Yesaia 16:3 - ŊMALƐ KRƆŊKRƆŊ LƐ

³ Amɛmiikɛɛ Yudabii akɛ, “Nyɛwoa wɔ ŋaa, ni nyɛyea jalɛ sane nyɛhãa wɔ. Nyɛfea tamɔ shwane fintiŋŋ hɔ̃ɔŋ nyɛhãa wɔ, ni nyɛkɛ mɛi ni ashwie amɛ lɛ atea, ni nyɛkatsɔa foijelɔi lɛ asɛɛgbɛ.

Ṅmãle̱ Kroṅkroṅ Le̱

³ Nyewoa ṅā, nyeyea sane le̱! Hã ohō̃ṅ le̱ afe tamo̱ nyōṅ ſane fintī̃, ni oke̱ mei ní aſieame̱ le̱ atē, kātšõ foidšelo̱i le̱ ase̱gbe̱!

Yesaia 16:3 ပူးပေါင်းရင်းမြစ်များ

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

Yesaia 1:17

Nyɛkasea ekpakpafeemɔ, nyɛtaoa jalɛ sane sɛɛgbɛ; nyɛkwɛa koni akayea amim, nyɛfãa awusa he, ni nyɛwiea nyɛhãa okulafo.”

Yesaia 25:4

Ejaakɛ otsɔ̃ abobaahe ohã ohiafo, otsɔ̃ abobaahe ohã mɔ ni ehĩa yɛ ehĩamɔ be mli. Otsɔ̃ abobaahe yɛ ahum mli, kɛ hɔ̃ɔŋ yɛ latsa be mli; ejaakɛ yiwalɔi amlifu lɛ, etamɔ ahum ni miitswa,

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Yesaia 58:7

Ani jeee no ji akɛ okɛ oboloo akuma mɔ ni hɔmɔ yeɔ lɛ, ni oŋɔ ohiafoi ni bɛ shihilɛhe lɛ kɛba owe lɛ, ni kɛji ona mɔ ko ni nyiɛ yayai lɛ ohã lɛ mama, ni okɛ ohe akatee bo diɛŋtsɛ ohe gbɔmɔ.

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yeremia 21:12

Nyɛ David shwiei! Nyɛyea jalɛ sane be fɛɛ be. Mɔ ni ayeɔ lɛ amim lɛ nyɛhea lɛ yɛ mɔ ni yeɔ lɛ amim lɛ dɛŋ, kɛjeee nakai lɛ no lɛ nyɛnifeemɔnii fɔ̃ji lɛ ahewɔ lɛ, mimlila aaatso yɛ nyɛnɔ tamɔ la, ni ebaatso, ni mɔ ko mɔ ko nyɛŋ agbe.”

Yeremia 22:3

Yehowa kɛɛ nyɛkojo yɛ jalɛ naa, ni nyɛye jalɛ sane; ni nyɛhere mɔ ni aaye lɛ amim lɛ yɛ mɔ ni yeɔ lɛ amim lɛ dɛŋ; ni nyɛkafee gbɔ loo awusa loo okulafo efɔŋ; asaŋ nyɛkawa amɛyi; ni nyɛkashwie mɔ ni efeko nɔ fɔŋ ko lá shi yɛ biɛ.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Zakaria 7:9

“Bɔ ni Yehowa, Taiatsɛ, lɛ kɛɛ nɛ, ‘Nyɛkojoa yɛ jalɛ naa, ni nyɛkɛ musuŋtsɔlɛ kɛ mɔbɔnalɛ ahia shi akɛ nyɛmimɛi.

Mateo 25:35

Ejaakɛ hɔ̃mɔ ye mi, ni nyɛhã mi nii miye; kumai ye mi, ni nyɛhã mi nu minu; gbɔ ji mi, ni nyɛhã mibato nyɛŋɔɔ;

Hebribii 13:2

Gbɔfeemɔ hu, nyɛhiɛ akakpaa nɔ; ejaakɛ no nɔ mɛi komɛi tsɔ̃ fee ŋwɛi bɔfoi agbɔ ni amɛleee.

Kojolɔi 9:15

Shi ŋmeitso kɛɛ tsei lɛ akɛ, ‘Kɛji nyɛmiiwo mi maŋtsɛ anɔkwale mli lɛ, no lɛ nyɛbaa nyɛbabaa abo yɛ mishishi hɔ̃ɔŋ lɛ mli; shi kɛjeee nakai lɛ, no lɛ la ajɛ ŋmeitso mli ni eyashã Lebanon tsenedrui lɛ.’ ”