Yeremia 5:3 - ŊMALƐ KRƆŊKRƆŊ LƐ

³ Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Ṅmãle̱ Kroṅkroṅ Le̱

³ Iehowa, ani dšee ano̱kwayeli he ohĩṅme̱ii kã? *Otſiaame̱ nii, ši ewaa amehe; oplenēame̱, ši ame̱kplẽẽ tšo̱semo̱; †ame̱wadše ame̱hĩeaṅ fè te̱sā; ame̱kplẽẽ kpalemo̱ kwrā. *2,30. †Ies. 48,4.

Yeremia 5:3 ပူးပေါင်းရင်းမြစ်များ

1 Mose 19:34

Enɔ jetsɛremɔ leebi lɛ biyoo nukpa lɛ kɛɛ enyɛmi gbekɛ lɛ akɛ, “Naa, nyɛ nyɔɔŋ lɛ mikɛ mitsɛ yawɔ; hã ni wɔhã lɛ wain enu gbɛkɛ nɛɛ hu koni bo hu oya okɛ lɛ ayawɔ koni wɔkɛ wɔtsɛ afɔ bii.”

1 Maŋtsɛmɛi 13:33

Enɛɛmɛi fɛɛ asɛɛ lɛ Israel Maŋtsɛ Yeroboam efɔ̃ɔɔ efɔŋ ni efeɔ lɛ feemɔ, shi moŋ eŋɔ mɛi komɛi kɛkɛ, ni ewo amɛ hei grɔŋŋi jamɔhei lɛ osɔfoi. Mɔ fɛɛ mɔ ni sumɔɔ akɛ eye osɔfo lɛ, ewoɔ lɛ osɔfo.

2 Maŋtsɛmɛi 1:13

Maŋtsɛ lɛ saa etsu asafoiatsɛ kroko hu kɛ emɛi nyɔŋmai enumɔ hu, nɔ ni ji shii etɛ̃ nɔ. Ni mɛi nyɔŋmai enumɔ nɔ asafoiatsɛ lɛ kwɔ kɛtee gɔŋ lɛ nɔ. Etee eyakula shi yɛ enakutsei anaa yɛ Elia hiɛ, ni ekpa lɛ fai, ni ekɛɛ lɛ akɛ, “Ao, Nyɔŋmɔ gbɔmɔ, miikpa bo fai, naa mi kɛ otsuji nɛɛ mɔbɔ.

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

2 Kronika 28:22

Shi efimɔ be nɛɛ mli lɛ Maŋtsɛ Ahaz kã he moŋ egbo Yehowa nɔ toi fe tsuutsu lɛ.

Lalai 51:6

Naa, nɔ ni otaoɔ yɛ midɛŋ ji anɔkwayeli; no hewɔ lɛ, hã male nii yɛ mimligbɛ tɔ̃ɔ.

Lalai 51:8

Hã manu nyamɔ kɛ miishɛɛ he; hã wui ni bo okumɔ lɛ amli afili amɛ.

Lalai 55:20

Mitsutsu naanyo lɛ ewo enine nɔ yɛ enanemɛi anɔ; ni eku eshiwoo lɛ mli.

Abe̱i 21:29

Mɔ fɔŋ kwaa ehãhãa ehiɛ, shi jalɔ toɔ egbɛjianɔ pɛpɛɛpɛ.

Abe̱i 22:12

Yehowa hiŋmɛii baa nilee yi; shi amalelɔi awiemɔi lɛ ebaaa yi.

Abe̱i 23:35

Kɛfee sɛɛ lɛ nɔ ni oookɛɛ ji, “Amɛtswia mi nii, shi ewaaa mihe; amɛyi mi, shi minuuu he. Mɛɛbe mihiɛ aaatsɛ̃? Mibaya ekoŋŋ.”

Abe̱i 27:22

Kɛji okɛshi buulu yɛ fufuitso mli tamɔ ashiɔ abele tete lɛ, ebuulufeemɔ lɛ ejeŋ ehe kɔkɔɔkɔ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 42:25

No hewɔ lɛ, efɔse emlifu ni naa wa lɛ eshwie wɔnɔ, ni ehã wɔna ta joomɔ. Eshɛre la ewo wɔhe kpula, shi wɔnuuu shishi, eshã wɔ, shi no gbaaa wɔnaa.

Yesaia 48:4

Akɛni mile akɛ ofeɔ ntɛŋ, ni okuɛŋ ti tamɔ dade, ni ohiɛŋtso wa keketee tamɔ akɔɔble hewɔ lɛ,

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yeremia 15:7

Misha nyɛmli yɛ agbonaa tamɔ ashaa ŋmãa mli koni kɔɔyɔɔ abaloo nyɛ yɛ majimaji fɛɛ amli kɛya tamɔ tutuu. Migbe miwebii abii yɛ amɛhe, mikpãtã miwebii lɛ ahiɛ, ejaakɛ amɛtsakeee amɛjeŋba gbonyo lɛ.

Yeremia 17:23

Shi moŋ kɛ̃lɛ nyɛtsɛmɛi lɛ booo mi toi, ni amɛyeee nɔ; shi amɛfee amɛhe kuɛŋtilɔi ni amɛbooo mi toi koni amɛkase nii.’

