Yesaia 1:6 - ŊMALƐ KRƆŊKRƆŊ LƐ

⁶ Kɛjɛ yiteŋ aahu kɛyashi naneshi lɛ, he ko he ko bɛ gbɔmɔtso lɛ he ni atswã bɛ jɛi fe pilamɔi kɛ faji kɛ faji ni amɛmli miihohoo lá. Anyamɔko faji lɛ, afimɔko lɛ, akɛ mu etoko amɛnɔ hu.

Ṅmãle̱ Kroṅkroṅ Le̱

⁶ *Ke̱-dše̱ naneši āhũ ke̱-yaši yiteṅ fẽ le̱ hekoheko be̱ ní eye emū: ši pilamo̱i ke̱ hei ní etẽre̱tẽre̱i ke̱ fadši ṅmõdši so̱ṅṅ; anyãmo̱ko, ni afĩmo̱ko no̱, ni atoko no̱ mũ hũ! *5 Mose 28,35.

Yesaia 1:6 ပူးပေါင်းရင်းမြစ်များ

2 Samuel 14:25

Nuu ko nuu ko bɛ Israel fɛɛ ni ekɛ Absalom ye egbɔ yɛ hefɛo gbɛfaŋ. Kɛjɛ enaneshi aahu kɛyashi epampam lɛ, kpa kome nɛkɛ bɛ ehe.

Hiob 5:18

Ejaakɛ epilaa mɔ, shi lɛ nɔŋŋ efiɔ nɔ, etswaa mɔ nɔ, ni enine nɔŋŋ tsaa.

Lalai 77:2

Mihaomɔ gbi nɔ lɛ, mitaoɔ Nuŋtsɔ lɛ sɛɛgbɛ; nyɔɔŋnyɔɔŋ fɛɛ lɛ, miholeɔ miniji anɔ yɛ sɔlemɔ mli, ni etɔɔɔ mi; misusuma ekpɛlɛ̃ɛɛ miishɛjemɔ.

Yesaia 30:26

Ni nyɔɔŋtsere aaakpɛ tamɔ hulu tsoɔ, ni hulu aaatso bɔ ni etsoɔ daa lɛ toi kpawo, tamɔ gbii kpawo mli hulutsoo ni abua naa, gbi ni Yehowa aaafimɔ emaŋ lɛ pilamɔi anɔ, ni eeetsa faji ni ewo amɛ be ni etswia amɛ nii lɛ.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Yeremia 30:12

Ejaakɛ, mi Yehowa, miikɛɛ akɛ, “Nyɛpilamɔ lɛ bɛ tsabaa, ni nyɛfala lɛ ewo wu.

Yeremia 30:15

Mɛɛba nyɛfoɔ yɛ nyɛpilamɔ hewɔ? Nyɛpiŋmɔ lɛ bɛ tsabaa. Akɛni nyɛtɔ̃mɔ lɛ da, ni nyɛhe eshai lɛ fa lɛ, no hewɔ ni mifee nyɛ enɛ nɛɛ.

Yeremia 33:6

Shi naa, mi nɔŋŋ mibasaa maŋ lɛ ni matee lɛ shi ekoŋŋ ni mahã emli bii ana toiŋjɔlɛ babaoo, amɛbaashwere ni amɛbaafee shweshweeshwe.

Yeremia 6:14

Amɛtsaa miwebii lɛ apilamɔ lɛ jabejabe ko kɛkɛ, ni amɛkɛɔ amɛ akɛ, ‘Omanye ei! Omanye ei!’ Be mli ni omanye ko kwraa bɛ.

Yeremia 6:7

Bɔ ni nubu baa emli nu yi koni ehi krɔŋŋ lɛ, nakai Yerusalɛm baa enifɔɔji anii lɛ ayi. Henitswiamɔ kɛ niiahiɛkpãtãmɔ he anuɔ yɛ mli; ni hela kɛ pilamɔi sɔŋŋ kɛkɛ minaa yɛ mli.

Nahum 3:19

Pilamɔ ni opila lɛ bɛ tsabaa; ni ofaji lɛ ehiŋ tsamɔ. Mɛi fɛɛ ni nuɔ ohiɛkpãtãmɔ lɛ he lɛ tswaa amɛdɛ̃ amɛshwieɔ onɔ kɛ nyamɔ; ejaakɛ namɔ po ni yɔɔ ni oyeko lɛ sane fɔŋ dã?

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 9:12

Shi be ni Yesu nu lɛ, ekɛɛ amɛ akɛ, “Mɛi ni yɔɔ hewalɛ lɛ, tsofatsɛ he ehiaaa amɛ, shi moŋ mɛi ni he yeɔ lɛ.

Luka 10:34

ni etee eŋɔɔ ni eyafɔse mu kɛ wain eshwie epilamɔi lɛ anɔ ni efimɔ nɔ, ni esaa ewo lɛ eta lɛ diɛŋtsɛ ekooloo lɛ nɔ ni ekɛ lɛ tee gbɔiatoohe ni eyakwɛ lɛ.