Yesaia 1:7 - ŊMALƐ KRƆŊKRƆŊ LƐ

⁷ Nyɛjaku shikpɔŋ lɛ kã shi amaŋfɔ̃, ni amãmɔ nyɛmaji wuji lɛ anaa la ashãshãai. Gbɔi miiye nyɛshikpɔŋ lɛ nɔ nii yɛ nyɛhiɛ; amɛbutu nyɛshikpɔŋ lɛ, ni amɛhã etsɔ̃ amaŋfɔ̃.

Ṅmãle̱ Kroṅkroṅ Le̱

⁷ Nyešikpoṅ le̱ etšṍ amaṅfõ, nyemãdši le̱ ake̱ la ešã; nyeṅmõdši le̱, gbo̱i miye ye̱ nyehĩe, etšṍ amaṅfõ, tamo̱ no̱ni gbo̱i ebutu!

Yesaia 1:7 ပူးပေါင်းရင်းမြစ်များ

2 Kronika 28:5

Ahaz jeŋba nɛɛ hewɔ lɛ, Yehowa, eNyɔŋmɔ lɛ, ŋmɛɛ ehe ehã Siria maŋtsɛ ni ebaye enɔ kunim yɛ ta mli, ni eŋɔ Yudabii babaoo diɛŋtsɛ nom kɛtee Damasko. Nakai nɔŋŋ Israel maŋtsɛ lɛ hu baye Ahaz nɔ kunim, ni ekpãtã Yudabii ahiɛ musúmusú,

Lalai 107:34

Ehãa shikpɔŋ ni baa nii tsɔ̃ɔ ŋoo shikpɔŋ yɛ mɛi ni hiɔ jɛi lɛ anifeemɔnii hewɔ.

Lalai 107:39

Kɛji akɛ yiwalɛ kɛ haomɔ kɛ awerɛho hã amɛnɔ gbɔ, ni aba amɛshi tete lɛ,

Lalai 109:11

Enyɔmɔtsɛ ashɔ̃ nii ni eyɔɔ fɛɛ yɛ edɛŋ; ni gbɔi hu aha edeŋmegbomɔ lɛ mli nii fɛɛ.

Yesaia 1:8

Yerusalɛm pɛ eshwɛ, ni lɛ hu asa eyi. Etsɔ̃ tamɔ asese ko yɛ waintrom mli, loo agba ni ma kukumba ŋmɔ mli.

Yesaia 3:8

Ejaakɛ Yerusalɛm ejwa, ni Yuda hu egbee shi, ejaakɛ amɛdaaŋ wiemɔ kɛ amɛnifeemɔnii fɛɛ tsɔ̃ɔ akɛ amɛte shi amɛwo Yehowa, ni amɛhiɛ eshwieee ehiɛiaŋ tete.

Yesaia 34:9

Edom fai lɛ baadi tuŋŋ tamɔ kootaa, ni eshikpɔŋ lɛ su aaatsɔ̃ tamɔ swɔɔ. Eshikpɔŋ tso muu aaatsɔ̃ tamɔ kootaa ni miitso.

Yesaia 49:19

“Eyɛ mli akɛ afite oshikpɔŋ lɛ, ni afee lɛ amaŋfɔ̃ moŋ nɛ, shi agbɛnɛ, mɛi baaba omli aahu bɔ ni onaŋ gbɛ ohã amɛ; ni mɛi ni ha afee bo amaŋfɔ̃ lɛ kɛ bo teŋ aaajekɛ shɔŋŋ.

Yesaia 5:17

Too gwantɛŋbii aaaye nii yɛ ŋa nɔ he ni jwɛifɔ yɔɔ, ni abotiabii ni eshwishwii aaaye nii kɛnyiɛ amaŋfɔ̃ tsui koi lɛ ateŋ.

Yesaia 5:9

Yehowa, Taiatsɛ, wie yɛ mi diɛŋtsɛ mitoiŋ akɛ, “Bɔ fɛɛ bɔ ni fee lɛ, shĩai pii baatsɔmɔ amaŋfɔ̃, shĩai wuji fɛɛfɛji baakamɔ shi ni gbɔmɛi bɛ mli.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yesaia 60:15

“Kulɛ akwa bo, ni anyɛ bo; ni mɔ ko mɔ ko tsɔ̃ɔɔ omli kɛhooo; shi no najiaŋ lɛ, maha oje agbo, ofee naanɔ anunyam kɛ naanɔ nyamɔ kɛjɛ yinɔ kɛya yinɔ.

Yesaia 62:8

Yehowa ewo ehewalɛ nine lɛ nɔ ekɛkã ehe kitã akɛ, “Anɔkwa, mikɛ obele lɛ haŋ ohenyɛlɔi amɛye dɔŋŋ, ni maŋsɛɛbii enuŋ owain ni ogbo he deŋme lɛ dɔŋŋ;

Yesaia 64:10

Omaji krɔŋkrɔŋi lɛ etsɔmɔ ŋa nɔ: Zion etsɔ ŋa nɔ, Yerusalɛm etsɔ amaŋfɔ̃.

Yesaia 9:18

Maŋbii lɛ ayitsoŋwalɛ tsoɔ tamɔ la. Eshãa kpitikpitii kɛ ŋmeii fɛɛ; esɔoɔ koo hayii anaa la, ni elasu pukɔŋŋ lɛ teɔ shi kɛyaa ŋwɛi.

