Yakobo 5:16 - ŊMALƐ KRƆŊKRƆŊ LƐ

¹⁶ No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

Ṅmãle̱ Kroṅkroṅ Le̱

¹⁶ Nyedšadšea nyeno̱tõmo̱i nyetšõa nyehe, ni nyeso̱lea nyehãa nyehe, ni nyehe atã, Dšalo̱ so̱lemo̱ ni mli wa le̱ nyẽo̱ nii babaō etšuo̱.

Yakobo 5:16 ပူးပေါင်းရင်းမြစ်များ

1 Mose 19:29

No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.

1 Mose 20:17

Kɛkɛ ni Abraham kpa Nyɔŋmɔ fai, ni Nyɔŋmɔ tsa Abimelek kɛ eŋa kɛ eweyei lɛ, ni amɛfɔfɔɔ bii,

1 Mose 20:7

No hewɔ lɛ, agbɛnɛ kɛ nuu lɛ ŋa lɛ aku sɛɛ oyahã lɛ ejaakɛ gbalɔ ji lɛ, ni eeesɔle ekpa fai ehã bo, ni oyi aaana wala. Shi kɛji okɛ lɛ hãaa lɛ lɛ, no lɛ na ole akɛ gbo ooogbo, bo kɛ mɛi fɛɛ ni ji onɔ lɛ.”

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

2 Samuel 19:19

ni ekpa lɛ fai ekɛɛ, “Minuŋtsɔ, ofainɛ, ni ohiɛ akpa efɔŋ ni mifee bo gbi ni oshiɔ Yerusalɛm lɛ nɔ. Kɛ onane ashushua nɔ kwraa koni okakai dɔŋŋ.

1 Maŋtsɛmɛi 13:6

Maŋtsɛ Yeroboam kɛɛ Nyɔŋmɔ gbɔmɔ lɛ akɛ, “Ofainɛ, kpa Yehowa, oNyɔŋmɔ lɛ, fai ni osɔle ohã mi koni atsa minine lɛ ahã mi ekoŋŋ.” No hewɔ lɛ, gbalɔ lɛ kpa Yehowa fai, ni atsa maŋtsɛ lɛ nine lɛ ahã lɛ, ni enine lɛ ba eblema ekoŋŋ.

2 Kronika 30:20

Yehowa bo Hezekia sɔlemɔ lɛ toi, ni ekɛfa amɛ, ni efɔŋ ko baaa amɛnɔ.

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

Lalai 34:15

Yehowa hiŋmɛi kã jalɔi ahe, ni efeɔ toi ehãa amɛblɔmɔi.

2 Mose 17:11

Kɛji Mose wo enine nɔ kɛtee ŋwɛi pɛ, kɛkɛ lɛ Israelbii lɛ anine miitsɔ̃ Amalekbii lɛ anɔ; shi kɛji Mose kɛ enine ba shi pɛ Amalekbii lɛ anine miitsɔ̃ Israelbii lɛ anɔ.

2 Mose 9:33

Kɛkɛ ni Mose shi Farao, ni eje maŋ lɛ mli hu, ni ehole eniji anɔ etsɛ Yehowa. Kɛkɛ ni ŋwɛi shiimɔ lɛ kɛ nyɔŋmɔŋtɛi lɛ asɛɛ fo, ni nu lɛ kpa shikpɔŋ lɛ nɔ nɛmɔ.

Abe̱i 15:29

Yehowa kɛ mɛi fɔ̃ji ateŋ jɛkɛ; shi eboɔ jalɔi afaikpamɔ toi.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 28:9

Mɔ ni booo mla toi ni eye nɔ lɛ, esɔlemɔ tete lɛ, nihiinii ni.

Yeremia 15:1

Kɛkɛ ni Yehowa kɛɛ mi akɛ, “Kɛji Mose kɛ Samuel tete po damɔ mihiɛ lɛ, minaŋ nɛkɛ gbɔmɛi nɛɛ ahe tsui. Shwiemɔ amɛ kɛje mihiɛ ni amɛya!

Yeremia 33:3

“Tsɛ mi, ni mahere bo nɔ, ni magba bo teemɔŋ nibii ni oleee.

Yeremia 42:2

Yeremia gbalɔ lɛ, ni amɛkɛɛ lɛ akɛ, “Ofainɛ, ni obo wɔfaikpamɔ nɛɛ toi. Kpa Yehowa, oNyɔŋmɔ lɛ, fai ohã wɔ kɛ maŋbii ni eshwɛ nɛɛ fɛɛ, ejaakɛ kulɛ wɔyi babaoo, shi wɔyi fioo nɛɛ pɛ eshwɛ bɔ ni onaa wɔ nɛɛ,

4 Mose 11:2

Kɛkɛ ni maŋbii lɛ bolɔ amɛtsɛ Mose, ni Mose kpa Yehowa fai, ni la lɛ gbo.

