Yesaia 1:4 - ŊMALƐ KRƆŊKRƆŊ LƐ

⁴ Ao! Eshafeelɔi amaŋ, gbɔmɛi ni eyi tɔ kɛ eshafeemɔ, efɔŋfeelɔi ashwiei, gbɔmɛi nifitelɔi ni amɛkwa Yehowa, ni amɛgbe Israel Mɔ Krɔŋkrɔŋ lɛ he guɔ, ni amɛ kɛ lɛ teŋ etserɛ kwraa.

Ṅmãle̱ Kroṅkroṅ Le̱

⁴ Ao! dšeṅmaṅ ní feo̱ eša, maṅ ní sõ kã ame̱no̱, efõṅfelo̱i aſĩei, bii ni efite! Ame̱kwa Iehowa, amegbe Israel Mokroṅkroṅ le̱ he guo̱, ame̱kũ ame̱se̱ ke̱-te!

Yesaia 1:4 ပူးပေါင်းရင်းမြစ်များ

1 Mose 13:13

Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

2 Maŋtsɛmɛi 21:22

Ekwa Yehowa, etsɛmɛi aNyɔŋmɔ lɛ, ni ebaaa ejeŋ tamɔ bɔ ni Yehowa taoɔ lɛ.

2 Kronika 12:1

Be ni Rehoboam maŋtsɛyeli lɛ ema shi, ni ena hewalɛ lɛ, lɛ kɛ ewebii lɛ fɛɛ gbo Yehowa mlai lɛ anɔ toi.

2 Kronika 27:2

Yotam ba ejeŋ bɔ ni Yehowa taoɔ tamɔ bɔ ni etsɛ Uzia fee lɛ pɛpɛɛpɛ, fe akɛ lɛ lɛ ekaaa akɛ ekɛ ehe aaawo sɔ̃ɔmɔ ni asɔmɔɔ yɛ Yehowa Sɔlemɔtsu lɛ mli lɛ mli. Shi maŋbii lɛ tee nɔ amɛja jemawɔji komɛi.

Nehemia 1:7

Wɔfee efɔŋ ni naa wa naakpa wɔshi bo, ejaakɛ wɔyeko kitãi kɛ akpɔi kɛ mlai ni owo kɛtsɔ̃ otsulɔ Mose nɔ lɛ anɔ.’

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

Lalai 71:22

Oo miNyɔŋmɔ, matswa saŋku hu mikɛjie oyi yɛ onɔkwayeli hewɔ. Oo Israel Mɔ Krɔŋkrɔŋ matswa obenta mikɛkafo bo.

Lalai 78:40

Kwɛ shii abɔ ni amɛtse ehiɛ atua yɛ ŋa lɛ nɔ, ni amɛfee lɛ nidɔɔnii yɛ shiaŋa lɛŋ.

Lalai 78:41

Amɛka Nyɔŋmɔ nɔtoonɔtoo, ni amɛwo Israel Mɔ Krɔŋkrɔŋ lɛ mli la.

Lalai 78:57

Amɛgba afã, ni amɛyeee anɔkwa tamɔ bɔ ni amɛtsɛmɛi lɛ fee lɛ nɔŋŋ; amɛtsɔ̃ tamɔ gãi ni ekɔ̃dɔ̃.

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

2 Mose 32:7

Kɛkɛ ni Yehowa kɛɛ Mose akɛ, “Kpelekemɔ shi oya ni oya, shi omaŋbii lɛ ni okɛjɛ Ijipt kɛba lɛ ewo amɛhe muji.

Yesaia 1:23

Omli lumɔi lɛ etsɔ̃mɔ atuatselɔi kɛ julɔi ananemɛi. Amɛteŋ mɔ fɛɛ mɔ miinya nyɔɔŋnihamɔ he ni amɛhiŋmɛii etsu kɛnyiɛ mɛi adɛŋ nikee sɛɛ. Amɛfãaa awusa he lɛ, amɛyeee okulafo sane amɛhãaa lɛ.

Yesaia 1:28

Shi maŋ lɛ atuatselɔi lɛ kɛ eshafeelɔi lɛ aaakpãtã amɛ fɛɛ amɛhiɛ, ni mɛi ni baakwa Yehowa lɛ, abaaplene amɛ.

