Yesaia 15:2 - ŊMALƐ KRƆŊKRƆŊ LƐ

² Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ.

Ṅmãle̱ Kroṅkroṅ Le̱

² Ete Bait ke̱ Dibon hei groṅṅi le̱ eyafó; Moab mīwo̱ lele mīſie Nebo ke̱ Medeba no̱. Ame̱fẽ *ame̱yĩteaṅ ekpakpai, ni akukū ame̱fẽ ame̱tšẽṅ. *Ezek. 7,18.

Yesaia 15:2 ပူးပေါင်းရင်းမြစ်များ

2 Samuel 10:4

No hewɔ lɛ, Hanun mɔmɔ David bɔfoi lɛ, ni eshɛshɛɛ amɛtsɛŋi fãfãafãi, ni no sɛɛ lɛ efolɔ amɛtadei lɛ anɔ yɛ teŋ tuuŋtu kɛbata amɛjoŋkui anɔ. Kɛkɛ ni ejie bɔfoi lɛ agbɛ amɛtee.

1 Kronika 19:4

Enɛ ha Hanun mɔmɔ David tsuji lɛ, ni eshɛshɛɛ amɛtsɛŋi fãfãafãi eshwie, ni no sɛɛ lɛ efolɔ amɛtadei lɛ anɔ yɛ teŋ tuuŋtu kɛbata amɛdukui anɔ, kɛkɛ ni ejie bɔfoi lɛ agbɛ ni amɛtee.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Yesaia 14:31

Nyɛ Filistia maji fɛɛ, nyɛwoa yara; nyɛbolɔa, nyɛfoa, nyɛtsui afãa, ejaakɛ lasu ko efã kɛjɛ kooyigbɛ; ni tabilɔi ni baa lɛ, yakagbɔmɔ ko bɛ amɛteŋ.

Yesaia 15:3

Amɛbumɔ kpekpe kɛnyiɛ blohuiaŋ, ni amɛwo lele kɛ yaafo tsoo yɛ tsui ayiteiaŋ kɛ jaji anɔ.

Yesaia 16:12

Kɛji Moabbii gba amɛhe naa kɛtee amɛwɔjamɔhei lɛ koni amɛyasɔle yɛ amɛhe krɔŋkrɔŋ lɛ, nɔ ko jɛŋ mli baŋ.

Yesaia 16:7

Belɛ nyɛhãa Moab awoa yara; mɔ fɛɛ mɔ awo yara ahã Moab. Aye ŋkɔmɔ waa yɛ Kir-Heres wainyibii ni abɔlɔ lɛ hewɔ.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yesaia 3:24

Amɛjeŋmai lɛ baatsɔ̃ nɔ ko ni jeɔ fu, amɛkɛ taŋkpee baafi amɛmli yɛ mlifiinii najiaŋ, ni yiteŋ ni ekpe aaabaye yi ni ahɔ najiaŋ, ni kpekpe aaabaye atade wuyaa najiaŋ, ni amɛhe fɛo lɛ baatsɔ̃ hiɛgbele nɔ.

Yeremia 3:21

Anu gbee ko gbɛɛ yɛ gɔji lɛ ayiteiaŋ kpatai lɛ anɔ. Israelbii ayaafo kɛ faikpamɔ ni, ejaakɛ amɛba amɛjeŋ gbonyo, ni amɛhiɛ ekpa Yehowa, amɛNyɔŋmɔ lɛ, nɔ.

Yeremia 47:2

Yehowa kɛɛ akɛ, “Naa! Fai miiyimɔ yɛ kooyigbɛ, ni amɛbaaje ŋa kɛba; amɛbaaha shikpɔŋ lɛ kɛ enɔ nibii fɛɛ kɛ maji kɛ amɛmli bii fɛɛ anɔ. Gbɔmɛi baabolɔ kɛtsɛ yelikɛbuamɔ ni shikpɔŋ lɛ nɔ bii fɛɛ baawɔ lele.

Yeremia 47:5

Ŋkɔmɔyeli ehã Gaza yiteŋ ekpa, ni akpãtã Ashkelon hiɛ. Ao! Nyɛ jɔɔŋbii ni eshwɛ, mɛɛ beyinɔ nɔŋŋ nyɛaabamɔ nyɛhe kakla kɛye awerɛhoo kɛyashi?

Yeremia 48:1

Nɔ ni Yehowa Taiatsɛ, Israel Nyɔŋmɔ lɛ, kɛɛ yɛ Moab he nɛ, “Kpoo hã Nebobii ejaakɛ akpãtã amɛmaŋ lɛ hiɛ. Aŋɔ Kiriataim nom, ni ehiɛ eshwie shi; akumɔ emɔji gojogojoo lɛ ashwie shi.

