Yakobo 4:8 - ŊMALƐ KRƆŊKRƆŊ LƐ

⁸ Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Ṅmãle̱ Kroṅkroṅ Le̱

⁸ *Nyetšia nyebe̱ṅke̱a Nyoṅmo̱, ni eetši eebe̱ṅke̱nye. †Nyetšũa nyenidši ahe, nye ešafelo̱i, ni nyehãa nyetšuii ahe atšea, nye dſẽṅmo̱i enyo̱nyo̱tše̱mei. *Zak 1,3. †Ies 1,18.

Yakobo 4:8 ပူးပေါင်းရင်းမြစ်များ

1 Mose 18:23

Kɛkɛ ni Abraham tsi ebɛŋkɛ Yehowa ni ekɛɛ akɛ, “Ani oookpãtã jalɔ kɛ gbɔmɔ fɔŋ fɛɛ hiɛ shi kome lo?

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

Hiob 16:17

tsɛbelɛ mikɛ minine yeko awui ko, ni misɔleɔ mikpaa Nyɔŋmɔ fai kɛ tsui krɔŋŋ.

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Hiob 9:30

Kɛji miju mihe kɛ snoo nu, ni mifɔ midɛ̃ hu kɛ samla lɛ,

Lalai 119:113

Jwɛŋmɔ enyɔnyɔɔnyɔtsɛmɛi lɛ miihi amɛ; shi misumɔɔ omla lɛ.

Lalai 145:18

Yehowa bɛŋkɛ mɛi fɛɛ ni tsɛɔ lɛ lɛ; ebɛŋkɛɔ mɛi fɛɛ ni tsɛɔ lɛ yɛ anɔkwale mli lɛ.

Lalai 18:20

Yehowa to mi najiaŋ yɛ mijalɛ lɛ naa; ejuro mi, ejaakɛ muji ko bɛ mihe.

Lalai 24:4

Mɛi ni amɛdɛŋ bɛ esha ko ni amɛtsuii amli tse. Mɛi ni kɛ amɛgbɔmɔtsei hãaa yakayaka nifeemɔ, ni amɛkãaa amale kitã.

Lalai 26:6

Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

Lalai 51:10

Oo Nyɔŋmɔ, bɔɔ tsui ni mli tse ohã mi; dromɔ mi mumɔ hee ni gbugbãaa.

Lalai 73:13

Yakatswaa po mihiɛ mitsuiŋ keŋkeŋ, ni miwooo miniji ahe muji kɛ efɔŋfeemɔ ko lɛ.

Lalai 73:28

Shi mi lɛ, Nyɔŋmɔ masɛi hilɛ hi hã mi. Mikɛ Nuŋtsɔ Nyɔŋmɔ lɛ efee mibobaahe, bɔ ni afee ni magba onitsumɔi lɛ fɛɛ.

Yesaia 13:15

Mɔ fɛɛ mɔ ni aaana lɛ lɛ, aaatsu lɛ nɔ, ni mɔ fɛɛ mɔ ni aaamɔ lɛ lɛ, eeenyɔ yɛ klante naa.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yeremia 4:11

Be miiba be ni abaakɛɛ gbɔmɛi nɛɛ kɛ Yerusalɛmbii fɛɛ akɛ, “Kɔɔyɔɔ ko ni mli edɔ la efã kɛjɛ shiaŋa kɛ gɔji kɛ amɛyiteiaŋ kplanai lɛ anɔ; eeba ebashwie miwebii lɛ anɔ. Eeba koni ebasha ŋmaa mli tutuu eshwie koni ŋmaa lɛ he atse.

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Yāfó 3:57

Be ni mitsɛ bo lɛ, otsi obɛŋkɛ, ni okɛɛ akɛ, ‘Kaashe gbeyei!’

Ezekiel 18:31

Nyɛkpaa efɔŋ fɛɛ efɔŋ ni nyɛfee nyɛshi mi lɛ feemɔ, ni nyɛtsakea nyɛtsuiiaŋ ni nyɛnaa mumɔ hee. Ao, Israelbii, shi mɛɛba ni nyɛaagboi?

Zakaria 1:3

No hewɔ lɛ, kɛɛmɔ amɛ akɛ bɔ ni mi Yehowa, Taiatsɛ lɛ, mikɛɔ amɛ nɛ, ‘Nyɛkpalea kɛbaa miŋɔɔ ni mi hu makpale kɛba nyɛŋɔɔ, mi Yehowa, Taiatsɛ lɛ, mikɛɛ.

Maleaki 3:7

Nyɛgba afã yɛ mikpɔi lɛ agbɛfaŋ, tamɔ nyɛtsɛmɛi lɛ hu fee kɛjɛ blema lɛ, ni nyɛyeee amɛnɔ. Nyɛkpalea kɛbaa miŋɔɔ, ni mi hu mibakpale kɛba nyɛŋɔɔ.” Yehowa kɛɛ. “Shi nyɛbiɔ akɛ, ‘Mɛɛ gbɛ nɔ wɔɔtsɔ̃ wɔkpale?’

Mateo 12:33

“Nyɛhãa tso lɛ afea tso kpakpa, ni ewo yibii kpakpai; aloo nyɛhãa afea tso gbonyo, ni ewo yibii gbohii; ejaakɛ tso yibii akɛleɔ tso.

Mateo 15:2

“Mɛɛ hewɔ ni okaselɔi lɛ tɔ̃ɔ onukpai lɛ ablema tsɔ̃ɔmɔi lɛ anɔ lɛ? Ejaakɛ amɛfɔɔɔ amɛdɛ̃ dani amɛyeɔ nii.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

1 Timoteo 2:8

No hewɔ lɛ, miitao akɛ hii asɔle yɛ he fɛɛ he ni amɛhole niji ni he tse nɔ ni mlifu loo naataamɔ akaba mli.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Hebribii 7:19

ejaakɛ Mla lɛ hãaa nɔ ko nɔ ko aye emuu, shi agbɛnɛ ahã hiɛnɔkãmɔ ni hi fe no eba, nɔ nɔ ni wɔtsɔ̃ɔ wɔbɛŋkɛɔ Nyɔŋmɔ.

Yakobo 1:8

jwɛŋmɔi enyɔnyɔɔnyɔtsɛ ko fiii shi yɛ egbɛ ko gbɛ ko nɔ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.

1 Samuel 14:35

Ni Saul mã afɔleshãa latɛ yɛ jɛi ehã Yehowa. No ji klɛŋklɛŋ afɔleshãa latɛ ni Saul mã ehã Yehowa.