Yesaia 1:3 - ŊMALƐ KRƆŊKRƆŊ LƐ

³ Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Ṅmãle̱ Kroṅkroṅ Le̱

³ Tšina le etse, ni tedši hũ le enuutšo̱ niyeniianõ: ši Israel le̱, le̱ le̱ elee, mimaṅ le̱ hũ dſẽṅṅ no̱!

Yesaia 1:3 ပူးပေါင်းရင်းမြစ်များ

Lalai 94:8

Oo, nyɛ maŋ lɛŋ kwashiai, nyɛyoa sɛɛ! Ni nyɛ, buului, te be ni nyɛaale nii lɛ?

Abe̱i 28:5

Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.

Abe̱i 6:6

Hejɔ̃lɔ, yaa tsatsu ŋɔɔ, jwɛŋmɔ enifeemɔi ahe ni ole nii.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 42:20

Israel, ona nibii babaoo, shi otɛ̃jeee ohiɛ okwɛɛɛ amɛ. Otoii anaa kã nɛ, shi onuuu nii.”

Yesaia 44:18

Amɛleee nii, asaŋ amɛkɔɔɔ sane sɛɛ hu, ejaakɛ amɛhiŋmɛii eshwila ni amɛnaaa nii; ni amɛjwɛŋmɔi anaa eŋamɔ hu, ni amɛnuuu nii ashishi.

Yesaia 5:12

Amɛkɛ saŋku kɛ obenta kɛ milɛ̃ kɛ blɛ kɛ wain yeɔ amɛgbiijuji lɛ, shi amɛbuuu Yehowa, nifeemɔnii, ni amɛnãaa eninenaa nitsumɔi lɛ hu.

Yesaia 5:13

No hewɔ lɛ, abaaŋɔ miwebii lɛ nom, ejaakɛ amɛleee nii. Hɔmɔ miigbe amɛhiɛnaanɔbii lɛ, ni maŋbii babaoo baagboi kɛ kumai.

Yesaia 56:11

Gbei fulɔi ni; amɛleee mitɔ! Nɛkɛ tookwɛlɔi ni ji maŋhiɛnyiɛlɔi nɛɛ lɛ hu, amɛbɛ jwɛŋmɔ; amɛ fɛɛ amɛkɔlɔ amɛgbɛ, mɔ fɛɛ mɔ miifo ekome enɔ mli.

Yeremia 10:14

Gbɔmɔ fɛɛ gbɔmɔ lɛ kwashia ni leee nii ni; shikaŋaalɔ fɛɛ shikaŋaalɔ hiɛ shwieɔ shi yɛ emãgã hewɔ, ejaakɛ emãgãi ni eshwie lɛ apasa ni; ni wala mumɔ bɛ amɛmli.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

Yeremia 35:16

Rekab bi Yonadab shwiei lɛ eye kitã ni amɛtsɛ lɛ wo amɛ lɛ nɔ; shi nyɛ maŋ nɛɛ nyɛbooo mi toi.

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 50:6

“Mimaŋbii lɛ tamɔ toi ni elaaje; amɛnɔkwɛlɔi lɛ ehã amɛdu gbɛ, amɛkpala amɛ kɛnyiɛ gɔji anɔ, amɛkɛ amɛ ejɛ gɔŋ wulu nɔ kɛtee gɔŋ bibioo nɔ, ni shĩagbɛ elaaje amɛ.

Yeremia 8:7

Klitso ni ji loofɔlɔ ni yɔɔ ŋwɛi tete le be ni esa akɛ eku esɛɛ eba; nakai nɔŋŋ kosɛɛ okpo hu kɛ nyɔŋmɔbitɛte kɛ kpokukpoku fɛɛ le amɛbaabe; shi mimɛi lɛ leee mi, Yehowa, mimlai lɛ.

Ezekiel 16:30

Bɔ ni Nuŋtsɔ Yehowa kɛɛ nɛ, “Kwɛ bɔ ni akɔnɔ eyi otsuiŋ obɔ̃, ni okɛbɔɔ ajwamãŋ, ni ohiɛ gbooo he;

Daniel 9:11

Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Mateo 13:19

Mɔ fɛɛ mɔ ni nuɔ maŋtsɛyeli lɛ he wiemɔ lɛ ni eyooo sɛɛ lɛ, mɔ fɔŋ lɛ baa bashaa nɔ ni adu yɛ etsui mli lɛ. Mɔ nɛ ji gbɛ he he ni adu wu lɛ yɛ lɛ.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

2 Petro 3:5

Kwa amɛkwaa amɛ jieɔ amɛhiɛ yɛ enɛ nɔ akɛ ŋwɛi yɛ kɛjɛ blema beebe, ni shikpɔŋ hu jɛ nu mli, ni etsɔ̃ nu mli ebama shi yɛ Nyɔŋmɔ wiemɔ naa;