Yeremia 48:18

Nyɛ mɛi ni nyɛyɔɔ Dibon, nyɛshia nyɛgbojee sɛɛ nyɛkpelekea shi nyɛbataraa shikpɔŋ mlu mli, ejaakɛ Moab hiɛkpãtãlɔ lɛ ete shi ewo nyɛ, ni ekumɔ nyɛmɔji lɛ eshwie shi.

Yeremia 48:31

No hewɔ lɛ, mawo yara yɛ Moabbii ahewɔ; mafo Moabbii fɛɛ; mafo, maye Kir-Heresbii ŋkɔmɔ.

Yeremia 48:35

Mi, Yehowa, miikɛɛ akɛ mibahã mɔ fɛɛ mɔ ni shãa afɔle yɛ hei grɔŋgrɔŋŋ lɛ kɛ mɔ ni shãa tsofakɛŋma hãa Moab nyɔŋmɔi lɛ akpa feemɔ.

Yeremia 49:3

Ao Heshbon, wɔ lele, shi akpãtã Ai maŋ lɛ hiɛ. Nyɛ Raba yei, nyɛfoa, nyɛmiaa kɛ kpekpe, nyɛyea ŋkɔmɔ; nyɛjoa foi kɛyaa kɛbaa yɛ koowieiaŋ, ejaakɛ abaaloo nyɛwɔŋ Molek kɛ ewulɔmɛi lɛ kɛ esɔ̃ɔlɔi lɛ kɛya nomŋɔɔ mli.

Yeremia 7:29

“Yerusalɛmbii, nyɛkua nyɛyi nyɛshwiea, nyɛwoa yara yɛ gɔji kpataai lɛ anɔ, ejaakɛ Yehowa ekwa, ni ekpoo yinɔbii ni emli efu amɛ nɛɛ!

Ezekiel 27:31

Amɛshɛ amɛyi yɛ ohewɔ, ni amɛbu kpekpe. Amɛwo yara, ni amɛfo bo waa kɛ dɔlɛ naakpa.

Ezekiel 30:2

“Gbɔmɔ Adesa, gbaa ni okɛɛ akɛ bɔ ni Nuŋtsɔ Yehowa kɛɔ nɛ, nyɛwoa lele! Kpoo hã nakai gbi lɛ.

Ezekiel 7:18

Amɛaabumɔ kpekpe, ŋmiŋmi aaamɔmɔ amɛ, amɛyiteaŋ aaakpa ni amɛhiɛ aaagboi hu.

3 Mose 13:40

“Kɛji nuu ko yi kpa yɛ eyisɛɛ lɛ, yikpataatsɛ ji lɛ, shi ehe tse.

3 Mose 21:5

“Osɔfo ko akakpɔ eyi, ni ekaku etsɛŋ nɔ, ni asaŋ ekabãmɔ ehewolo nɔ gbɛ̃i kɛtsɔ̃ɔ akɛ eeye ŋkɔmɔ.

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

4 Mose 21:28

Nyɛsɛɛ ko lɛ, Heshbon maŋ nɛɛ mli Sihon tabilɔi fã kɛjɛ oookɛɛ la. Kɛyakpãtã Moab Ar maŋ lɛ hiɛ kɛ Arnon gɔŋkpɔi lɛ anɔ bii lɛ ahiɛ lɛ.

4 Mose 21:30

No hewɔ lɛ, amɛshwiei ahiɛ ekpãtã kɛjɛ Heshbon aahu kɛyashwie Dibon tɔ̃ɔ; kɛjɛ Nashim kɛtee Nofa yɛ Medeba masɛi.”

4 Mose 32:3

“Atarot kɛ Dibon kɛ Yazer kɛ Nimra kɛ Heshbon kɛ Eleale kɛ Sebam kɛ Nebo kɛ Beon,

4 Mose 32:38

kɛ Nebo kɛ Baal-Meon, maŋ ni amɛtsake egbɛi lɛ, kɛ Shibma. Amɛwowoo maji ni amɛsaa nɛɛ fɛɛ gbɛii hei.

5 Mose 14:1

“Yehowa, nyɛNyɔŋmɔ lɛ, bii ji nyɛ. No hewɔ lɛ, kɛji nyɛmiiye mɔ ko ni egbo he ŋkɔmɔ lɛ, nyɛkafolɔa nyɛhe gbɛ̃i, ni nyɛkashɛa nyɛhiɛnaa yɛ gbonyo lɛ hewɔ.

5 Mose 34:1

Kɛkɛ ni Mose jɛ Moab ŋa lɛ nɔ, ni ekwɔ Nebo Gɔŋ lɛ kɛtee Pisga Gɔŋ lɛ ni kwɛɔ Yeriko maŋ lɛ hiɛ lɛ yiteŋ. Yehowa kɛ shikpɔŋ tso muu lɛ fɛɛ tsɔ̃ɔ lɛ kɛjɛ Gilead kɛyashi Dan,