Yesaia 11:4 - ŊMALƐ KRƆŊKRƆŊ LƐ

⁴ Shi moŋ eeekojo ohiafoi lɛ yɛ jalɛ naa; ni eeebu shikpɔŋ lɛ nɔ humii lɛ atɛŋ yɛ jalɛ naa. Ekɛ edaaŋ wiemɔ aaaplene shikpɔŋ lɛ nɔ bii, ni ekɛ emumɔ lɛ aaagbe mɔ fɔŋ lɛ.

Ṅmãle̱ Kroṅkroṅ Le̱

⁴ ši eekodšo ohĩafoi *ye̱ dšale̱ nā, ni dšadšemo̱ hũ eke̱-akã mei le̱, ni eebu mei ni nii yo̱ mo̱bo̱ ye̱ šikpoṅ le̱ no̱ le̱ atẽṅ bo̱ni dša, ni eke̱ †edāṅ tšo le̱ aatſa šikpoṅ le̱, ni eke̱ enābu mumo̱ le̱ aagbe mofõṅ le̱. *Lal. 72,4. 12-14. †2 Tes. 2,8.

Yesaia 11:4 ပူးပေါင်းရင်းမြစ်များ

2 Samuel 8:15

David ye Israel maŋtsɛ, ni eye jalɛ sane ehã mɔ fɛɛ mɔ.

Hiob 15:30

Ejeŋ duŋ lɛ mli; la baashã niji ni etsɛ̃rɛ lɛ; ni kɔɔyɔɔ baakpala efɔfɔi ashwie.

Hiob 4:9

Nyɔŋmɔ mumɔ ni shwieɔ amɛnɔ lɛ kpãtãa amɛhiɛ, ni emlifu kɔɔyɔɔ pleneɔ amɛ.

Lalai 110:2

Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Lalai 18:8

Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

Lalai 2:9

Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Yesaia 1:17

Nyɛkasea ekpakpafeemɔ, nyɛtaoa jalɛ sane sɛɛgbɛ; nyɛkwɛa koni akayea amim, nyɛfãa awusa he, ni nyɛwiea nyɛhãa okulafo.”

Yesaia 13:11

Mibagbala je lɛ toi yɛ emli nifɔɔjianii hewɔ, ni mibagbala mɛi fɔ̃ji atoi yɛ amɛnɔshai lɛ ahewɔ. Mibaha hewolɔi ahetsɔ̃ɔmɔ lɛ sɛɛ afo, ni mibaba yiwalɔi ahenɔwomɔ lɛ shi.

Yesaia 14:30

Ohiafoi amli ohiafo lɛ aaana nii eye, ni mɛi fɛɛ ni ehia lɛ aaakamɔ shi yɛ hejɔlɛŋ shweshweeshwe; shi mikɛ hɔmɔ baagbe nyɛ, ni nyɛmɛi ni aaashwɛ lɛ mibagbe amɛ.

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 26:6

Mɛi ni aye amɛnɔ kɛ yiwalɛ lɛ, amɛmiinaanaa enɔ agbɛnɛ; ohiafoi miinaanaa enɔ.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 3:14

Yehowa kɛ emaŋ onukpai kɛ maŋ lumɛi lɛ miikojo akɛ, “Nyɛ ji mɛi ni nyɛkpa waintrom lɛ mli nii ni nyɛye lɛ. Ohiafoi adɛŋ nibii ni nyɛhahaa lɛ yɛ nyɛshĩai lɛ amli.

Yesaia 30:28

Emumɔ ni emuɔ lɛ tamɔ faa ni eyi kɛbata kuɛ, ni ebaakpãtã maji ahiɛ koni ekɛsha amɛmli tamɔ akɛ shaanii shaa nii amli lɛ. Ebaawo majimaji lɛ adaaŋ manyoflɛ koni ekpala amɛ kɛya.

Yesaia 30:31

Asiriabii aaayoyoro kɛji amɛnu Yehowa gbee lɛ, be ni ebaatswa amɛ nɔ kɛgbala amɛtoi lɛ.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 32:1

Naa, maŋtsɛ ko baaba ebaye nɔ; ebaaye jalɛ sane; ni lumɛi hu baaba abaye jalɛ sane.

Yesaia 32:7

Shishiulɔ nifeemɔ lɛ nɔ fɔŋ ni; etoɔ efɔŋfeemɔ he ŋaa koni ekɛ amale wiemɔi akpãtã ohiafo hiɛ kɛji ohiafo sane ja tete po lɛ.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

Yesaia 40:7

Jwɛi gbiɔ, ni fɔfɔi hu kpalaa kɛji Yehowa hã kɔɔyɔɔ tswa kɛtsɔ̃ nɔ. Eji anɔkwale akɛ gbɔmɛi fɛɛ lɛ jwɛi ni.

Yesaia 49:2

Ehã miwiemɔ naa ba tamɔ klante; ekɛ mi tee yɛ dɛkɔkɔ teŋ. Eha mitsɔ tamɔ gãimlibi ni asha he kaŋkaŋ; ni eŋɔ mi etee egãimlibii akotoku lɛ mli.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 33:15

Nakai be lɛ mibahã David shwie jalɔ ko abaye esɛɛ akɛ maŋtsɛ; ebaakojo yɛ jalɛ naa, ni ebaaye jalɛ sane yɛ shikpɔŋ lɛ nɔ.

Yeremia 5:28

amɛshwishwii, ni amɛhewolo hiɛ kpɛlɛɔ; amɛyeɔ sane fɔŋ hoɔ he, ni amɛkojooo yɛ jalɛ naa amɛhãaa awusa, bɔ ni afee ni ahi ahã lɛ; amɛfãaa ohiafo gbɛnaa he amɛhãaa lɛ hu.

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Maleaki 4:6

Ebaahã tsɛmɛi asumɔ amɛbii ekoŋŋ, ni bii hu aaasumɔ amɛtsɛmɛi ekoŋŋ, koni mikaba mibakpãtã shikpɔŋ muu lɛ hiɛ.”

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

Mateo 5:5

“Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”

Bɔfoi 9:1

Shi Saul kã he ekɛ gbele miiwo Nuŋtsɔ lɛ kaselɔi lɛ ahe gbeyei lolo, ni eyiŋ kɛtee osɔfonukpa lɛ ŋɔɔ,

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

Galatabii 5:23

kpoofeemɔ, henɔyeli. Enɛɛmɛi lɛ mla ko eguuu.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Tito 3:2

Amɛkawie mɔ ko he efɔŋ, amɛkabe, shi moŋ amɛfee kpoo, ni amɛhã mɛi fɛɛ ana amɛ akɛ amɛhe jɔ kwraa.

Yakobo 3:13

Namɔ ji nilelɔ kɛ sanesɛɛkɔlɔ yɛ nyɛteŋ? Ekɛ jeŋba kpakpa atsɔ̃ɔ lɛ diɛŋtsɛ enitsumɔi lɛ yɛ nilee kpoofeemɔ mli.

Kpojiemɔ 1:16

Ehiɛ ŋulamii kpawo yɛ eninejurɔ, ni tsi kɛ enaa nta ni naa ba jɛ edaaŋ, ni ehiɛ tamɔ hulu ni miitso kɛ ehewalɛ fɛɛ.

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 2:16

No hewɔ lɛ, tsakemɔ otsui! Shi kɛji jeee nakai lɛ, maba onɔ oya ni mikɛ amɛ aaabawu kɛ midaaŋ tsi lɛ.