Yesaia 10:5 - ŊMALƐ KRƆŊKRƆŊ LƐ

⁵ Ao! Asiria, mimlifu kpoti, mimlila tso!

Ṅmãle̱ Kroṅkroṅ Le̱

⁵ Kpóo hã Ašur ní dši *mimlifũ tšo le̱, ame̱dẽhĩemo̱tšo dši mimlila le̱! *7,20.

Yesaia 10:5 ပူးပေါင်းရင်းမြစ်များ

Zefania 2:13

Yehowa baakpã enine mli kɛshɛ kooyigbɛ kɛkpãtã Asiria hiɛ; ni ebaahã Nineve maŋ lɛ atsɔ̃ amaŋfɔ̃, ni enɔ baagbi wesewese tamɔ shiaŋa nɔ.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 14:25

No ji akɛ mibakpãtã Asiriabii ni yɔɔ mishikpɔŋ, Israel, nɔ lɛ ahiɛ. Mibanaanaa amɛnɔ yɛ migɔji lɛ anɔ, ni mikɛbaawó Asiriabii apã ni kã Israelbii anɔ lɛ kɛje amɛkuɛ.”

Yesaia 10:15

Shi Nuŋtsɔ Yehowa, Taiatsɛ lɛ, miikɛɛ akɛ, “Ani lema baanyɛ eshwã ewo mɔ ni hiɛ emli lɛ lo? Aloo ani saalai baanyɛ ete shi ewo mɔ ni hiɛ lɛ lɛ? Ani tso nyɛɔ mɔ ni hiɛ lɛ lɛ moŋ nɔ ewoɔ? Aloo kplamɔ tso moŋ nyɛɔ mɔ ni ejeee tso nɔ ewoɔ.”

Yesaia 66:14

Nyɛ diɛŋtsɛ nyɛaana kɛ nyɛhiŋmɛii, ni nyɛtsui aaanyɔ nyɛmli, ni nyɛgbɔmɔtsei aaafrɔke tamɔ jwɛifɔ, ni aaana ale akɛ Yehowa nine kã etsuji ahe, shi ehenyɛlɔi lɛ emli aaafu amɛ.”

Yesaia 13:5

Amɛjɛ shikpɔji ni yɔɔ shɔŋŋ yɛ jeŋ naagbeehei lɛ anɔ; Yehowa miiba kɛ mlifu kɛ tawuunii koni ebakpãtã je lɛ fɛɛ hiɛ.

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Lalai 125:3

Ejaakɛ mɔ fɔŋ lɛ, eyeŋ jalɔi ashikpɔŋ lɛ nɔ lumɔ, koni jalɔi lɛ akafee efɔŋ.

Lalai 17:14

Yehowa, kɛ onineshiwalɛ ajie mi kɛjɛ gbɔmɛi ni amɛna amɛgbɛfaŋnɔ yɛ wala be nɛɛ mli lɛ adɛŋ. Hã amɛmusui ayimɔ obɔ̃bɔ̃ kɛ toigbalamɔ ni osaa oto ohã amɛ lɛ; ni pii ashwɛ ahã amɛbii kɛ amɛbii abii.

1 Mose 10:11

Ejɛ shikpɔŋ nɛɛ nɔ kɛtee Asiria, ni eyato Nineve maŋ lɛ kɛ Rehobot Ir kɛ Kala

2 Maŋtsɛmɛi 19:25

“Ani onuko akɛ nakai mifeɔ kɛjɛ blema beebe? Nakai mito miyiŋ kɛjɛ blema beebe, nɔ ni miha eba mli ŋmɛnɛ nɛɛ lɛ. No ji akɛ akpãtã maji ni atswa gbogboi awo amɛhe lɛ ahiɛ koni amɛtsɔ̃mɔ amaŋfɔ̃i koikoi,

Yesaia 7:17

“Yehowa baahã bo kɛ omaŋbii lɛ kɛ David shwiei fɛɛ atsɔ̃ gbii kɛ joomɔ komɛi amli ni eko bako dã kɛjɛ beyinɔ ni Israel tse ehe yɛ Yuda he nɛɛ, eeekpala Asiria maŋtsɛ lɛ kɛbanina nyɛ.

Yesaia 7:20

“Nakai be lɛ Nuŋtsɔ lɛ aaabɔ Siria maŋtsɛ lɛ apaa kɛjɛ Eufrate Faa lɛ sɛɛ tamɔ asooyi, ni eeebashɛ nyɛyiteiaŋ tsɔi kɛ nyɛnaji ahe tsɔi kɛ nyɛtsɛŋi hu fɛɛ.

