Yakobo 5:14 - ŊMALƐ KRƆŊKRƆŊ LƐ

¹⁴ Nyɛteŋ mɔ ko nãaa hewalɛ? Etsɛ asafo lɛ mli onukpai lɛ kɛba eŋɔɔ, ni amɛfɔ lɛ mu yɛ Nuŋtsɔ lɛ gbɛi mli ni amɛsɔle amɛhã lɛ.

Ṅmãle̱ Kroṅkroṅ Le̱

¹⁴ Ké̱ nyeteṅ moko he waale̱ le̱, étšé̱ asafo le̱ mli onukpai le̱ ke̱-ba eṅõ, ni *amé̱kpale̱ mũ ye̱ Nuṅtšo̱ le̱ gbe̱i amli ni ame̱so̱le ame̱hãle̱, *Mar. 6,13.

Yakobo 5:14 ပူးပေါင်းရင်းမြစ်များ

1 Maŋtsɛmɛi 17:21

Elia ho ekpã emli ebu gbekɛ lɛ nɔ shii etɛ̃. Kɛkɛ ni ebo waa etsɛ Yehowa ekɛɛ, “Yehowa, miNyɔŋmɔ! Miikpa bo fai; hã gbekɛ nɛɛ mumɔ akpale aba emli ekoŋŋ koni ehiɛ atsɛ̃!”

2 Maŋtsɛmɛi 4:33

No hewɔ lɛ, ebote tsu lɛ mli, ni eŋa shinaa lɛ ewo amɛyi enyɔ lɛ amɛyi, ni esɔle ekpa Yehowa fai.

2 Maŋtsɛmɛi 5:11

Shi Naaman mli fu ni eyiŋ kɛmiiya, ni ekɛɛ akɛ, “Naa, miyiŋ fɛɛ lɛ eeeje kpo kɛba miŋɔɔ ebadamɔ shi, ni eeetsɛ Yehowa eNyɔŋmɔ lɛ gbɛi, ni ekɛ enine aaahuu jɛi koni etsa kpiti lɛ.

Marko 16:18

amɛaahole onufui anɔ; ni kɛji amɛnu nɔ ko ni gbeɔ mɔ lɛ, efeŋ amɛ nɔ ko; amɛkɛ amɛniji aaashwie helatsɛmɛi anɔ, ni amɛhe aaawa amɛ.”

Marko 6:13

Ni amɛfãmɔ mumɔi fɔ̃ji pii ni amɛfɔfɔɔ helatsɛmɛi pii amu ni amɛtsa amɛ.

Bɔfoi 11:30

Ni amɛfee nakai, ni amɛkɛmaje onukpai lɛ kɛtsɔ̃ Barnaba kɛ Saul nine nɔ.

Bɔfoi 14:23

Ni amɛfãmɔ onukpai amɛto asafo fɛɛ asafo nɔ, ni amɛkɛ sɔlemɔ kɛ ŋmaahilɛ tu amɛ amɛwo Nuŋtsɔ, mɔ nɔ ni amɛhe amɛye lɛ dɛŋ.

Bɔfoi 15:4

Ni be ni amɛshɛ Yerusalɛm lɛ, asafo lɛ kɛ bɔfoi lɛ kɛ onukpai lɛ here amɛ atuu, ni mɛi ni atsu lɛ gba amɛ nibii ni Nyɔŋmɔ kɛ amɛ etsu lɛ fɛɛ.

Bɔfoi 28:8

Eba mli akɛ Publio tsɛ kã shi kɛ atridii kɛ fɔ kɛ la wamɔ; ni Paulo tee eŋɔɔ, ni esɔle ekɛ eniji shwie enɔ ni etsa lɛ.

Bɔfoi 9:40

Ni Petro shwie amɛ fɛɛ kɛje kpo, ni ekula shi esɔle, ni etsɔ̃ ehiɛ ehã gbonyo lɛ ni ekɛɛ, “Tabita, tee shi!” Ni egbele ehiŋmɛii, ni be ni ena Petro lɛ, ete shi eta shi.

Tito 1:5

Enɛ hewɔ mishi bo yɛ Kreta, koni oto nii ni eshwɛ lɛ gbɛjianɔ pɛpɛɛpɛ, ni owowoo onukpai yɛ maŋ fɛɛ maŋ mli, tamɔ bɔ ni mikɛɛ bo momo lɛ.