Yeremia 7:9 - ŊMALƐ KRƆŊKRƆŊ LƐ

⁹ Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Ṅmãle̱ Kroṅkroṅ Le̱

⁹ Aso nyeadšu, nyeaye awui, nyeafite gblã, nyeakãmo̱ apasa kitãi, ni nyeate nyeyašã tšofã-ke̱-ṅma nyehã Baal, ni nyeayanyie nyoṅmo̱i krokomei ní nyelee le̱ ase̱,

Yeremia 7:9 ပူးပေါင်းရင်းမြစ်များ

Yeremia 7:6

kɛji nyɛyeee gbɔ loo awusã loo okulafo amim, ni nyɛshwieee mɔ ko ni efeko nɔ ko lá shi yɛ shikpɔŋ nɛɛ nɔ yɛ biɛ lɛ, ni nyɛyajaaa nyɔŋmɔi krokomɛi nyɛkɛfeee nyɛ diɛŋtsɛ nyɛhe efɔŋ lɛ,

2 Mose 20:3

“Kaana nyɔŋmɔi krokomɛi yɛ misɛɛ.

Yeremia 11:17

“Naa, Yehowa, Taiatsɛ, mɔ ni batɛo bo yɛ biɛ lɛ ewie efɔŋ eshi bo, ejaakɛ Israelbii kɛ Yudabii efee nɔ fɔŋ, no ji akɛ amɛshã tsofakɛŋma amɛhã Baal amɛkɛwo mimli la.”

Yeremia 11:13

Ao! Yuda, onyɔŋmɔi lɛ ayi efa tamɔ omaji lɛ ayifalɛ, ni bɔ ni gbɛjegbɛi ni yɔɔ Yerusalɛm maŋ lɛ mli lɛ fa lɛ, nakai nyɛmamɔ afɔleshãa latɛi nyɛkɛfeɔ hiɛgbejianii, no ji nyɛkɛshãa tsofakɛŋma nyɛhãa Baal.

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Romabii 2:2

Shi wɔle akɛ Nyɔŋmɔ kojomɔ ni baa mɛi ni tsuɔ nakai nii lɛ anɔ lɛ ja.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Zefania 1:5

Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

Ezekiel 18:18

Shi etsɛ lɛ, akɛni etswaa ojo, ni ejuɔ enyɛmi, ni efeɔ nɔ ni ehiii yɛ emaŋbii ateŋ lɛ hewɔ lɛ, lɛ lɛ, gbo eeegbo yɛ ehe eshai lɛ ahewɔ.

Yeremia 44:3

yɛ nifɔɔjianii ni amɛfee amɛkɛwo mimli la lɛ hewɔ. Ejaakɛ amɛtee, ni amɛyashãshãa tsofakɛŋma, ni amɛsɔ̃mɔ nyɔŋmɔi ni amɛ kɛ nyɛ kɛ nyɛtsɛmɛi lɛ fɛɛ leee.

Yeremia 32:29

Babilonbii ni ebatua maŋ lɛ baana abote maŋ lɛ mli, ni amɛbaama maŋ lɛ naa la koni amɛshã. Amɛbaashã shĩai ni maŋbii lɛ shã tsofakɛŋma yɛ amɛyiteiaŋ amɛkɛhã Baal, asaŋ ni amɛfɔse wain hu amɛshwie shi akɛ afɔle yɛ jɛi amɛhã nyɔŋmɔi krokomɛi, ni amɛkɛ nakai feemɔ wo mimli la lɛ.

Yeremia 13:10

Nɛkɛ gbɔmɛi nɛɛ efee amɛhe gbɔmɛi fɔ̃ji ni booo miwiemɔi toi. Amɛkɛ kuɛŋtimɔ feɔ nɔ ni amɛ diɛŋtsɛ amɛsumɔɔ, ni amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ moŋ. No hewɔ lɛ, amɛbaatsɔ̃ tamɔ hɛŋmɔɔ bo nɛɛ ni ehiii hãaa nɔ ko nɔ ko feemɔ dɔŋŋ lɛ.

Kojolɔi 5:8

Amɛhala nyɔŋmɔi hei, kɛkɛ ni ta shɛ agboi lɛ anaa, Anãaa tsɛŋ loo akplɔ ko yɛ hii akpei nyɔŋmai ejwɛ dɛŋ yɛ Israel.

5 Mose 32:17

Amɛshã afɔlei amɛhã nyɔŋmɔi ni jeee nɔ ko nɔ ko, nyɔŋmɔi ni amɛleee, kɛ nyɔŋmɔi hei ni akɛba etsɛko, nii ni nyɛtsɛmɛi lɛ sheko amɛ gbeyei dã.

Yesaia 1:13

Nyɛkɛ nyɛyakayaka afɔlei akabaa dɔŋŋ; amɛhe bɛ sɛɛnamɔ. Miihi tsofakɛŋma ni ashãa lɛ kɛ nyɔŋ hee gbii juji lɛ, kɛ hejɔɔmɔ gbi kɛ gwai ni nyɛbɔɔ lɛ. Eshai efite gbii juji ni nyɛyeɔ lɛ, no hewɔ lɛ, mitaooo.

