Yeremia 3:3 - ŊMALƐ KRƆŊKRƆŊ LƐ

³ No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Ṅmãle̱ Kroṅkroṅ Le̱

³ Nohewo le̱ atšĩ nyoṅmo̱ne̱mo̱ nā, ni gbo nyoṅmo̱ ene̱e̱; ši ohĩe yō adſamaṅ hĩeṅtšo, ni ohĩe gboo nõ.

Yeremia 3:3 ပူးပေါင်းရင်းမြစ်များ

1 Mose 19:34

Enɔ jetsɛremɔ leebi lɛ biyoo nukpa lɛ kɛɛ enyɛmi gbekɛ lɛ akɛ, “Naa, nyɛ nyɔɔŋ lɛ mikɛ mitsɛ yawɔ; hã ni wɔhã lɛ wain enu gbɛkɛ nɛɛ hu koni bo hu oya okɛ lɛ ayawɔ koni wɔkɛ wɔtsɛ afɔ bii.”

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Abe̱i 21:29

Mɔ fɔŋ kwaa ehãhãa ehiɛ, shi jalɔ toɔ egbɛjianɔ pɛpɛɛpɛ.

Yesaia 5:6

Mibahã emli atsa; akpɔlɔŋ emli tsei lɛ ahe, ni ahuŋ he; kpitikpitii kɛ ŋmeii baatsa yɛ mli. Mibawo atatui lɛ kitã akɛ amɛkanɛ nu amɛshwie nɔ.”

Yeremia 14:1

Wiemɔ ni Yehowa kɛ Yeremia wie yɛ nu hɔmɔ he nɛ,

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Yeremia 14:3

Emaŋ abladei lɛ tsuɔ amɛtsuji lɛ faŋŋ; amɛyashɛɔ nubui lɛ anaa, shi amɛnaaa nu; ni amɛkuɔ amɛsɛɛ kɛbaa; kɛ amɛgbɛi foji; amɛhiɛ gboiɔ, amɛluɔ ni amɛhaa amɛyiteiaŋ.

Yeremia 14:4

Akɛni nu enɛɛɛ, ni shikpɔŋ egbi keketee hewɔ lɛ, okwaafoi ahiɛ egboi; no hewɔ lɛ, amɛkɛ amɛnine etsi amɛhiɛ.

Yeremia 36:2

“Kɔ wolo kpo ko koni oŋmã wiemɔi fɛɛ ni mikɛ bo ewie yɛ Israel kɛ Yuda kɛ maji krokomɛi fɛɛ ahe, kɛjɛ Yosia yinɔ aahu kɛbashi ŋmɛnɛ lɛ, owo mli.

Yeremia 5:24

Amɛkɛɛɛ amɛhe akɛ, ‘Nyɛhãa wɔshea Yehowa, wɔNyɔŋmɔ lɛ, gbeyei, lɛ mɔ ni ehãa nu nɛɔ Gbo kɛ Agbiɛnaa yɛ ebe mli hãa wɔ lɛ, ni ehãa nikpamɔ bei baninaa wɔ lɛ.’

Yeremia 5:25

Nyɛnishaianii lɛ ehã enɛɛmɛi fɛɛ eŋmɛɛ nyɛ, ni nyɛhe eshai lɛ ehã nɔ kpakpa ebɔ nyɛ.

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Yeremia 6:15

Kɛji amɛfee nihiinii lɛ, ani amɛhiɛ gboɔ he? Dabida, amɛhiɛ gbooo he ekome folo nɛkɛ; amɛhiɛgbele tɔ ejwa. No hewɔ lɛ, be mli ni mibagbala miwebii lɛ atoi lɛ, amɛbaafata mɛi ni baanyɔnyɔi lɛ ahe. No baafee amɛnaagbee. Mi, Yehowa, mikɛɛ.”

Yeremia 8:12

Ani kɛji amɛfee musubɔɔnii lɛ, efeɔ amɛ hiɛgbele? Dabida! Efeee amɛ hiɛgbele kome folo nɛkɛ, ejaakɛ amɛhiɛgbele tɔ ejwa. Be mli ni mibagbala amɛtoi lɛ, abaabutu amɛ, ni amɛbaafata mɛi ni baanyɔnyɔi lɛ ahe. Mi, Yehowa, mikɛɛ.”

Yeremia 9:12

Kɛkɛ ni mibi akɛ, “Nuŋtsɔ mɛɛ hewɔ ni shikpɔŋ lɛ hiɛ ekpãtã, ni etsɔ̃ shiaŋa ni mɔ ko mɔ ko tsɔ̃ɔɔ nɔ kɛhooo nɛɛ? Namɔ ji nilelɔ ni aaanu enɛ shishi? Namɔ ji mɔ ni bo Yehowa ojie otsɔ̃ɔ lɛ, ni egba?”

Ezekiel 3:7

Shi Israel we lɛ boŋ bo toi, ejaakɛ amɛsumɔ̃ɔɔ akɛ amɛboɔ mi toi; ejaakɛ Israelbii lɛ akuɛŋ ti ni amɛtsui hu wa.

3 Mose 26:19

ni maku nyɛhe ni nyɛwoɔ kɛ kuɛŋtilɛ lɛ naa, ni mahã ŋwɛi agbi tamɔ dade, ni nyɛshikpɔŋ lɛ hu nɔ aaagbi tamɔ akɔɔble,

Amos 4:7

“Asaŋ be ni eshwɛ nyɔji etɛ̃ ni akɛkpaa ŋmɔshinii lɛ tete mihãaa nu anɛ nyɛ. Mihã nu nɛ maŋ kome ko nɔ, shi mihãaa enɛ maŋ ko hu nɔ. Nu nɛ ŋmɔ ko shi, ni nu enɛɛɛ ŋmɔ ko hu shi, no hewɔ lɛ, ŋmɔ ni enɛɛɛ mli lɛ mli nii ŋala.

Amos 4:8

Maji enyɔ loo etɛ̃ mli bii didãa kɛ kumai kɛyagbee maŋ ko nɔ koni amɛyatao nu ni amɛnu; shi nu ni amɛyana lɛ eyashɛɛɛ amɛnaa. Shi kɛ̃lɛ nyɛkpaleko kɛbako miŋɔɔ,” Yehowa kɛɛ.

Zefania 2:1

Ao, maŋ ni hiɛgbele tɔ ejwa, nyɛbuaa nyɛhe naa, ni nyɛsusua nyɛhe,

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Hagai 1:11

No hewɔ mihã nuhɔmɔ eba shikpɔŋ lɛ kɛ gɔji lɛ anɔ, ni esa abele kɛ wain kɛ mu kɛ nibaanii fɛɛ kɛ gbɔmɛi kɛ kooloi kɛ ninenaa nitsumɔi fɛɛ ahe nɛɛ.”

5 Mose 28:23

Ŋwɛi ni yɔɔ oyiteŋ nɛɛ aaatsɔ̃ tamɔ akɔɔble, ni shikpɔŋ aaatsɔ̃ tamɔ dade.

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.