Yakobo 4:9 - ŊMALƐ KRƆŊKRƆŊ LƐ

⁹ Nyɛwerɛ ahoa nyɛhe ni nyɛyea ŋkɔmɔ ni nyɛfoa. Nyɛŋmɔlɔ lɛ atsɔ̃ ŋkɔmɔyeli, ni nyɛmiishɛɛ hu atsɔ̃ gbliniifeemɔ.

Ṅmãle̱ Kroṅkroṅ Le̱

⁹ Nyew̌ere̱ ahoa nyehe ni nyeyea ṅko̱mo̱ ni nyefōa; nyeṅmlõ le̱ atšõ ṅko̱mo̱yeli, ni nyemīše̱ hũ atšō hĩešiſiemo̱.

Yakobo 4:9 ပူးပေါင်းရင်းမြစ်များ

Nehemia 8:9

Kɛkɛ ni Nehemia ni ji amralo lɛ kɛ Osɔfo Ezra ni ji woloŋmalɔ lɛ kɛ Levibii ni tsɔ̃ɔ maŋ lɛ nii lɛ kɛɛ maŋ muu lɛ fɛɛ akɛ, “Ŋmɛnɛ gbi nɛɛ gbi krɔŋkrɔŋ ni hã Yehowa, nyɛNyɔŋmɔ lɛ. No hewɔ lɛ, nyɛkayea ŋkɔmɔ, ni nyɛkafoa hu!” Amɛkɛɛ maŋ lɛ nɛkɛ, ejaakɛ be ni maŋ lɛ nu Mla lɛ mli wiemɔi lɛ, amɛ fɛɛ amɛfo.

Hiob 30:31

Mikpãa saŋku lɛ gbɛɛmɔ etsɔ̃ ŋkɔmɔyeli, ni mibɛlɛ gbɛɛmɔ etsɔ̃ yaafolɔi agbee.

Lalai 119:136

Mihiŋmɛiŋ yaafonu hoɔ tamɔ faa, ejaakɛ ayeee omlai lɛ anɔ.

Lalai 119:67

Midu gbɛ dani agbala mitoi lɛ, shi agbɛnɛ lɛ, mibo owiemɔ lɛ toi.

Lalai 119:71

Ehi akɛ agbala mitoi, koni makase okpɔi lɛ.

Abe̱i 14:13

Ŋmɔlɔ mli tete lɛ, tsui werɛ hoɔ ehe; ni miishɛɛ naagbee lɛ ŋkɔmɔyeli baa.

Jajelɔ 2:2

Mikɛɛ yɛ ŋmɔlɔ he akɛ, “Sɛkɛyeli ni”; ni mikɛɛ yɛ miishɛɛ hu he akɛ, “Mɛɛ sɛɛnamɔ yɔɔ he?”

Yeremia 31:13

Kɛkɛ lɛ oblayei lɛ baajo kɛ nyamɔ, ni oblahii kɛ hiimeji amii aaashɛ amɛhe. Mibahã amɛkɔmɔyeli atsɔ̃ mliflimɔ; mibashɛje amɛmii, ni yɛ awerɛho najiaŋ lɛ mahã amɛnya.

Yeremia 31:9

Amɛbaaba kɛ yaafo kɛ faikpamɔ ni mibakpala amɛ kɛku sɛɛ kɛba. Mibahã amɛnyiɛ fai atoii kɛ gbɛ trɔmɔɔ nɔ, he ni amɛtɛrɛŋ yɛ. Ejaakɛ Israel Tsɛ ji mi, ni mikromɔbi ji Efraim.

Yāfó 5:15

Wɔtsuiiaŋ miishɛɛ fɛɛ sɛɛ efo, ni joo ni wɔjoɔ lɛ etsɔ̃ ŋkɔmɔyeli.

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Ezekiel 7:16

Shi kɛji hiɛkãalɔi komɛi aaaje mli lɛ, amɛaayahi gɔji lɛ anɔ tamɔ okpoi ni jɛ jɔɔ mli. Mɔ fɛɛ mɔ baaye ehe esha he ŋkɔmɔ.

Mateo 21:41

Amɛkɛɛ lɛ akɛ, “Eeekpãtã gbɔmɛi fɔ̃ji nɛɛ ahiɛ butuu, ni ekɛ waintrom lɛ aaahã hulɔi krokomɛi apaayeli, mɛi ni kɛ yibii aaabahã lɛ yɛ be ni sa mli.”

Mateo 5:4

“Ajɔɔ mɛi ni yeɔ ŋkɔmɔ lɛ; shi aaashɛje amɛmii.”

Luka 16:25

Shi Abraham kɛɛ, ‘Mibi, kaimɔ akɛ bo lɛ oye ejurɔ yɛ owalabe mli, shi Lazaro na nɔ; shi agbɛnɛ aashɛje emii yɛ biɛ, ni bo lɛ, aapiŋ bo.

Luka 6:21

“Ajɔɔ nyɛ mɛi ni hɔ̃mɔ yeɔ nyɛ amrɔ nɛɛ; ejaakɛ nyɛaatɔrɔ. Ajɔɔ nyɛ mɛi ni nyɛfoɔ amrɔ nɛɛ; ejaakɛ nyɛaaŋmɔ.

Luka 6:25

“Kpoo hã nyɛ mɛi ni nyɛtɔrɔ amrɔ nɛɛ! Ejaakɛ hɔ̃mɔ aaaye nyɛ. “Kpoo hã nyɛ mɛi ni nyɛŋmɔɔ amrɔ nɛɛ! Ejaakɛ nyɛaaye ŋkɔmɔ ni nyɛaafofoi.