lɛ nɔ lɛ, Yehowa baagbala ŋwɛi asafo lɛ toi yɛ ŋwɛi, ni ebaagbala shikpɔŋ lɛ nɔ maŋtsɛmɛi lɛ hu atoi yɛ shikpɔŋ lɛ nɔ.

Yesaia 24:4

Shikpɔŋ lɛ miigbi, ni eeŋala; je lɛ miigbede, ni eeŋala; ŋwɛi kɛ shikpɔŋ lɛ fɛɛ miigbede.

Yesaia 40:23

Lɛ ehãa lumɛi feɔ shwɛm, ni shikpɔŋ lɛ nɔ nɔyelɔi lɛ tsɔ̃ɔ yaka nɔ ko.

Yesaia 42:15

Makpãtã gɔji kɛ gɔŋkpɔi ahiɛ, ni mahã amɛnɔ jwɛi fɛɛ agbi, mahã fai atsɔ̃mɔ faakpɔi, ni mahã kpaakpoi hu amii.

Yesaia 5:15

Abaawo mɔ fɛɛ mɔ hiɛgbele, ni abaaba nuu fɛɛ nuu shi, ni hewolɔi lɛ hu aaaba amɛ shi.

Yesaia 61:2

Etsu mi koni mibashiɛ akɛ Yehowa dromɔ afi lɛ kɛ wɔNyɔŋmɔ lɛ oweletɔɔ gbi lɛ eshɛ, koni mishɛje ŋkɔmɔyelɔi fɛɛ amii.

Yeremia 12:9

Ani mimɛi lɛ etsɔ̃ loofɔlɔ looyelɔ kɛ ehe ŋwãtãŋwãtã ehã mi lo? Ani loofɔji looyelɔi ebɔle lɛ kɛkpe kpula? Yaa koni oyabua ŋaŋ kooloi fɛɛ anaa ni okɛ amɛ aba koni amɛbaye nii.

Yeremia 13:9

“Bɔ ni mi, Yehowa, mikɛɔ nɛ. Nɛkɛ pɛpɛɛpɛ ji bɔ ni mibafo Yuda hewoo lɛ kɛ Yerusalɛm hu hewoo babaoo lɛ sɛɛ mahã.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Yeremia 46:10

Nuŋtsɔ Nyɔŋmɔ, Yehowa Taiatsɛ lɛ, gbi nɛ, gbi nɛɛ ji oweletɔɔ gbi ni ekɛbaatɔ ehe owele yɛ ehenyɛlɔi lɛ anɔ. Klante baaye nii ni etɔ, klante baanu lá ni etɔ lɛ dãa, ejaakɛ Nuŋtsɔ Nyɔŋmɔ Taiatsɛ lɛ miigbe ehenyɛlɔi tamɔ afɔle kooloi yɛ kooyigbɛ shikpɔŋ lɛ nɔ yɛ Eufrate Faa lɛ he.

Yeremia 50:31

“Bo maŋhewolɔ, naa, mi kɛ bo ena. Nuŋtsɔ Nyɔŋmɔ Taiatsɛ lɛ, kɛɛ, ejaakɛ ogbi lɛ eshɛ be ni mibagbala otoi lɛ.

Ezekiel 13:5

Amɛbuuu fɔji lɛ anaa, ni amɛtswaaa gbogbo amɛwooo Israel we lɛ he, bɔ ni eeenyɛ ekpee ta naa yɛ Yehowa gbi lɛ nɔ.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Amos 5:18

Kpoo hã nyɛ, nyɛ mɛi ni nyɛshweɔ Yehowa gbi lɛ. Mɛni nyɛbaana yɛ Yehowa gbi lɛ nɔ? Naa, duŋ gbi ni, shi jeee la gbi ni:

Mika 2:3

No hewɔ lɛ, bɔ ni Yehowa kɛɔ nɛ, “Mito ni mibahã sane fɔŋ aye nyɛ ni nyɛnyɛŋ enaa foi nyɛjo; amanehulu baaba nyɛnɔ, ni nyɛnyɛŋ nyɛnyiɛ kɛ nyɛhetsɔ̃ɔmɔ.

Mika 5:11

Mafite maji ni yɔɔ oshikpɔŋ lɛ nɔ lɛ, ni makumɔ mɔji ni buɔ ohe lɛ mashwie shi.

Zefania 1:16

Gbi lɛ tɛtɛrɛmantɛrɛ baagbɛɛ, ni abaabɔ oshe kɛtua maji ni atswatswaa gbogboi awo amɛhe lɛ kɛ mɔji ni kwɔlɔ lɛ hu.

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Maleaki 4:5

“Shi dani nakai Yehowa gbi wulu ni yɔɔ gbeyei lɛ baashɛ lɛ, mibatsu Gbalɔ Elia kɛba nyɛŋɔɔ.

Mateo 23:12

Mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

1 Korintobii 5:5

wɔkɛ gbɔmɔ ni tamɔ nɛkɛ nɛɛ awo Satan dɛŋ, koni epiŋ egbɔmɔtso lɛ ni ahere mumɔ lɛ yiwala yɛ Nuŋtsɔ Yesu Gbi lɛ nɔ.

1 Tesalonikabii 5:2

Ejaakɛ nyɛ diɛŋtsɛ nyɛle krɛdɛɛ akɛ Nuŋtsɔ lɛ Gbi lɛ baaba tamɔ julɔ baa nyɔɔŋ lɛ.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”