Yesaia 13:2 - ŊMALƐ KRƆŊKRƆŊ LƐ

² Nyɛshĩa aflaŋaa yɛ gɔŋ kɛ eyiteŋ kpataa nɔ, nyɛbolɔa nyɛtsɛa amɛ, nyɛfɔa amɛ nine, koni amɛbabote lumɛi agboi amli.

Ṅmãle̱ Kroṅkroṅ Le̱

² Nyešia aflaṅā ye̱ goṅ kpatā no̱, nyewóa nyegbē no̱ *nyetšé̱aame̱, nyefõaame̱ nine, ni ame̱bote abladei agbói le̱ amli! *K. 17.

Yesaia 13:2 ပူးပေါင်းရင်းမြစ်များ

Lalai 60:4

Oshi aflaŋaa akɛ okadi ohã mɛi ni sheɔ bo gbeyei lɛ, koni amɛje hiɛkpãtãmɔ mli kɛbaanyiɛ anɔkwale lɛ sɛɛ.

Yesaia 10:32

Ŋmɛnɛ gbi nɛɛ lɛ ebaato shi yɛ Nob, ni ebaawo atswɛrɛ nɔ ekɛtsɔ̃ɔ Zion Gɔŋ, ni ji Yerusalɛm lɛ.

Yesaia 11:12

Yehowa aaashi aflaŋaa etsɔ̃ɔ maji lɛ kɛto okadi akɛ eebua Israelbii ni ashɛrɛ amɛ ashwie lɛ kɛ Yudabii ni agbɛ amɛ ashwã lɛ anaa kɛjɛ jeŋ koji ejwɛ lɛ nɔ kɛbakpe.

Yesaia 11:15

Yehowa baafite he ni Ijipt Faa lɛ kɛ enaa woɔ ŋshɔŋ yɛ lɛ, ni ekɛ ehewalɛ baahã kɔɔyɔɔ ni mli edɔ atswa yɛ Eufrate Faa lɛ nɔ, ni ebaaŋala Faa lɛ niji kpawo lɛ, ni mɛi aaanyiɛ shikpɔŋ gbiŋ nɔ kɛfo.

Yesaia 18:3

Nyɛ jeŋ gbɔmɛi fɛɛ ni nyɛyɔɔ shikpɔŋ lɛ nɔ, kɛji ashi aflaŋaa yɛ gɔji lɛ anɔ lɛ, nyɛkwɛa, ni kɛji akpã tɛtɛrɛmantɛrɛ lɛ nyɛboa toi.

Yesaia 19:16

Be miiba ni Ijiptbii baatsɔmɔ tamɔ yei. Amɛhe baakpokpo kɛ gbeyei yɛ Yehowa, Taiatsɛ lɛ, nine nɔ ni ebaawo yɛ amɛnɔ lɛ hewɔ.

Yesaia 31:9

Emaŋtsɛ lɛ baajo foi kɛ tsuifãa, ni elumɛi lɛ aaajo foi kɛ hekpokpomɔ amɛshi amɛflaŋaa lɛ.” Yehowa, mɔ ni ajaa lɛ yɛ Zion ni efɔleshãa latɛ lɛ mli la tsoɔ yɛ Yerusalɛm lɛ ekɛɛ.

Yesaia 5:26

Yehowa baato okadi ekɛtsɛ maŋ ko ni yɔɔ shɔŋŋ; ebaakpã blɛ ekɛtsɛ lɛ kɛjɛ jeŋ naagbeehe lɛ. Ni naa, maŋ nɛɛ baafee oya aba mramra.

Yeremia 50:2

“Shiɛmɔ koni okɛɛ jeŋ majimaji lɛ, shii aflaŋaa, ni oshiɛ; okashiu nɔ ko nɔ; kɛɛmɔ akɛ Aye Babilon nɔ kunim. Awo lɛ hiɛgbele Mardruk werɛ eho ehe. Ashwie Babilon amãgãi lɛ ahiɛ shi, amɛnaa diɛŋtsɛ ekpɛ amɛhe.

Yeremia 50:41

“Naa, maŋ wulu ko miijɛ kooyigbɛ aba, maŋ ko ni he wa, kɛ maŋtsɛmɛi babaoo miijɛ je lɛ naagbeehei shɔŋŋ diɛŋtsɛ amɛba kɛ ta.

Yeremia 51:12

Nyɛfãa kɛ aflaŋaa, nyɛyatuaa Babilon maŋ lɛ he gbogbo lɛ; nyɛbua jogbaŋŋ, nyɛtoa bulɔi; nyɛtoa mɛi ni baawo Babilon maŋ lɛ he ka, ejaakɛ nɔ ni Yehowa to eyiŋ akɛ ebaafee Babilonbii lɛ ena efee.

Yeremia 51:25

Ao, Babilon ni otsɔ̃ ohe gɔŋ ni oofite shikpɔŋ tso muu lɛ fɛɛ, naa, mikɛ bo ena; mawo minine nɔ yɛ onɔ, ni makoklo bo kɛjɛ tɛsai lɛ anɔ matswa shi, ni mahã otsɔ̃ gɔŋ ni eshã.

Yeremia 51:58

Abaakumɔ Babilon gbogbo lɛkɛtɛɛ lɛ ashwie shi shwɛtɛɛ, ni egboi gojogojoo lɛ abaashã. Majimaji lɛ miigbo deŋme yaka, ni amɛhenaagbamɔ lɛ la baashã. Mi, Yehowa Taiatsɛ lɛ, mikɛɛ.”