Yesaia 10:6

Mifã lɛ miwo maŋ ni sheee Nyɔŋmɔ gbeyei lɛ he. Mifã lɛ koni eyatua mɛi ni mimli efu amɛ lɛ, koni eyaha amɛ, koni eshɔ̃ amɛdɛŋ nii, koni enaanaa amɛnɔ tamɔ anaa blohuŋ ŋmiamɔ.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yesaia 14:20

Akɛ bo fataŋ amɛhe afuŋ, ejaakɛ bo diɛŋtsɛ okpãtã oshikpɔŋ lɛ hiɛ, ni ogbe omaŋbii lɛ. Atsiŋ efɔŋfeelɔi ashwiei atã dɔŋŋ gbi ko gbi ko.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 3:8

Ejaakɛ Yerusalɛm ejwa, ni Yuda hu egbee shi, ejaakɛ amɛdaaŋ wiemɔ kɛ amɛnifeemɔnii fɛɛ tsɔ̃ɔ akɛ amɛte shi amɛwo Yehowa, ni amɛhiɛ eshwieee ehiɛiaŋ tete.

Yesaia 30:1

Yehowa kɛɛ akɛ, “Kpoo hã bii kaniŋkajelɔi ni yaa ajina ni mi, mibɛ mli, ni amɛkpãŋɔ kpãŋmɔi ni jeee mitsui naa yiŋtoi ni, ni amɛkɛfeɔ esha amɛshiɔ esha nɔ.

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yesaia 30:9

Ejaakɛ gbɔmɛi atuatselɔi, bii amalelɔi ni amɛkpɛlɛ̃ɛɛ Yehowa toiboo ji amɛ.

Yesaia 31:2

Tsɛbelɛ, lɛ ji nilelɔ, ni ehãa efɔŋ baa, ni ekpaleee enaa, shi eteɔ shi ewoɔ efɔŋfeelɔi kɛ mɛi ni yeɔ buaa efɔŋfeelɔi.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Yesaia 41:16

Ooosha amɛmli ni kɔɔyɔɔ aaaloo amɛ kɛaatee, ni ahum aaagbɛ amɛ ashwã. Shi bo lɛ, omii aaashɛ ohe yɛ Yehowa hewɔ, ni oooshwã ofɔ̃ Israel Mɔ Krɔŋkrɔŋ lɛ nɔ.”

Yesaia 41:20

Ni mɛi baana, ni amɛaasusu he, ni amɛaanu shishi, ni amɛaale akɛ Yehowa ninenaa nitsumɔ ni, Israel Mɔ Krɔŋkrɔŋ lɛ ji mɔ ni fee.”

Yesaia 5:19

Amɛkɛɔ akɛ, “Yehowa he afee oya; nɔ ni eto akɛ ebaafee lɛ, efee koni wɔkwɛ. Ha ni Israel Mɔ Krɔŋkrɔŋ Koome lɛ yiŋ ni eto lɛ abɛŋkɛ wɔ ni aba mli koni wɔle.”

Yesaia 5:24

No hewɔ lɛ, bɔ ni lalilɛi shãa gbetseli, ni la ni tsoɔ shãa jwɛi gbiŋ lɛ, nakai nɔŋŋ amɛfãi lɛ aaakpɔtɔ, ni kɔɔyɔɔ baatswa amɛfofro lɛ ashwie, ejaakɛ amɛkwa Yehowa, Taiatsɛ, mla lɛ, ni amɛgbe Israel Mɔ Krɔŋkrɔŋ Koome lɛ wiemɔ lɛ he guɔ.

Yesaia 57:17

Nɔ sha ni yɔɔ ehiɛkɔ̃ɔ lɛ mli hewɔ lɛ, mimli wo la; migwao lɛ, ni mikɛ mihiɛ tee lɛ, ni mimli fu; shi etee nɔ ekwa mi, ni eye etsui naa sane.

