Yesaia 11:2 - ŊMALƐ KRƆŊKRƆŊ LƐ

² Ni Yehowa Mumɔ lɛ baahi enɔ, ni ebaaduro lɛ nilee kɛ sanesɛɛkɔmɔ mumɔ kɛ ŋaawoo kɛ hewalɛ mumɔ kɛ Yehowa he nilee kɛ lɛ gbeyeishemɔ mumɔ.

Ṅmãle̱ Kroṅkroṅ Le̱

² ni Iehowa *mumo̱ le̱ aahĩ eno̱, ṅālē ke̱ sanese̱ko̱mo̱ mumo̱ le̱, ṅā-wō ke̱ hewale̱ mumo̱ le̱, nilē ke̱ Iehowa gbeyeišemo̱ mumo̱ le. *42,1. Mat. 12,18.

Yesaia 11:2 ပူးပေါင်းရင်းမြစ်များ

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

Lalai 72:2

Hã ekojo omaŋ lɛ yɛ jalɛ naa koni eye jalɛ sane ehã omɛi ni ji ohiafoi.

2 Mose 28:3

Mɛi fɛɛ ni miduro amɛ ŋaa ni baanyɛ nii ni obaahã amɛ lɛ amɛtsu lɛ, okɛ amɛ awie koni okɛ hewulamɔ nibii lɛ kpɛɛ awo amɛdɛŋ.

Yesaia 28:6

Eeehã kojolɔ lɛ mumɔ ni hãa ayeɔ jalɛ sane; ni eeewo mɛi ni fãa maŋ agbo lɛ he hewalɛ.

Yesaia 32:15

Be miiba ni Nyɔŋmɔ aaafɔse Mumɔ lɛ kɛaajɛ ŋwɛi eshwie wɔnɔ, ni shiaŋa lɛ aaatsɔ̃ shikpɔŋ ni baa nii, ni shikpɔŋ ni baa nii aaatsɔ̃ koo.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 48:16

Nyɛtsia nyɛbɛŋkɛa mi nyɛbaboa enɛ toi. Kɛjɛ shishijee lɛ miwieee yɛ dujiaŋ; ni dani nɔ ko baaba mli lɛ, miyɛ jɛi. Ni agbɛnɛ Nuŋtsɔ Nyɔŋmɔ etsu mi kɛ Emumɔ lɛ.”

Yesaia 59:21

Ni naa, mi lɛ kpãŋmɔ ni mi kɛ nyɛ kpãŋɔ nɛ: Mimumɔ lɛ ni yɔɔ omli lɛ, kɛ miwiemɔi ni mikɛwo onaa lɛ, ha akã bo kɛ oshwiei ashwiei fɛɛ anaa kɛjɛ be nɛɛ mli kɛyashi naanɔi anaanɔ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Mateo 3:16

Ni be ni abaptisi Yesu lɛ, ejɛ nu lɛ mli amrɔ eje kpo; ni naa, agbele ŋwɛi naa ahã lɛ, ni ena Nyɔŋmɔ Mumɔ lɛ miikpeleke shi tamɔ okpo kɛmiiba enɔ.

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 16:13

Shi kɛji lɛ, anɔkwale Mumɔ lɛ, ena eba lɛ, eeetsɔ̃ɔ nyɛ anɔkwale lɛ fɛɛ mli gbɛ; ejaakɛ etoŋ lɛ diɛŋtsɛ eyiŋ ewieŋ; shi moŋ nɔ fɛɛ nɔ ni eeenu lɛ, no eeewie, ni nii ni baa lɛ, eeetsi tã etsɔ̃ɔ nyɛ.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

5 Mose 34:9

Yoshua, Nun bi lɛ, eyi obɔ̃ kɛ nilee mumɔ, ejaakɛ Mose kɛ eniji eshwie enɔ ejɔɔ enɔ. No hewɔ lɛ, Israelbii lɛ bo Yoshua toi, ni amɛfee tamɔ bɔ ni Yehowa efã Mose lɛ.

2 Timoteo 1:7

ejaakɛ Nyɔŋmɔ hãaa wɔ gbeyeishemɔ mumɔ, shi moŋ hewalɛ kɛ suɔmɔ kɛ jwɛŋmɔ ni sa mumɔ ekɛhã wɔ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;