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Yeremia 35:13

“Yaa ni oyakɛɛ Yudahii lɛ kɛ Yerusalɛmbii lɛ akɛ mi, Yehowa Taiatsɛ, Israel Nyɔŋmɔ lɛ, miibi akɛ, ‘Aso nyɛkpɛlɛŋ tsɔsemɔ koni nyɛbo miwiemɔ lɛ toi?’

Yeremia 44:10

Ni kɛbashi ŋmɛnɛ gbi nɛɛ lɛ, nyɛbako nyɛhe shi, ni nyɛsheko gbeyei, ni asaŋ nyɛbako nyɛjeŋ yɛ mlai kɛ akpɔi ni miwo nyɛ kɛ nyɛtsɛmɛi lɛ anaa.

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Yeremia 7:28

No hewɔ lɛ, kɛɛmɔ amɛ akɛ, ‘Nyɛtsɔ̃ nyɛhe maŋ ni booo Yehowa, nyɛNyɔŋmɔ lɛ toi, ni nyɛkpɛlɛ̃ɛɛ tsɔsemɔ. Anɔkwale egbo yɛ nyɛteŋ, atsiii tã dɔŋŋ po.’ ”

Yeremia 8:5

Mɛni hewɔ mɔ, ni gbɔmɛi nɛɛ egba afã, ni amɛka jɛi kwraa nɛɛ? Amɛhiɛ shishiumɔ mli kpɛŋŋ, ni amɛkpɛlɛ̃ɛɛ kpalemɔ.

Ezekiel 2:4

Maŋbii lɛ akuɛŋ ti, ni amɛbuuu mi hu. Miitsu bo amɛŋɔɔ ni oyakɛɛ amɛ akɛ, ‘Bɔ ni mi, Nuŋtsɔ Yehowa, mikɛɛ nɛ;

Ezekiel 24:13

Ohiɛkɔ̃ɔ kɛ mujinii lɛ no ji ŋkanale lɛ. Akɛni kulɛ mitsuu ohe ni ohe atse shi ohe tseee hewɔ lɛ, hii shi yɛ ohe muji lɛ mli kɛyaashi beyinɔ ni matɔ mihe owele, ni mimii aaashɛ mihe.

Daniel 9:13

Nɛkɛ efɔŋ nɛɛ eba wɔnɔ tamɔ bɔ ni aŋma yɛ Mose Mla lɛ mli lɛ. Kɛ̃lɛ wɔkpako bo Yehowa fai, ni wɔkpaleko kɛjeko wɔnifɔ̃ɔjianii lɛ ahe, ni wɔboko anɔkwale wiemɔ lɛ toi.

3 Mose 26:23

“Kɛji yɛ nɛkɛ toigbalamɔ nɛɛ hu fɛɛ sɛɛ lɛ nyɛtsakeee, shi nyɛtee nɔ nyɛfee nɔ ni mitaooo lɛ,

Amos 4:10

“Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Amos 4:11

Yehowa kɛɛ akɛ, “Mikpãtã nyɛteŋ mɛi komɛi ahiɛ tamɔ mifee Sodom kɛ Gomora lɛ. Nyɛ mɛi ni nyɛyi na wala lɛ, nyɛtsɔ̃mɔ tamɔ la tso ni afã yɛ la naa; ni kɛ̃lɛ nyɛkpaleko kɛbako miŋɔɔ.

Amos 4:6

“Mi, mihã hɔmɔ ye nyɛ, ni daaŋtaa bɔ nyɛ yɛ nyɛmaji lɛ amli lɛ; aboloo hɔmɔ ye nyɛ, shi fɛɛ sɛɛ lɛ nyɛkpaleko kɛbako miŋɔɔ.” Yehowa kɛɛ.

Amos 4:8

Maji enyɔ loo etɛ̃ mli bii didãa kɛ kumai kɛyagbee maŋ ko nɔ koni amɛyatao nu ni amɛnu; shi nu ni amɛyana lɛ eyashɛɛɛ amɛnaa. Shi kɛ̃lɛ nyɛkpaleko kɛbako miŋɔɔ,” Yehowa kɛɛ.

Amos 4:9

“Mihã kɔɔyɔɔ kɛ emli dɔlɛ fã, ni eŋala nyɛŋmɔshinii, ni baalabii kpãtã nyɛbɔ̃ɔi kɛ nyɛwain tromi kɛ nyɛgbami tsei kɛ nyɛmu tsei bluublu ahiɛ; shi kɛ̃lɛ nyɛkpaleko kɛbako miŋɔɔ.” Yehowa kɛɛ.

Zefania 3:7

Mikɛɛ akɛ, ‘Anɔkwa, eeeshe mi gbeyei, ni eeekpɛlɛ̃ mitsɔsemɔ lɛ, ni ekuŋ ehiɛ efɔŋ mimlai ni miwo lɛ lɛ eko eko nɔ.’ Shi fɛɛ sɛɛ lɛ babaoo moŋ ni amɛfee nibii gbohiigbohii ji no.”

Romabii 2:2

Shi wɔle akɛ Nyɔŋmɔ kojomɔ ni baa mɛi ni tsuɔ nakai nii lɛ anɔ lɛ ja.

Hebribii 12:9

Asaŋ wɔyɛ heloo gbɛfaŋ tsɛmɛi ni tsɔseɔ wɔ, ni wɔbuɔ amɛ. Ani esaaa akɛ wɔba wɔhe shi fe nakai wɔhã mumɔi aTsɛ lɛ koni wɔyi ana wala?