Yesaia 19:3 - ŊMALƐ KRƆŊKRƆŊ LƐ

³ Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Ṅmãle̱ Kroṅkroṅ Le̱

³ Ni Mizraim mumo̱ aatã ye̱ emli, ni mahã edšinatō afe yaka. Ni ame̱ate ame̱yafe nii ye̱ ame̱yakayakawo̱dši ke̱ ame̱klamo̱i ke̱ ame̱kõmfoi ke̱ ame̱wo̱dšiatše̱mei hũ aṅõ.

Yesaia 19:3 ပူးပေါင်းရင်းမြစ်များ

2 Samuel 15:31

Ni mɔ ko bagba Maŋtsɛ David akɛ Ahitofel hu shi maŋjwalɔi lɛ anɔ. Kɛkɛ ni David sɔle ekpa Yehowa fai, ni ekɛɛ, “Oo, Yehowa, miikpa bo fai, hã ŋaa fɛɛ ŋaa ni Ahitofel baawo lɛ atsɔ̃ kwashiai aŋaa.”

2 Samuel 17:14

Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

2 Maŋtsɛmɛi 1:2

Israel Maŋtsɛ Ahazia, jɛ eŋwɛi asa ni yɔɔ Samaria lɛ samflɛ mli eyagbee shi, ni epila waa. No hewɔ lɛ, etsu bɔfoi koni amɛyabi Baal-Zebub, Filistibii anyɔŋmɔ ni yɔɔ Ekron lɛ nii akɛ, “Ani hela ni yeɔ mi nɛɛ, mana hewalɛ lo?”

1 Kronika 10:13

Anɔkwa ni Saul eyayeee lɛ hewɔ ni egbo lɛ. Saul eyayeee Yehowa anɔkwa ejaakɛ eyayeee Yehowa kitãi lɛ anɔ ejaakɛ etee eyafee nii yɛ sisatsɛlɔ ŋɔɔ ekɛbi nii,

Lalai 107:27

Amɛkpaa, ni amɛdidãa tamɔ dãatɔlɔi, ni amɛŋaa fɛɛ laajeɔ amɛ.

Lalai 33:10

Yehowa hãa majimaji lɛ ayiŋtoi lɛ feɔ yaka; ni etswaa ayiŋtoi lɛ efɔ̃ɔ.

Lalai 76:12

lɛ mɔ ni ebaa lumɛi ashi, ni ehãa shikpɔŋ lɛ nɔ maŋtsɛmɛi sheɔ lɛ gbeyei lɛ.

Abe̱i 21:30

Gbɔmɔ nilee loo eniiashishinumɔ, loo eŋaawoo ko bɛ ni kɛ Yehowa nɔ lɛ aaafu daa.

Yesaia 14:27

Ejaakɛ Yehowa, Taiatsɛ lɛ, eto eyiŋ, ni namɔ baaku naa? Ekpã enine mli, ni namɔ aaanyɛ enaa aku?

Yesaia 15:2

Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 44:25

Mɔ ni hãa amalelɔi agbalɛi feɔ yaka, ni ehãa klamɔi tsɔ̃ɔ kwashiai, mɔ ni kũɔ nilelɔi anaa, ni ehãa amɛnilee lɛ tsɔ̃ɔ kwashiai anii lɛ.

Yesaia 47:12

“Yaa nɔ kɛ okablɛfiimɔ kɛ okunyaayeli babaoo ni ogbo he deŋme kɛjɛ oblahiiaŋ lɛ, akɛ aleee nɔ eeenyɛ eye ebua bo lo; akɛ aleee nɔ ohe aaafee gbeyei.

Yesaia 57:16

Ejaakɛ mibeŋ kɛyaŋ naanɔ, ni jeee daa mimli aaawo la, ejaakɛ mi midɛŋ mumɔ jɛɔ, ni mi mibɔ wala mumɔ.

Yesaia 8:19

Kɛji mɔ ko aaakɛɛ nyɛ akɛ, “Nyɛyabia okɔmfoi kɛ klamɔfoi ni wieɔ gugɔjiaŋ kɛ akroma gbee lɛ nii lɛ, nyɛkɛa akɛ aso esaaa akɛ maŋbii biɔ amɛNyɔŋmɔ lɛ moŋ nii? Aso esa akɛ abiɔ gbohiinii ahaa hiɛkãalɔi moŋ?”

Yeremia 46:15

Mɛɛba ni Apis, tsina wɔŋ lɛ, jo foi ni edamɔɔɔ shi lɛ? Ejaakɛ Yehowa tsi lɛ etswa shi.

Ezekiel 21:7

Ni kɛji amɛbi bo akɛ, ‘Mɛni hewɔ ohũɔ lɛ?’ Okɛɛ akɛ, ‘Saji ni minu lɛ hewɔ ni. Kɛji eba mli lɛ, mɔ fɛɛ mɔ baashe gbeyei, ni kɔ̃ɔji fɛɛ baakplɔke, ni mɔ fɛɛ mɔ baatsɔ̃ feetɔ, ni nakutsei fɛɛ tswɛm baakpokpo tamɔ ayawaŋ nu. Naa, be lɛ eshɛ, ni ebaaba mli kɛ̃;’ ” Nuŋtsɔ Yehowa kɛɛ.

Ezekiel 22:14

Gbi ni mikɛ bo aaaye lɛ, aso ooonyɛ naa odamɔ? Aloo ooonyɛ onine nɔ po owo? Mi, Yehowa, miwie, ni mafee.

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

Daniel 2:2

No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Daniel 5:7

Maŋtsɛ lɛ bo waa akɛ ayaŋɔ ashwãifeelɔi lɛ kɛ klalɔi lɛ kɛ ŋulamiiaŋkwɛlɔi lɛ abahã lɛ. Be ni Babilon nilelɔi nɛɛ ba lɛ, maŋtsɛ lɛ kɛɛ amɛ akɛ, “Mɔ ni baanyɛ gbogbo nɛɛ he niŋmaa nɛɛ ekane, ni asaŋ etsɔ̃ɔ mi eshishi lɛ, abaawula lɛ kɛ lumɔ atade afaseo kɛ shika kɔsɔŋkɔsɔ kuɛnii. Ebaatsɔ̃ nɔyelɔ ni ji etɛ̃ yɛ mimaŋtsɛyeli lɛ mli.”

1 Samuel 25:37

be mli ni wain lɛ etserɛ yɛ ehiɛ lɛ. Be ni Nabal ŋa Abigail gba lɛ nibii ni tee nɔ lɛ, Nabal tsui sɔŋŋ ni fã lɛ hã eniji kɛ enaji fɛɛ gboi amrɔ lɛ nɔŋŋ yɛ ehe.