Yesaia 11:9 - ŊMALƐ KRƆŊKRƆŊ LƐ

⁹ Afeŋ efɔŋ, ni afiteŋ nii yɛ Nyɔŋmɔ Gɔŋ Krɔŋkrɔŋ, Zion, nɔ dɔŋŋ, ejaakɛ Yehowa he nilee baayi shikpɔŋ lɛ nɔ obɔ tamɔ bɔ ni ŋshɔ eyi obɔ kɛ nu lɛ.

Ṅmãle̱ Kroṅkroṅ Le̱

⁹ Ame̱feṅ efõṅ ni ame̱fiteṅ nii ye̱ migoṅ kroṅkroṅ le̱ no̱ fẽ; edšake̱ *šikpoṅ le̱ no̱ aayi obõ ke̱ Iehowa he nilē le̱, tamo̱ bo̱ni nu ha ṅšo šiši le̱. *Hab. 2,14.

Yesaia 11:9 ပူးပေါင်းရင်းမြစ်များ

Hiob 5:23

Tɛi ehiŋ shikpɔŋ ni ohuɔ nɔ, ni ŋaŋ kooloi kɛ bo aaahi shi kpoo.

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Lalai 78:54

ni ekɛ amɛ ba Gɔŋ Krɔŋkrɔŋ nɛɛ nɔ, gɔŋ ni ekɛ ehewalɛ shɔ̃ lɛ he.

Yesaia 11:13

Ni Israel yeŋ Yuda he awuŋã dɔŋŋ, ni Yuda hu efeŋ Israel henyɛlɔ dɔŋŋ.

Yesaia 11:8

Gbekɛ fufɔoo baashwɛ yɛ shikpãa bu naa, ni bi ni atse lɛ fufɔ kɛ enine baawo onufu bu mli, ni efeŋ lɛ nɔ ko.

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 30:26

Ni nyɔɔŋtsere aaakpɛ tamɔ hulu tsoɔ, ni hulu aaatso bɔ ni etsoɔ daa lɛ toi kpawo, tamɔ gbii kpawo mli hulutsoo ni abua naa, gbi ni Yehowa aaafimɔ emaŋ lɛ pilamɔi anɔ, ni eeetsa faji ni ewo amɛ be ni etswia amɛ nii lɛ.

Yesaia 32:16

Kɛkɛ lɛ abaaye jalɛ sane yɛ shiaŋa lɛ nɔ, ni abaafee nɔ ni ja yɛ shikpɔŋ ni baa nii lɛ nɔ.

Yesaia 33:6

ni eeehã nyɛyinɔ afee shweshweeshwe, ni eeeduro nyɛ nilee kɛ ŋaa babaoo. Ninamɔ kpele ji Yehowa gbeyeishemɔ.

Yesaia 35:9

Jata ko jata ko ehiŋ jɛi; kooloo kakawua ko kwraa tsɔŋ jɛi kɛhoŋ, akɛ ja mɛi ni Yehowa ehere amɛyiwala lɛ kɛkɛ.

Yesaia 45:6

koni kɛjɛ hulushiteehe kɛyashwie anaigbɛ fɛɛ lɛ, adesa ana ale akɛ mi misɛɛ lɛ, mɔ ko mɔ ko bɛ dɔŋŋ.

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yesaia 59:19

No hewɔ lɛ, amɛaashe Yehowa gbɛi lɛ gbeyei yɛ anaigbɛ; aaashe ehewalɛ lɛ gbeyei yɛ hulushiteehe, ejaakɛ ebaaba tamɔ faa ni etue ni Yehowa mumɔ lɛ etsi eyisɛɛ.

Yesaia 65:25

Klaŋ kɛ too gwantɛŋbi aaakpe nii yɛ he kome, ni jata aaaye jwɛi tamɔ tsina; ni onufu lɛ sũ aaafee eniyenii. Ayeŋ awui ko, ni akpãtãŋ nii ahiɛ dɔŋŋ yɛ Zion, migɔŋ krɔŋkrɔŋ lɛ nɔ fɛɛ,” Yehowa kɛɛ.

Yesaia 66:18

Ejaakɛ mile amɛnitsumɔi kɛ amɛsusumɔi, ni miiba koni mibabua jeŋ maji fɛɛ anaa, ni amɛaaba, ni amɛaabana minunyam lɛ;

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Yeremia 31:23

Bɔ ni Yehowa, Taiatsɛ Israel Nyɔŋmɔ lɛ kɛɔ nɛ, “Kɛji mihã amɛnine shɛ amɛnibii ni amɛlaaje lɛ nɔ ekoŋŋ lɛ, amɛbaakɛɛ yɛ Yuda shikpɔŋ lɛ nɔ kɛ enɔ maji lɛ amli akɛ, ‘Bo shihilɛhe ni ayeɔ jalɛ sane yɛ omli, Yehowa ajɔɔ bo, bo Gɔŋ Krɔŋkrɔŋ.’

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.

Ezekiel 47:5

Esusu nu lɛ mlikwɔlɛ, ni efee ninetalɔi akpe, ni nu lɛ tsɔ̃ faa ni minyɛɛɛ mafo. Ejaakɛ nu lɛ mli kwɔ ni etsɔ̃ faa ni anyɛɛɛ afo, shi seremɔ asereɔ kɛfoɔ.

Daniel 11:45

Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Hosea 2:18

“Nakai be lɛ mli lɛ, mikɛ ŋaŋ kooloi kɛ loofɔji kɛ shikpɔŋ lɛ nɔ nibii ni wamɔɔ fɛɛ aaakpãŋ yɛ nyɛhewɔ koni amɛkaye nyɛ awui; ni makumɔ gãi kɛ klante amli, ni mahã tawuu sɛɛ afo yɛ shikpɔŋ lɛ nɔ, ni nyɛbaahi shi shweshweeshwe.

Yoel 3:17

“Kɛkɛ lɛ nyɛaana nyɛle akɛ, mi ji Yehowa, nyɛNyɔŋmɔ lɛ. Mihiɔ Zion, migɔŋ krɔŋkrɔŋ lɛ nɔ. Yerusalɛm aaatsɔ̃ maŋ wulu krɔŋkrɔŋ; gbɔi nyɛŋ enɔ amɛye kɔkɔɔkɔ dɔŋŋ.

Habakuk 2:14

Moŋ shikpɔŋ lɛ nɔ baayi tɔ kɛ Yehowa anunyam lɛ he nilee, tamɔ bɔ ni ŋshɔ eyi tɔ kɛ nu lɛ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.