Yesaia 8:7

No hewɔ lɛ, naa, Nuŋtsɔ lɛ kɛ Asiria maŋtsɛ kɛ eta lɛ fɛɛ miiba koni amɛbatua amɛ.

Yesaia 10:25

Ejaakɛ eshwɛ be fioo, kɛkɛ lɛ mimli ni efu nyɛ lɛ sɛɛ baafo, ni mibatsɔ̃ mlifu lɛ mahã amɛ, ni makpãtã amɛhiɛ.

Yesaia 14:24

Yehowa, Taiatsɛ lɛ, ekã kitã akɛ, “Lɛɛlɛŋ bɔ ni misusu lɛ, nakai ebaaba mli; ni bɔ ni mito miyiŋ lɛ, ja ena eba mli nakai.

Yesaia 23:13

Naa Babilonbii ashikpɔŋ lɛ. Babilonbii lɛ ji mɛi ni hã jwɛiaŋ kooloi kakawuai kpãtã Tiro maŋ lɛ hiɛ lɛ, shi jeee Asiriabii lɛ. Babilonbii lɛ mamɔ amɛ diɛŋtsɛ amɛmɔji ni kwɔlɔ, ni amɛkumɔ Tiro mɔji ni yɔɔ sa lɛ, ni amɛhã Tiro fee koikoi.

Yesaia 26:20

Mimaŋbii, nyɛbaa! Mimaŋbii, nyɛbotea nyɛpiai lɛ amli, ni nyɛŋamɔa nyɛshinai lɛ nyɛwoa nyɛyi. Nyɛtea nyɛhe hiŋmɛitswaa fioo ko kɛyaashi Nyɔŋmɔ mlifu lɛ sɛɛ aaafo.

Yesaia 30:27

Naa Yehowa hewalɛ jɛ shɔŋŋ miiba! Emlifu miitso, ni eeje lasu kpɔŋŋ; enaa miitswa afui kɛ mlila, ni elilɛi tamɔ la ni kpãtãa nii ahiɛ.

Yesaia 34:2

Ejaakɛ Yehowa mli efu majimaji lɛ fɛɛ; egri ewo amɛtai lɛ, ni ejɔɔ amɛ nɔ, ni eŋɔ amɛ eha koni akpãtã amɛhiɛ.

Ezekiel 7:10

Naa, gbi lɛ nɛ! Naa, eeba! Ohiɛkpãtãmɔ be lɛ eshɛ toikɔdɔmɔ saneyeli egba afofro; ni hewoo hu egba ahwanya.

Ezekiel 22:31

No hewɔ lɛ, mimli wo amɛ la, ni mikɛ mlifu plenee amɛ, ni miha amɛmusu ebua amɛyiteŋ.” Nuŋtsɔ Yehowa kɛɛ.

Habakuk 1:12

“Yehowa, kɛjɛ naanɔ beebe lɛ bo ji miNyɔŋmɔ kɛ Mɔ Krɔŋkrɔŋ Koome! Ohaŋ wɔgboi! Ao, Yehowa, okɔ Babilonbii lɛ, ni bo ohã amɛma shi shiŋŋ kɛhã wɔtoigbalamɔ.

4 Mose 24:24

Akɛ ta lɛji aaajɛ Kipro aba ni aaabaye Asiria kɛ Eber nɔ. Shi tatsɛmɛi nɛɛ hu ahiɛ aaakpãtã kɛya naanɔ.”

2 Maŋtsɛmɛi 18:25

Asaŋ, ani osusuɔ akɛ mije Yehowa sɛɛ, ni mifã mibatua oshikpɔŋ lɛ ni mibakpãtã ehiɛ ni Yehowa leee he eko lo? Yehowa moŋ ni kɛɛ mi akɛ, “Fãa ni oyatua shikpɔŋ lɛ ni okpãtã hiɛ!”

Yesaia 29:2

Kɛ̃lɛ mi, Nyɔŋmɔ mahã hejaramɔ aba Yerusalɛm nɔ. Ŋkɔmɔyeli kɛ kɛ̃ɛmɔ aaaba maŋtso muu lɛ fɛɛ nɔ, ni Yerusalɛm baayi obɔ̃ kɛ lá tamɔ afɔleshãa latɛ ni lá ewu he kpɔtɔɔ.

Yesaia 30:9

Ejaakɛ gbɔmɛi atuatselɔi, bii amalelɔi ni amɛkpɛlɛ̃ɛɛ Yehowa toiboo ji amɛ.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Nahum 1:1

Nineve shigbeemɔ he gbalɛ nɛɛ, ajie atsɔ̃ɔ Gbalɔ Nahum, Elkoshnyo lɛ.