Mateo 21:22

Ni nɔ fɛɛ nɔ ni nyɛaasɔle nyɛbi kɛ hemɔkɛyeli lɛ, nyɛnine aaashɛ nɔ.”

Mateo 3:6

ni ebaptisi amɛ yɛ Yordan faa lɛ mli, be ni amɛjajeɔ emɛhe eshai lɛ.

Marko 1:5

Mɛi fɛɛ ni yɔɔ Yudea shikpɔŋ lɛ nɔ kɛ Yerusalɛm lɛ tee eŋɔɔ. Amɛjaje amɛhe eshai, ni abaptisi amɛ yɛ Yordan Faa lɛ mli.

Luka 9:6

Ni amɛyiŋ amɛtee ni amɛyakpa maji lɛ anɔ amɛjaje Sanekpakpa lɛ, ni amɛtsa mɛi yɛ he fɛɛ he.

Yohane 9:31

Wɔle akɛ Nyɔŋmɔ booo eshafeelɔi atoi; shi kɛji mɔ ko sheɔ lɛ gbeyei ni efeɔ esuɔmɔnaanii lɛ, eboɔ lɛ toi.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 19:18

Ni mɛi ni ehe eye lɛ ateŋ mɛi pii hu ba ni amɛbajaje amɛnifeemɔnii lɛ faŋŋ amɛtsɔ̃ɔ.

Bɔfoi 8:24

Ni Simon here nɔ ekɛɛ, “Nyɛ diɛŋtsɛ nyɛkpaa Nuŋtsɔ lɛ fai nyɛhãa mi koni nibii ni nyɛwie nɛɛ eko akaba minɔ.”

Romabii 3:10

tamɔ bɔ ni aŋma lɛ akɛ, “Jalɔ ko bɛ, mɔ kome folo bɛ;

Romabii 5:19

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

Kolosebii 1:9

Enɛ hewɔ lɛ, wɔ hu, kɛjɛ gbi nɔ ni wɔnu lɛ, wɔfɔ̃ko sɔlemɔ kɛ faikpamɔ kɛ nyɛ hãmɔ, koni nyɛyimɔ obɔ̃bɔ̃ kɛ esuɔmɔnaanii alee yɛ mumɔŋ nilee kɛ shishinumɔ fɛɛ mli.

1 Tesalonikabii 5:17

nyɛsɔlea ni nyɛkafɔa;

1 Tesalonikabii 5:23

Shi hejɔlɛ Nyɔŋmɔ lɛ diɛŋtsɛ atsuu nyɛhe kwraa kɛmɔ shi, ni eto nyɛmumɔ kɛ nyɛsusuma kɛ nyɛgbɔmɔtso muu lɛ fɛɛ ni shwamɔ ko akahi he yɛ wɔNuŋtsɔ Yesu Kristo baa be lɛ mli.

1 Tesalonikabii 5:25

Anyɛmimɛi, nyɛsɔlea nyɛhãa wɔ hu.

Hebribii 11:4

Hemɔkɛyeli Habel kɛshã afɔle ni fe Kain nɔ lɛ ehã Nyɔŋmɔ, no hewɔ hu ni aye ehe odase akɛ jalɔ ji lɛ lɛ; ejaakɛ Nyɔŋmɔ he enikeenii lɛ; ni no nɔŋŋ nɔ etsɔ̃ɔ ewieɔ lolo, tsɛ egbo.

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

Hebribii 12:13

Ni nyɛfea gbɛi ni yɔɔ trɔmɔɔ nyɛhãa nyɛnaji, koni otsɔɔlɔ nane akahwaŋ, shi moŋ atsa lɛ.

Hebribii 13:18

Nyɛsɔlea nyɛhãa wɔ; ejaakɛ wɔyɛ nɔmimaa akɛ wɔyɛ henilee kpakpa, ni wɔmiitao akɛ wɔba wɔjeŋ fɛɛfɛo yɛ nii fɛɛ mli.

Yoshua 10:12

Gbi nɔ ni Yehowa hã Israelbii lɛ ye Amorbii lɛ anɔ kunim nɛɛ lɛ, Yoshua kɛ Yehowa wie yɛ Israelbii lɛ fɛɛ ahiɛ, ni ekɛɛ akɛ, “Hulu, wa odamɔ shi yɛ Gibeon! Nyɔɔŋtsere bo hu wa yɛ Ayalon Jɔɔ lɛŋ!”

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.

1 Samuel 1:12

Ni eba mli akɛ, be ni Hana hiɛ sɔlemɔ lɛ aahu yɛ Yehowa hiɛ lɛ, Eli kwɛ enaabu.

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 12:18

Kɛkɛ ni Samuel sɔle etsɛ Yehowa, ni ehã ŋwɛi shimɔ, ni nu nɛ nakai gbi lɛ, ni maŋ lɛ fɛɛ she Yehowa kɛ Samuel gbeyei.