Yakobo 4:6 - ŊMALƐ KRƆŊKRƆŊ LƐ

⁶ “Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

Ṅmãle̱ Kroṅkroṅ Le̱

⁶ Ši edroo̱ mo pī. He̱wo̱ le̱ ekē̱: *“Nyoṅmo̱ le̱, ekũo̱ hewolo̱i anā, ši hešibaloi edroo̱.” *Abe̱i 3,34. Hiob 22,29. Mat. 23,12. 1 Pet. 5,6.

Yakobo 4:6 ပူးပေါင်းရင်းမြစ်များ

2 Kronika 32:26

Shi naagbee mli aahu lɛ Hezekia je ehe sɛɛ, ni lɛ kɛ Yerusalɛm fɛɛ ba amɛhe shi amɛhã Yehowa; ni no hewɔ lɛ, Yehowa gbalaaa amɛtoi yɛ Hezekia yinɔ.

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Hiob 22:29

Ejaakɛ Nyɔŋmɔ baa mɔ ni woɔ ehe nɔ shi, ni heshibalɔ lɛ, ehereɔ eyiwala.

Lalai 138:6

Yehowa yɛ ŋwɛi shɔŋŋ moŋ nɛ, shi kɛ̃lɛ ehiɛ kã humi he; shi hewolɔ nyɛɛɛ ehe etee yɛ Yehowa hiɛ.

Lalai 9:12

Ejaakɛ lɛ mɔ ni etɔɔ lá he owele lɛ, ekaiɔ mɛi ni piŋɔ; ni ehiɛ kpaaa nɔnalɔi abolɔmɔ nɔ.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

Abe̱i 15:33

Yehowa gbeyeishemɔ ji tsɔsemɔ ni hãa mɔ leɔ nii; ni anunyam yɔɔ nɛɛ heshibaa nyiɛɔ ehiɛ.

Abe̱i 18:12

Henɔwomɔ tsɔ̃ɔ hiɛkpãtãmɔ hiɛ; shi heshibaa tsɔ̃ɔ hiɛnyam hiɛ.

Abe̱i 22:4

Heshibaa kɛ Yehowa gbeyeishemɔ he sɛɛnamɔ ji ninamɔ kɛ hiɛnyam kɛ wala.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Abe̱i 3:34

Yehowa yeɔ hefɛoyelɔi ahe fɛo, shi mɛi ni baa amɛhe shi lɛ enaa amɛ mɔbɔ.

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yesaia 54:7

Hiŋmɛitswaa kɛkɛ mikwa bo, shi mikɛ mlitsɔlɛ kpele baabua onaa.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Mateo 13:12

Ejaakɛ mɔ fɛɛ mɔ ni yɔɔ nɔ ko lɛ aaahã lɛ ni ena kɛteke nɔ; shi mɔ fɛɛ mɔ ni bɛ nɔ ko lɛ, nɔ ni eyɔɔ tete lɛ, aaashɔ̃ yɛ edɛŋ.

Mateo 23:12

Mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.

Luka 1:52

Ekpa ojei kɛjɛ amɛsɛ̃ii anɔ, ni ewo mɛi ni ji humii lɛ anɔ.

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Yakobo 4:10

Nyɛbaa nyɛhe shi yɛ Nuŋtsɔ lɛ hiɛ, ni eeewo nyɛnɔ.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

1 Samuel 2:3

Nyɛkawiea kɛ henɔwomɔ nɛkɛ dɔŋŋ; nyɛkawiea kɛ hetsɔ̃ɔmɔ, ejaakɛ Yehowa lɛ, Nyɔŋmɔ nilelɔ ni, ni lɛ ekojoɔ adesai anifeemɔnii.