Yesaia 10:3 - ŊMALƐ KRƆŊKRƆŊ LƐ

³ Te nyɛaafee tɛŋŋ yɛ nakai toigbalamɔ gbi lɛ nɔ, be ni ahum baatswa kɛjɛ shɔŋŋ kɛba lɛ? Namɔ ŋɔɔ nyɛaajo foi kɛaaya nyɛyatao yelikɛbuamɔ; ni nɛgbɛ nyɛaashi nyɛnii ni nyɛna lɛ yɛ?

Ṅmãle̱ Kroṅkroṅ Le̱

³ Ni sramo̱ gbĩ le̱ no̱, kē̱ fitemo̱ ní badše̱ šoṅṅ aba le̱ mli le̱, té nyebafe tẽṅ? Namo ṅō nyeadšo foi ke̱-ate nyeyaba abo? Ni nẽgbe̱ nyeašĩ nyenii le̱ ye̱?

Yesaia 10:3 ပူးပေါင်းရင်းမြစ်များ

1 Mose 31:1

Yakob nu ni Laban bihii lɛ miiwiewie akɛ, “Yakob eshɔ̃ wɔtsɛ nii fɛɛ; wɔtsɛ nii lɛ ekɛna ehe nɛɛ.”

2 Maŋtsɛmɛi 7:15

Ni amɛtiu amɛ kɛyashɛ Yordan Faa lɛ naa tɔ̃ɔ; ni naa, gbɛ lɛ nɔ fɛɛ eyi tɔ kɛ atadei kɛ nibiinibii ni Siria tabilɔi lɛ eshɛrɛ eshwie yɛ amɛoyaiyeli lɛ mli. Bɔfoi lɛ ku amɛsɛɛ amɛba, ni amɛbabɔ maŋtsɛ lɛ amaniɛ.

Hiob 31:14

no lɛ te mafee tɛŋŋ kɛji Nyɔŋmɔ te shi wo mi lɛ? Kɛji eba kojomɔ lɛ, te majie minaa makɛɛ tɛŋŋ?

Abe̱i 11:4

Mlifu gbi lɛ nɔ lɛ, ninamɔ he bɛ sɛɛnamɔ ko; shi jalɛ jieɔ mɔ kɛjɛɔ gbele dɛŋ.

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 17:4

Yehowa kɛɛ, “Gbi miiba, ni nakai gbi lɛ Israel anunyam lɛ nɔ baagbɔ, ni eninamɔ ni ehã eshwi lɛ baatsɔ̃ ohia, ni ebaatã loo.

Yesaia 20:6

Ni nakai be lɛ mli lɛ, nɛkɛ ŋshɔ nɛɛ naa bii lɛ aaakɛɛ akɛ, ‘Naa nɔ ni eba mɛi ni wɔhiɛ kã amɛnɔ lɛ anɔ, mɛi ni wɔjo foi kɛtee wɔyaba abo yɛ amɛŋɔɔ koni ahere wɔ yɛ Asiria maŋtsɛ lɛ dɛŋ lɛ anɔ. Belɛ, wɔ lɛ, te wɔɔfee tɛŋŋ ni wɔje mli hu?’ ”

Yesaia 26:14

Amɛgboi, ni amɛhiɛ etsɛ̃ŋ; amɛtsɔmɔ sisai ni eteŋ shi dɔŋŋ, ejaakɛ ogbala amɛtoi, ni okpãtã amɛhiɛ, ni akaiŋ amɛ dɔŋŋ.

Yesaia 26:21

Ejaakɛ, naa, Yehowa miije kpo kɛmiijɛ eshihilɛhe lɛ koni ebagbala je lɛ mli bii atoi yɛ amɛnishaianii lɛ ahewɔ, ni shikpɔŋ lɛ aaajie lá shi ni ashwie yɛ enɔ lɛ etsɔ̃ɔ, ni ehaŋ mɛi ni agbe yɛ enɔ lɛ anɔ dɔŋŋ.”

Yesaia 28:20

Ejaakɛ saatso lɛ baafee kuku tsɔ̃ bɔ ni aaanyɛ mli akpã yɛ nɔ; ni saanɔbo lɛ hu elɛŋ bɔ ni aaanyɛ akota he awo mli.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 30:16

ni nyɛkɛɛ akɛ, ‘Dabida! Wɔɔtara okpɔŋɔi anɔ kɛjo foi.’ No hewɔ lɛ, foi kɛ̃ nyɛaajo. Ni nyɛkɛɛ hu akɛ ‘Wɔɔtara okpɔŋɔi ni foijee naa wa nɔ.’ No hewɔ lɛ, mɛi ni aaatiu nyɛ lɛ hu afoijee naa baawa.

Yesaia 30:5

kɛ̃lɛ amɛ fɛɛ amɛhiɛ aaagboi yɛ maŋbii ni he bɛ sɛɛnamɔ ko hã amɛ lɛ hewɔ; amɛyeŋ amɛbuaŋ amɛ, ni amɛnaŋ amɛhe sɛɛ ko; shi hiɛgbele kɛ ahorabɔɔ moŋ amɛaana.”

