Yesaia 17:3 - ŊMALƐ KRƆŊKRƆŊ LƐ

³ Mɔɔ ko mɔɔ ko ni wa eshwɛŋ yɛ Israel shikpɔŋ lɛ nɔ, ni Damasko yeŋ maŋ ko maŋ ko nɔ dɔŋŋ; ni mɛi ni baashwɛ yɛ Siria lɛ ahiɛ aaashwie shi tamɔ Israel. Mi Yehowa, Taiatsɛ lɛ, mikɛɛ.”

Ṅmãle̱ Kroṅkroṅ Le̱

³ Efraim mō̃ ní wa le̱ ke̱ *Damasko maṅtše̱yeli le̱ ke̱ nii ní eſe̱ ye̱ Aram le̱ ase̱ aafo, ame̱atamo̱ Israelbii le̱ anumnyam le̱, Iehowa Zebaot kē̱. *7,1. 3.

Yesaia 17:3 ပူးပေါင်းရင်းမြစ်များ

2 Maŋtsɛmɛi 16:9

Tiglat Pileser fee nɔ ni Ahaz babi lɛ lɛ. Efã ta eyatua Damasko, ni eye enɔ, ni egbe Maŋtsɛ Rezin, ni eŋɔ Damaskobii lɛ nom kɛtee Kir.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

Yesaia 10:9

Ani Kalno tamɔɔɔ Karkemish, ni Hamat tamɔɔɔ Arpad, ni Samaria tamɔɔɔ Damasko hã mi?

Yesaia 16:14

Shi amrɔ nɛɛ Yehowa miikɛɛ akɛ, “Biɛ afii etɛ̃ mli lɛ, tamɔ afii ni apaafonyo yeɔ yɛ apaayelihe lɛ, Moab anunyam lɛ he guɔ baagbo, tsɛbelɛ amɛyi fa babaoo, ni emɛi ni aaashwɛ lɛ ayifalɛ shɛŋ nɔ ko nɔ ko, ni amɛnaŋ hewalɛ ko.”

Yesaia 17:4

Yehowa kɛɛ, “Gbi miiba, ni nakai gbi lɛ Israel anunyam lɛ nɔ baagbɔ, ni eninamɔ ni ehã eshwi lɛ baatsɔ̃ ohia, ni ebaatã loo.

Yesaia 25:2

Oha maŋ lɛ fee koikoi; maŋ ni atswa gbogbo awo he lɛ etsɔ̃ koikoi; Maŋsɛɛbii amaŋtsɛ we lɛ ekumɔ, ni akuŋ sɛɛ amaŋ kɔkɔɔkɔ.

Yesaia 7:16

Ejaakɛ be ni gbekɛ nɛɛ aaada ni ekwa nɔ fɔŋ ni ekɔ nɔ kpakpa lɛ, maŋtsɛmɛi enyɔ ni osheɔ amɛ gbeyei nɛɛ lɛ ashi amɛshikpɔŋ lɛ amaŋfɔ̃.

Yesaia 7:8

ejaakɛ Siria he waaa fe Damasko, ni Damasko he waaa fe Maŋtsɛ Rezin. Yɛ Israel gbɛfaŋ lɛ biɛ afii nyɔŋmai ekpaa kɛ enumɔ mli lɛ abaabutu lɛ, ni efeŋ maŋ dɔŋŋ.

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Hosea 1:4

Yehowa kɛɛ Hosea akɛ, “Wo abifao lɛ gbɛi akɛ, ‘Yezreel’, ejaakɛ eshwɛ fioo kɛkɛ ni lá shi ni Yehu shwie yɛ Yezreel maŋ lɛ mli lɛ mibatɔ he owele yɛ eshwiei anɔ, ni mibagu Yehu we lɛ maŋtsɛyeli yɛ Israel.

Hosea 1:6

Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Hosea 10:14

No hewɔ lɛ, ta aaabanina nyɛ, ni aaakpãtã nyɛmɔji lɛ fɛɛ ahiɛ tamɔ bɔ ni Maŋtsɛ Shalman kpãtã Bet-Arbel maŋ lɛ hiɛ yɛ ta mli, ni eplenee emli yeifɔyei kɛ amɛbii fɛɛ lɛ.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Hosea 8:8

Majimaji lɛ emi Israel momo, ni enɛ ehã etsɔ̃ tamɔ tsɛnsi ko ni he bɛ sɛɛnamɔ.

Hosea 9:11

Israel agbojee sɛɛ aaafo tamɔ loofɔlɔ filikiɔ lɛ. Afɔŋ bi dɔŋŋ lɛ, ahiɛŋ musu dɔŋŋ, asaŋ anaŋ musu tete dɔŋŋ yɛ amɛteŋ.

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”