Yesaia 13:7 - ŊMALƐ KRƆŊKRƆŊ LƐ

⁷ No hewɔ lɛ, mɔ fɛɛ mɔ niji baagboi yɛ ehe, gbɔmɛi adesai fɛɛ atsuii baafã,

Ṅmãle̱ Kroṅkroṅ Le̱

⁷ Hewo̱ le̱ nidšiaṅ fẽ-tſẽm aadše wui, ni gbomei ádesãi atšuii fẽ aafã;

Yesaia 13:7 ပူးပေါင်းရင်းမြစ်များ

Ezekiel 21:7

Ni kɛji amɛbi bo akɛ, ‘Mɛni hewɔ ohũɔ lɛ?’ Okɛɛ akɛ, ‘Saji ni minu lɛ hewɔ ni. Kɛji eba mli lɛ, mɔ fɛɛ mɔ baashe gbeyei, ni kɔ̃ɔji fɛɛ baakplɔke, ni mɔ fɛɛ mɔ baatsɔ̃ feetɔ, ni nakutsei fɛɛ tswɛm baakpokpo tamɔ ayawaŋ nu. Naa, be lɛ eshɛ, ni ebaaba mli kɛ̃;’ ” Nuŋtsɔ Yehowa kɛɛ.

Nahum 2:10

Akpãtã Nineve hiɛ, afee lɛ butuu etsɔ̃ amaŋfɔ̃! Gbeyei emɔmɔ tsuii, nakutsei miikpokpo hewalɛ etã yɛ mɛi amli, ni hiɛiaŋ fɛɛ eshale.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Ezekiel 7:17

Nijiaŋ fɛɛ tswɛm baaje wui, ni nakutsei fɛɛ tswɛm baakpokpo tamɔ ayawa mli nu.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yeremia 50:43

Babilon maŋtsɛ nu amɛhe pɛ, kɛkɛ ni enijiaŋ je wui, ni etsui fã tamɔ yoo ni miikɔmɔ ni ebaafɔ.

Yesaia 51:20

Obii lɛ etɔ biti; amɛkamɔkamɔɔ shi yɛ blohui lɛ fɛɛ akoji tamɔ baayelɔ ni adu lɛ yɛ tsɔne mli. Amɛyimɔ obɔ̃bɔ̃ kɛ Yehowa mlila kɛ oNyɔŋmɔ lɛ kãmɔ lɛ.

Yesaia 37:27

Amɛmli bii ahewalɛ eyashɛɛɛ nɔ ko nɔ ko; amɛtsui fã, ni amɛyoyro, ni amɛtsɔmɔ tamɔ ŋa nɔ jwɛi loo bai fɔbii ni etsɛ̃ yɛ tsu yiteŋ ni amɛdaraaa, shi amɛŋalaa oya lɛ.

2 Mose 15:15

Agbɛnɛ shiofɔ̃ eshi Edom maŋtsɛmɛi lɛ anɔ, Moab kãkãlɔi lɛ ahe kpokpo; Kanaanbii fɛɛ ehao.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

Lalai 58:7

Hã amɛlaaje tamɔ nu ni hoɔ kɛyaa, ni anaanaa amɛnɔ tamɔ jwɛi koni amɛgboi.

Yeremia 51:30

Babilon tabilɔi kãkãlɔi lɛ ekpa ta lɛ wuu; amɛhɔlɔ amɛmɔji lɛ amli, amɛhewalɛ egbɔjɔ, ni amɛtsɔ̃mɔ tamɔ yei. Akumɔ amɛgboi lɛ asɛɛ adabãi lɛ, ni eshĩai lɛ miitso kɛ la.

Ezekiel 21:12

Gbɔmɔ Adesa, wo yara ni ofo, ejaakɛ afã klante awo miwebii lɛ. Afã klante awo Israel lumɛi fɛɛ. Ajɔɔ amɛ kɛ miwebii lɛ fɛɛ anɔ ahã klante; hewɔ lɛ, nyɛyia nyɛhe ma.

Nahum 2:11

Nɛgbɛ maŋ lɛ ni tsɔ̃ tamɔ jata oblahii ashihilɛhe lɛ yɔɔ, he ni jata shãtã eniyenii kɛtee ebii aŋɔɔ yɛ, ni mɔ ko gbaaa enaa lɛ?