Yesaia 30:7

Akɛni Ijipt dɛŋ yelikɛbuamɔ lɛ bɛ fɛifɛi, ni enyɛɛɛ nɔ ko nɔ ko etsu hewɔ lɛ, mitsɛɔ lɛ ‘Naafuutsɛ ni etĩii ehe.’ ”

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yesaia 39:3

Kɛkɛ ni Gbalɔ Yesaia ba Maŋtsɛ Hezekia ŋɔɔ, ni ebabi lɛ akɛ, “Nɛgbɛ nɛkɛ gbɔmɛi nɛɛ jɛ ba oŋɔɔ nɛɛ, ni mɛɛ amaniɛ amɛkɛba?” Hezekia here lɛ nɔ akɛ, “Shɔŋŋ he ko amɛjɛ amɛba miŋɔɔ nɛɛ; amɛjɛ Babilon.”

Yesaia 5:14

No hewɔ lɛ, gbohiiaje elɛɛ esɛŋ, ni egbɛ edaaŋ hatoo fe nine kɛmiimɛ Yerusalɛm lumɛi lɛ kɛ esafo yuu lɛ kɛ mɛi ni feɔ hoo lɛ kɛ mɛi ni mli filiɔ amɛ lɛ koni emi amɛ.

Yesaia 5:26

Yehowa baato okadi ekɛtsɛ maŋ ko ni yɔɔ shɔŋŋ; ebaakpã blɛ ekɛtsɛ lɛ kɛjɛ jeŋ naagbeehe lɛ. Ni naa, maŋ nɛɛ baafee oya aba mramra.

Yeremia 22:7

Majie nifitelɔi ni amɛteŋ mɔ fɛɛ mɔ hiɛ elema mawo bo; ni amɛbaatoo otsenedru tsei fɛɛfɛji lɛ, ni amɛbaaloo amɛwo la mli.

Yeremia 4:30

Ao! Yerusalɛm ni oyi etɔ̃, Mɛɛba moŋ ni owula kɛ mama tsuru kɛ shika jwine ni ofolɔ ohiŋmɛii asɛɛ? Yakatswaa ofeɔ ohe fɛɛfɛo lɛ. Osuɔlɔi lɛ ekwa bo, ni amɛmiitao bo amɛgbe.

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

Yeremia 9:9

Aso mikagbala amɛtoi yɛ enɛɛmɛi ahewɔ? Mikatɔ mihe owele yɛ maŋ ni tamɔ nɛkɛ nɔ lo? Mi, Yehowa, miibi.”

Hosea 5:13

“Be ni Israel na hela ni emɔ lɛ lɛ, ni Yuda hu na fala ni efã lɛ, Efraim tee Asiria maŋtsɛ kpanaa lɛ ŋɔɔ eyabi edɛŋ yelikɛbuamɔ, shi Asiria nyɛɛɛ amɛ tsofa efee aloo etsa amɛ.

Hosea 9:5

Te nyɛbaafee tɛŋŋ kɛji eshɛ gbijurɔyeli be loo Yehowa gbijurɔ lɛ hu?

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Amos 5:19

nɔ ni baaba lɛ etamɔ mɔ ko ni joɔ jata naa foi, ni ekɛ oshishibrishi kpeɔ, loo be ni eba shĩa ni ekɛ enine mɔ gbogbo mli lɛ onufu kɔ̃ lɛ.

Mika 7:4

Mɔ ni kɛɛ ehi fe fɛɛ yɛ amɛteŋ lɛ, etamɔ kpitikpiti ŋmei, ni mɔ ni kɛɛ anɔkwafo ji lɛ fe fɛɛ lɛ, ŋmei afabaŋ po hi fe lɛ. Shi gbi ni Nyɔŋmɔ baagbala amɛtoi lɛ eshɛ taakɛ ebɔ amɛ kɔkɔ kɛtsɔ̃ egbalɔi lɛ anɔ lɛ, agbɛnɛ amɛ jijaa.

Zefania 1:18

Nakai Yehowa mlifu gbi lɛ nɔ lɛ, gbɔmɛi ajwiɛtɛi kɛ shika fɛɛ nyɛŋ amɛyiwala ahere. Emlifu ni jɛ awuŋayeli mli lɛ naa la lɛ naawalɛ baakpãtã je lɛ fɛɛ hiɛ; ejaakɛ trukaa ni eeeplene shikpɔŋ lɛ nɔ gbɔmɛi fɛɛ.

Luka 19:44

ni amɛaaŋɔ bo amɛtswa shi kɛ obii ni yɔɔ omli lɛ, ni amɛshiŋ tɛ kome yɛ ekroko nɔ yɛ omli, ejaakɛ oyooo oduromɔ saramɔbe lɛ!”

5 Mose 28:49

Yehowa kɛ maŋ ko aaajɛ shɔŋŋ diɛŋtsɛ, kɛaajɛ je lɛ naagbeehe, abatua bo trukaa, shwim tamɔ okropɔŋ filikiɔ, maŋ ko ni onuuu amɛwiemɔ,

1 Petro 2:12

ni nyɛba nyɛjeŋ jogbaŋŋ yɛ jeŋmajiaŋbii lɛ ateŋ, koni be mli ni amɛwieɔ nyɛhe akɛ efɔŋfeelɔi lɛ, amɛkɛ nyɛnitsumɔi kpakpai lɛ ni amɛbaana lɛ awo Nyɔŋmɔ hiɛ nyam yɛ saramɔ Gbi lɛ nɔ.