Yesaia 12:2 - ŊMALƐ KRƆŊKRƆŊ LƐ

² Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Ṅmãle̱ Kroṅkroṅ Le̱

² Na, Mawu dši miyiwalaheremo̱! Mitšui enyõ mimli ni *mišee gbeyei! Edšake̱ †mihewale̱ ke̱ milala dši Nuṅtšo̱ Iehowa, ni le̱ noṅṅ etšṍ miyiwalaheremo̱. *Lal. 56,5. †2 Mose 15,2.

Yesaia 12:2 ပူးပေါင်းရင်းမြစ်များ

2 Samuel 7:24

Oma omaŋ Israel nɔ mi akɛ bo diɛŋtsɛ omaŋ kɛmiiya naanɔ, ni bo Yehowa otsɔ̃ amɛNyɔŋmɔ.

Hiob 13:16

Enɛ nɔŋŋ aaatsɔ̃ miyiwalaheremɔ, ejaakɛ mɔ fɔŋ nyɛŋ Nyɔŋmɔ hiɛ aba.

Lalai 112:8

Etsui efãaa, ni esheŋ gbeyei kɛyaashi beyinɔ ni eeena ehenyɛlɔi lɛ anaagbee.

Lalai 118:14

Yehowa ji mihewalɛ kɛ milala; Yehowa etsɔ̃ miyiwalaheremɔ.

Lalai 118:21

Miida bo shi akɛ ohere mi nɔ, ni otsɔ̃ miyiwalaheremɔ.

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Lalai 65:6

Bo mɔ ni ojɛ ohewalɛ kpele lɛ mli obɔ gɔji lɛ, ohã amɛmamɔ shi shiŋŋ kɛ hewalɛ.

Lalai 68:20

WɔNyɔŋmɔ lɛ, Nyɔŋmɔ ni hereɔ mɔ yiwala ni. Lɛ ji Yehowa, wɔNuŋtsɔ, ni hereɔ wɔ kɛjɛɔ gbele mli lɛ.

Lalai 68:21

Shi Nyɔŋmɔ aaajwara ehenyɛlɔi lɛ ayitsei, mɛi ni baa jeŋ fɔŋ ni amɛto amɛyi kusukusuu lɛ.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

Yesaia 10:24

Bɔ ni Nuŋtsɔ Yehowa, Taiatsɛ lɛ, kɛɔ nɛ, “Ao mimɛi ni yɔɔ Zion, nyɛkashea Asiriabii lɛ gbeyei kɛji amɛkɛ dadei kɛ amɛdɛ̃hiɛmɔtsei tswia nyɛ tamɔ Ijiptbii lɛ fee nyɛ lɛ.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 27:5

Kɛji miwebii ahenyɛlɔi lɛ miitao mihebuu lɛ, ja amɛbaba mi abo, ni amɛkɛ mi kpãtã. Hɛɛ! Ja amɛna amɛkɛ mi kpãtã!”

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

Yesaia 38:20

Yehowa ohere miyiwala, ni no hewɔ lɛ, wɔkɛ saŋku aaala milalai lɛ, wɔwala gbii abɔ fɛɛ yɛ Yehowa we lɛ.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 49:5

Agbɛnɛ Yehowa kɛɛ, Yehowa mɔ ni shɔ̃ mi yɛ musuŋ koni mibatsɔ̃ etsulɔ ni maŋɔ Israel kɛba eŋɔɔ, koni abua Israel naa abaha lɛ. Akɛni mihiɛ eba nyam yɛ Yehowa hiɛ, ni miNyɔŋmɔ lɛ etsɔ mihewalɛ.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 62:11

Naa, Yehowa eha ashiɛ kɛtee shikpɔŋ lɛ naagbeehe lɛ akɛ, Nyɛkɛa Zion bi yoo lɛ akɛ, “Naa, oyiwalaheremɔ lɛ miiba; naa, ehiɛ enyɔmɔwoo kɛmiiba, ni mɛi ni ekpɔ̃ amɛ lɛ nyiɛ ehiɛ kɛmiiba.”

Yesaia 65:18

Nyɛnyaa, ni nyɛmli afilia nyɛ kɛya naanɔ, yɛ nii ni mibɔɔ lɛ hewɔ. Ejaakɛ naa, miibɔ Yerusalɛm hee koni etsɔ̃ mliflimɔ kɛ emli bii hu ni yɔɔ miishɛɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Yeremia 3:23

Eji anɔkwa akɛ gɔji lɛ ayiteiaŋ jamɔ hoo lɛ lakamɔ sɔŋŋ kɛkɛ ni. Anɔkwa, Yehowa, wɔNyɔŋmɔ lɛ, lɛ edɛŋ Israel yiwalaheremɔ yɔɔ.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Hosea 1:7

Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

Yoel 2:23

“Nyɛ Zionbii, nyɛmli afilia nyɛ yɛ nɔ ni nyɛNyɔŋmɔ lɛ efee ehã nyɛ lɛ hewɔ. Ehã nu enɛ ehã nyɛ bɔ ni sa, ehã Gbo kɛ Agbiɛnaa enɛ ehã nyɛ tamɔ efeɔ daa lɛ.

Yona 2:9

Shi mi lɛ, mala makafo bo, ni mashã afɔle mahã bo; shi ni miwo lɛ, maye nɔ. Yiwalaheremɔ lɛ, Yehowa dɛŋ ejɛɔ.”

Habakuk 3:18

Kɛ̃lɛ mi lɛ mibanya, ni mimli aaafli mi yɛ Yehowa miyiwalaheremɔ Nyɔŋmɔ lɛ mli.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Kpojiemɔ 7:10

ni amɛbolɔ kɛ gbee ni wa amɛkɛɛ, “Yiwalaheremɔ lɛ ji wɔNyɔŋmɔ ni ta maŋtsɛ sɛ̃i lɛ nɔ lɛ, kɛ Toobi lɛ nɔ!”

1 Samuel 2:1

Kɛkɛ ni Hana sɔle yɛ jɛi ni ekɛɛ “Yehowa, ohã mimli efili mi, ni minyɛ mihiɛ nɔ miwo. Mibaŋmɔ mihenyɛlɔi lɛ, ejaakɛ ohere mi.