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yesaia 65:11

“Shi nyɛ mɛi ni nyɛkwa Yehowa, ni nyɛhiɛ ekpa egɔŋ krɔŋkrɔŋ Zion lɛ nɔ, ni nyɛŋmɛɔ okplɔ̃ nyɛkɛhãa shade wɔŋ, ni nyɛfɔseɔ wain ni afutu mli nyɛshwieɔ shi nyɛhãa shɛɛ mli wɔŋ lɛ,

Yesaia 65:3

Atuatselɔi nɛɛ jeɔ kpetekplee amɛwoɔ mimli la daa. Amɛshãa afɔle yɛ abɔi amli amɛhaa wɔji, ni amɛshãa tsofakɛŋma yɛ ntayai anɔ amɛhãa wɔji.

Yesaia 9:17

No hewɔ lɛ, Nuŋtsɔ lɛ naŋ amɛblahii lɛ ahe miishɛɛ, ni emusuŋ etsɔŋ lɛ yɛ amɛwusãi kɛ amɛkulafoi lɛ ahe. Ejaakɛ amɛteŋ mɔ fɛɛ mɔ lɛ, ebɛ Nyɔŋmɔ gbeyeishemɔ, ni asaŋ efɔŋfeelɔ ni, ni mɔ fɛɛ mɔ wieɔ kwashiai awiemɔ. Kɛ̃lɛ fɛɛ sɛɛ lɛ Yehowa mlifu lɛ ejɔŋ; etoigbalamɔ nine lɛ ekpã mli lolo.

Yeremia 15:6

Okwa mi, ni sɛɛsɛɛ kɛkɛ oyaa; no hewɔ ni miwo minine nɔ yɛ onɔ ni mikpãtã ohiɛ lɛ; ohe musuŋtsɔlɛ etɔ mi.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 2:31

Nyɛ, yinɔ nɛɛ nɔ bii, nyɛjwɛŋa Yehowa wiemɔi lɛ ahe. Ani mitsɔ̃ ŋa nɔ mihã Israelbii lo; loo shikpɔŋ ni enɔ ewo duŋ kpii? Mɛni hewɔ mɔ, ni miwebii lɛ kɛɔ akɛ, “Wɔye wɔhe; wɔbaaa oŋɔɔ dɔŋŋ lɛ?”

Yeremia 2:33

Anɔkwa, ole gbɛ nɔ ni atsɔ̃ɔ ni nine shɛɔ suɔlɔ nɔ, no hewɔ lɛ, yei fɔ̃ji tete po ekase nii kɛjɛ odɛ̃ŋ.

Yeremia 2:5

Yehowa kɛɛ akɛ, “Mɛɛ tɔ̃mɔ nyɛtsɛmɛi lɛ na yɛ mihe; hewɔ ni amɛtse amɛhe yɛ mihe kɛtee flɛŋŋ, ni amɛyadi yakayakanii asɛɛ ni ehã amɛtsɔ̃mɔ yakayakanii nɛɛ?

Yeremia 32:32

yɛ nifɔɔjianii fɛɛ ni Israelbii lɛ kɛ Yudabii lɛ kɛ amɛmaŋtsɛmɛi kɛ amɛlumɛi kɛ amɛsɔfoi kɛ amɛgbalɔi kɛ mɛi fɛɛ ni yɔɔ Yuda kɛ Yerusalɛm lɛ fɛɛ fee ni amɛkɛwo mimli la lɛ hewɔ.

Yeremia 50:29

“Nyɛtsɛa gãitsɛ̃lɔi lɛ nyɛwoa Babilon he, mɔ fɛɛ mɔ ni le gãitsɛ̃mɔ aya eko. Nyɛsaa maŋ lɛ yi kɛkpea; ni nyɛkahãa mɔ ko naa fɔijee hegbɛ. Bɔ ni Babilon fee mɛi komɛi lɛ nyɛkɛ lɛ ayea nakai nɔŋŋ, ejaakɛ ekɛ Yehowa, Israel Mɔ Krɔŋkrɔŋ lɛ, fũ daa.

Yeremia 51:5

Ejaakɛ Israelbii lɛ kɛ Yudabii lɛ aNyɔŋmɔ lɛ, ni ji Yehowa Taiatsɛ lɛ, ekwako amɛ; shi Babilonbii lɛ, amɛ lɛ amɛshikpɔŋ lɛ nɔ eyi tɔ kɛ nifɔɔjianii babaoo ni amɛkɛtɔ̃ Israel Mɔ Krɔŋkrɔŋ lɛ nɔ.