Yesaia 9:5

Ejaakɛ aspaatre fɛɛ aspaatre ni tabilɔ kɛbaashimɔ shi yɛ ta lɛ mli kɛ atade fɛɛ atade ni lá ewu mli lɛ, akɛbaafee lai ni ashã.

Yeremia 2:15

Jatai bolɔ wo lɛ; amɛbolɔ waa diɛŋtsɛ. Amɛkpãtã eshikpɔŋ lɛ hiɛ, emaji lɛ kamɔ shi amaŋfɔ̃i ni gbɔmɛi bɛ mli.

Yeremia 4:7

Jata ko efã kpo kɛjɛ ekoowie mli kɛmiiba, maji ahiɛkpãtãlɔ ko efã kɛmiiba; Eshi eshihilɛhe lɛ kɛmiiba, ni ebaakpãtã nyɛshikpɔŋ lɛ hiɛ, koni nyɛmaji lɛ atsɔ̃mɔ amaŋfɔ̃i, hei ni gbɔmɛi ehiŋ dɔŋŋ.

Yeremia 44:6

No hewɔ lɛ, mifɔse mimlila lɛ kɛ mimlifu lɛ mishwie amɛnɔ, ni ehere tamɔ la, ni eshã Yuda maji lɛ kɛ Yerusalɛm blohui lɛ tete; kɛkɛ ni amɛtsɔ̃mɔ amaŋfɔ̃i bɔ ni amɛyɔɔ kɛ ŋmɛnɛ nɛɛ.

Yeremia 6:8

Ao, Yerusalɛm, kwɛmɔ ni ahi; kɛjeee nakai lɛ mibashi bo, ni mibafee bo amaŋfɔ̃, ni oootsɔ̃ shikpɔŋ ni mɔ ko mɔ ko ehiŋ nɔ.”

Yeremia 7:34

Mafo nyamɔ kɛ miishɛɛ sɛɛ yɛ Yuda maji lɛ kɛ Yerusalɛm blohui fɛɛ amli. Anuŋ ayɛmforo kɛ ayɛmforo wu gbee dɔŋŋ, ejaakɛ shikpɔŋ lɛ baatsɔ̃ amaŋfɔ̃.”

Yāfó 5:2

Wɔgboshinii etsɔ̃ gbɔi anɔ, ni wɔshĩai eyaje gbɔi adɛŋ nɛɛ.

Ezekiel 25:4

hewɔ lɛ, maŋɔ bo maha mɛi ni yɔɔ bokãgbɛ shikpɔŋ lɛ nɔ lɛ ni amɛye onɔ. Amɛbaafee tabilɔi ashitoohei yɛ oshikpɔŋ lɛ nɔ, amɛbaato maji amɛhi mli yɛ oshikpɔŋ lɛ nɔ; amɛbaaye otsei ayibii lɛ, ni amɛaanu otsina fufɔ lɛ.

Ezekiel 30:12

Ni mahã Nilo Faa lɛ amii; ni mikɛ shikpɔŋ lɛ baawo mɛi fɔ̃ji adɛŋ. Matsɔ̃ mɛi kpɔ̃ji anine nɔ, ni mahã shikpɔŋ lɛ atsɔ̃ amaŋfɔ̃, ni mafite nɔ fɛɛ nɔ ni yɔɔ nɔ. Mi, Yehowa, mikɛɛ.”

Hosea 7:9

Gbɔi lɛ ehã ehewalɛ etã, shi eyooko; eyiteŋ eje waŋ, shi ekɔɔɔ sɛɛ.

Hosea 8:7

Ejaakɛ akɛni amɛdu kɔɔyɔɔ lɛ lasuogbele ji yibii ni amɛbaakpa. Abele ekpɛŋ bi kome nɛkɛ ni aaana aye. Ni kɛji abele lɛ aaaba tete lɛ, gbɔi moŋ aaabaye.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

3 Mose 26:34

Gbii abɔ ni nyɛyɔɔ nyɛhenyɛlɔi lɛ ashikpɔŋ lɛ nɔ, ni shikpɔŋ lɛ kã shi efolo ni ahuuu nɔ lɛ, belɛ shikpɔŋ lɛ miijɔɔ ehe ekɛtse ehejɔɔmɔ be ni nyɛshã nyɛshwie lɛ. Belɛ ja nakai dani shikpɔŋ lɛ baana hegbɛ eye ehejɔɔmɔ be lɛ.

Mika 5:11

Mafite maji ni yɔɔ oshikpɔŋ lɛ nɔ lɛ, ni makumɔ mɔji ni buɔ ohe lɛ mashwie shi.

Mika 6:13

No hewɔ lɛ, mije nyɛ nitswiamɔ kɛ hiɛkpãtãmɔ shishi momo yɛ nyɛhe eshai lɛ ahewɔ.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,

5 Mose 28:43

“Gbɔ ni kɛ bo yɔɔ lɛ agbojee aaakwɔ fe ogbojee, shi bo lɛ ogbojee lɛ aaaba shi daa.

5 Mose 29:23

Amɛaana bɔ ni swɔɔ kɛ ŋoo egbe shikpɔŋ tso muu lɛ, ni ehiii enɔ nidumɔ, ni ebaaa nii, ni jwɛi tete ekwɛ̃ɛɛ yɛ nɔ lɛ. Amɛaana akɛ efite tamɔ Sodom kɛ Gomora kɛ Adama kɛ Zeboim maji lɛ ni Yehowa kpãtã amɛhiɛ yɛ emlifu kɛ emlila naa lɛ.