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yeremia 1:16

Mibagbala miwebii lɛ atoi yɛ amɛnifɔ̃ɔjianii lɛ hewɔ akɛni amɛkwa mi, ni amɛyashã tsofakɛŋmai amɛhã nyɔŋmɔi krokomɛi, ni amɛkɛ amɛniji efee amãgãi, ni amɛja amɛ.

Yeremia 5:7

“Te aaafee tɛŋŋ manyɛ mikɛfa bo hu? Obii lɛ kwa mi, ni amɛtsɛɔ nibii ni jeee nyɔŋmɔi amɛkɛkãa kitã. Kɛji mihã amɛ nii amɛye ni amɛtɔrɔ lɛ, kɛkɛ lɛ amɛje mi, amɛwu lɛ, sɛɛ amɛtee ajwamãŋi awe.

Yeremia 18:15

Shi mi lɛ, mimaŋ lɛ hiɛ ekpa minɔ, ni amɛshãa tsofakɛŋma amɛhãa yaka nyɔŋmɔi. Amɛtɛrɛtɛrɛɛ yɛ blema gbɛ ni amɛnyiɛ nɔ lɛ nɔ, ni amɛje tɛmpɔŋ lɛ nɔ kɛyanyiɛ nane gbɛi anɔ.

Yeremia 19:4

Ejaakɛ maŋbii lɛ ekwa mi, ni amɛkɛ tsofakɛŋma ni amɛshãa amɛhãa nyɔŋmɔi krokomɛi ni amɛ kɛ amɛtsɛmɛi kɛ Yuda maŋtsɛmɛi fɛɛ tete hu leee lɛ ebule maŋ lɛ; asaŋ amɛfɔse mɛi ni efeko nɔ ko fɔŋ lɛ alá amɛshwie biɛ obɔ̃.

Yeremia 44:8

Mɛɛba nyɛkɛ nyɛninenaa nitsumɔi woɔ mimli la? Nyɛshãa tsofakɛŋma nyɛhãa nyɔŋmɔi krokomɛi yɛ Ijipt shikpɔŋ nɔ he ni nyɛba nyɛbato gbɔ yɛ lɛ ni nyɛhiɛ akpãtã bɔ ni afee ni jeŋ majimaji lɛ abɔ nyɛ ahora, ni atsɛ nyɛ gbɛi akɛlomɔ lo?

Yeremia 44:9

Ani nyɛhiɛ ekpa nibii fɔ̃ji ni nyɛtsɛmɛi lɛ kɛ Yuda maŋtsɛmɛi lɛ kɛ amɛŋamɛi lɛ kɛ nyɛ diɛŋtsɛ hu nyɛŋamɛi lɛ feefee yɛ Yerusalɛm blohui lɛ amli lɛ anɔ lo?

Yeremia 48:35

Mi, Yehowa, miikɛɛ akɛ mibahã mɔ fɛɛ mɔ ni shãa afɔle yɛ hei grɔŋgrɔŋŋ lɛ kɛ mɔ ni shãa tsofakɛŋma hãa Moab nyɔŋmɔi lɛ akpa feemɔ.

Ezekiel 5:11

“Asaŋ gbii abɔ ni mihiɛ kã nɛɛ, akɛni okɛ taŋtaŋnii lɛ fɛɛ kɛ musubɔɔnii lɛ fɛɛ ebule mihekrɔŋkrɔŋ lɛ nɛɛ, hewɔ lɛ makpãtã ohiɛ; mikuŋ mihiɛ mifɔŋ nɔ ko nɔ ko nɔ; ni minaŋ bo mɔbɔ.” Nuŋtsɔ Yehowa kɛɛ.

Ezekiel 23:39

Ejaakɛ gbi ni amɛgbe amɛbii lɛ amɛhã amɛwɔji lɛ, nakai gbi lɛ nɔŋŋ amɛbabule mihe krɔŋkrɔŋ lɛ; ni nakai nɔŋŋ amɛbafee miwe lɛ.

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Amos 4:5

Nyɛkɛ ma ni esha abashãa shidaa fɔlei lɛ, ni nyɛshiɛa kɛfoa shi akɛ nyɛshãa tsuijurɔ naa afɔlei hu, ejaakɛ nakai feemɔ ji nɔ ni ŋɔɔ nyɛnaa. Nuŋtsɔ Yehowa kɛɛ.

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Ezekiel 20:30

No hewɔ lɛ, kɛɛmɔ Israel we lɛ akɛ, bɔ ni Nuŋtsɔ Yehowa kɛɛ nɛ, ani nyɛaabule nyɛhe tamɔ nyɛtsɛmɛi lɛ fee lɛ; ani nyɛaanyiɛ amɛmusubɔɔnii lɛ asɛɛ ni nyɛdu gbɛ?