Yeremia 7:19

Shi mi, Yehowa, miibi akɛ, ‘Aso mi, mimli la amɛwoɔ lɛ lo?’ Ani jeee amɛ diɛŋtsɛ amɛhe mlila amɛwoɔ, ni amɛkɛwoɔ amɛ diɛŋtsɛ amɛhe hiɛgbele lo?

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Ezekiel 14:5

bɔ ni afee ni matsake Israelbii lɛ atsui, ejaakɛ amɛtsɔ̃ amɛmãgãi lɛ anɔ amɛtse amɛhe kɛje mihe.

Ezekiel 16:33

Hii keɔ ajwamãŋi fɛɛ anii, shi bo lɛ bo moŋ oŋɔɔ onikeenii lɛ okeɔ osuɔlɔi fɛɛ, ni ohãa amɛ nyɔɔŋnii koni amɛjɛ he fɛɛ he amɛba oŋɔɔ ni amɛkɛ bo ababɔ.

Ezekiel 16:45

Onyɛ ni nyaŋe ewu kɛ ebii lɛ, ebiyoo ji bo; ni onyɛmimɛi yei ni nyaŋe amɛwumɛi kɛ amɛbii lɛ amɛnyɛmi yoo ji bo. Hityoo ji nyɛnyɛ, ni Amornyo ji nyɛtsɛ.

Daniel 9:11

Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

4 Mose 32:14

Amrɔ nɛɛ lɛ, nyɛ nyɛbaye nyɛtsɛmɛi hii toigbolɔi lɛ anajiaŋ, ni nyɛmiitao akɛ Yehowa mlifu ni naa wa lɛ aba Israel nɔ fe tsutsu lɛ?

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Mateo 23:33

Onufui, shikpãi ashwiei! Te nyɛaafee tɛŋŋ nyɛjo abonsamiiaje fɔbuu lɛ naa foiŋ?

Mateo 3:7

Shi be ni ena Farisifoi kɛ Sadukifoi lɛ ateŋ mɛi pii baa ebaptisimɔ lɛ he lɛ, ekɛɛ amɛ akɛ “Shinɔi ashwiei, namɔ tsɔ̃ɔ nyɛ akɛ nyɛjo mlifu ni baaba lɛ naa foi?

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

5 Mose 29:25

Hetoo ni mɛi aaahã ji akɛ, ‘Ejɛ kwamɔ ni amɛkwa kpãŋmɔ ni Yehowa, amɛtsɛmɛi aNyɔŋmɔ lɛ, kɛ amɛ kpãŋ be mli ni eyakpɔ̃ amɛ kɛje Ijipt shikpɔŋ lɛ nɔ lɛ hewɔ.

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

5 Mose 32:19

“Be ni Yehowa na enɛ lɛ, enyaŋe ebihii kɛ ebiyei lɛ, yɛ emli la ni amɛwo lɛ hewɔ.

5 Mose 32:5

Shi nyɛyeee lɛ anɔkwa; no hewɔ lɛ, jeee ebii ji nyɛ dɔŋŋ, yɛ nyɛhe kpa hewɔ; yinɔ kɔɔdɔŋ ni eje eŋɛlɛnɔ ji nyɛ.

Kolosebii 1:24

Agbɛnɛ mimii shɛɔ yɛ mimanehului ni minaa yɛ nyɛhewɔ lɛ amli, ni mikɛ miheloo naa Kristo amanehului ni shwɛ lɛ mikɛwoɔ amɛ obɔ̃ hã egbɔmɔtso ni ji esafo lɛ.

Kpojiemɔ 18:5

Ejaakɛ ehe eshai lɛ anɔ ekwɔ kɛshɛ ŋwɛi tɔ̃ɔ, ni Nyɔŋmɔ ekai enifɔɔji anii lɛ.

Kojolɔi 10:10

Kɛkɛ ni amɛbolɔ amɛtsɛ Yehowa amɛkɛɛ: “Wɔfee esha wɔshi bo; ejaakɛ wɔkwa bo, wɔNyɔŋmɔ lɛ, ni wɔyasɔmɔ Baal nyɔŋmɔi lɛ.”