Yeremia 4:2 - ŊMALƐ KRƆŊKRƆŊ LƐ

² ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Ṅmãle̱ Kroṅkroṅ Le̱

² ni *ookã kitã ye̱ ano̱kwale ke̱ kodšomo̱ ke̱ dšale̱ mli ake̱: Gbĩĩabo̱ ní Iehowa hĩe kã ne̱! ni no le̱ dšeṅmãdši aadšō̱dšō̱ ame̱he ye̱ emli, ni le noṅṅ eno̱ ame̱aſã ame̱fõ. *12,13. Ies. 65,16.

Yeremia 4:2 ပူးပေါင်းရင်းမြစ်များ

Yesaia 65:16

Koni mɔ fɛɛ mɔ ni baa jɔɔmɔ aha ehe yɛ shikpɔŋ lɛ nɔ lɛ, anɔkwa Nyɔŋmɔ lɛ ajɔɔ lɛ; ni mɔ fɛɛ mɔ ni kãa kitã yɛ shikpɔŋ, akã anɔkwa Nyɔŋmɔ lɛ kitã, ejaakɛ mihiɛ ekpa tsuutsu haomɔi lɛ anɔ, ni aŋɔ atee yɛ mihiɛ.”

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

2 Korintobii 10:17

Shi mɔ ni shwãa lɛ, Nuŋtsɔ lɛ nɔ eshwã efɔ̃!

1 Korintobii 1:31

koni, tamɔ bɔ ni aŋma lɛ, “Mɔ ni shwãa lɛ, eshwã efɔ Nuŋtsɔ lɛ nɔ.”

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

Galatabii 3:8

Shi akɛni ŋmalɛ lɛ ena momo akɛ hemɔkɛyeli mli Nyɔŋmɔ aaabu jeŋmaji lɛ abem yɛ hewɔ lɛ, ejaje Sanekpakpa lɛ etsɔ̃ɔ Abraham eto akɛ, “Omli aaajɔɔ jeŋmaji lɛ fɛɛ yɛ.”

Yeremia 12:16

Ni kɛji be ni aaashɛ nakai be lɛ amɛkase mimɛi lɛ ajeŋba, ni amɛkɛ migbɛi aaakã kitã akɛ, ‘Mina Yehowa, tamɔ bɔ ni amɛtsɔ̃ɔ mimaŋbii lɛ Baal gbɛi kɛ kitãkãmɔ lɛ, no lɛ mibaŋɔ amɛ mashi mimɛi lɛ anɔ.’

Yesaia 45:25

Yehowa mli Israel shwiei fɛɛ aaaye bem yɛ, ni enɔ amɛaashwã amɛfɔ̃.

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

Zakaria 8:8

ni mikɛ amɛ aaaba koni amɛbahi Yerusalɛm maŋ lɛ mli, ni amɛaatsɔ̃ mimaŋ, ni matsɔ amɛNyɔŋmɔ yɛ anɔkwale kɛ jalɛ mli.” Bɔ ni Yehowa, Taiatsɛ lɛ, kɛɛ nɛ,

Yesaia 45:23

Mikɛ mi diɛŋtsɛ migbɛi ekã mihe kitã: Jalɛ wiemɔ ko eje minaa, ni ekuŋ esɛɛ efolo. Nakutso fɛɛ nakutso aaakũla mi, ni lilɛi fɛɛ lilɛi aaakã kitã akɛɛ akɛ,

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Hosea 2:19

“Israel, mibatsɛ ohe baa akɛ miŋa kɛaatee naanɔ; Maye bo anɔkwa, ni maye bo jalɛ sane, Masumɔ bo, ni mimusuŋ aaatsɔ̃ mi yɛ ohe.

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

5 Mose 4:30

“Kɛji enɛɛmɛi fɛɛ eba nyɛnɔ, ni nyɛyɛ nɔnaa mli lɛ, nakai gbii lɛ amli nyɛaakpale kɛba Yehowa nyɛNyɔŋmɔ lɛ, ŋɔɔ, ni nyɛaabo lɛ toi,

Rut Wolo Lɛ 3:13

Hii shi ni je atsɛre. Kɛji je tsɛre ni eeefee niyelɔ gbɛnaanii lɛ ehã bo lɛ, ehi; shi kɛji esumɔɔɔ akɛ efee lɛ, no lɛ gbii abɔ kɛ̃ ni Yehowa hiɛ kã nɛɛ mafee. Kã shi ni je atsɛre.”

Yeremia 3:17

Nakai be lɛ mli lɛ abaatsɛ Yerusalɛm akɛ Yehowa Maŋtsɛ Sɛi, ni majimaji bluublu aaabua amɛhe naa kɛaaba Yehowa hiɛ yɛ Yerusalɛm amɛbaja mi. Amɛkɛ kuɛŋtilɛ efeŋ nɔ ni amɛtsui fɔŋ kɛɔ amɛ lɛ dɔŋŋ.

Yeremia 7:5

“Shi moŋ kɛji nyɛtsake nyɛjeŋba kɛ nyɛnifeemɔnii lɛɛlɛŋ, kɛji nyɛkojo mɔ kɛ enaanyo teŋ yɛ jalɛ naa,

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 12:15

Shi be ni mishwie amɛ sɛɛ lɛ, mimusuŋ aaatsɔ̃ mi yɛ amɛhe, ni mibaku sɛɛ mikɛ amɛteŋ mɔ fɛɛ mɔ aba lɛ diɛŋtsɛ emaŋ kɛ eshikpɔŋ nɔ ekoŋŋ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

1 Samuel 20:3

Shi David to he ekɛɛ, “Otsɛ le faŋŋ bɔ ni osumɔɔ misane, ni no hewɔ lɛ, eyiŋtoo ji akɛ okale, no lɛ sane lɛ baadɔ bo. Mina Yehowa kɛ bo diɛŋtsɛ hu akɛ ekã shi faŋŋ akɛ mikɛ gbele teŋ jekɛɛɛ.”

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.