Yakobo 4:2 - ŊMALƐ KRƆŊKRƆŊ LƐ

² Nyɛshweɔ nɔ ko, ni nyɛnaaa; nyɛgbeɔ mɛi ni nyɛyeɔ awuŋã, ni nyɛnine nyɛ̃ɛɛ nɔ ashɛ; nyɛnɔɔ ni nyɛwuɔ ta; nyɛnaaa nɔ ko ejaakɛ nyɛkpaaa he fai.

Ṅmãle̱ Kroṅkroṅ Le̱

² Nii feo̱nye ako̱no̱, ni nyenáá; nyegbeo̱ mei ni nyeyeo̱ awuṅā, ni nyenine nyẽẽ no̱ aše̱; nyenõo̱ ni nyewuo̱; nyebe̱ noko ake̱-ni nyekpaa he fai hewo̱ le̱;

Yakobo 4:2 ပူးပေါင်းရင်းမြစ်များ

1 Maŋtsɛmɛi 21:6

Ahab here nɔ, ni ekɛɛ, “Ejaakɛ mikɛ Nabot, Yezreelnyo lɛ, wie ni mikɛɛ lɛ akɛ, ‘Ŋɔɔ owaintrom lɛ ohã mi, ni mahe, aloo kɛji oosumɔ lɛ mikɛ waintrom kroko aaato bo no najiaŋ.’ Shi ekɛɛ mi akɛ, mikɛ miwaintrom lɛ hãaa bo.”

Abe̱i 1:19

Mɛi fɛɛ ni shɔ̃ɔ nii ekãa naa yɛ mɛi adɛŋ lɛ, bɔ ni amɛnaagbee tamɔ nɛ, nɔ ni amɛkɛ hiɛkɔ̃ɔ diɔ sɛɛ lɛ, no nɔŋŋ gbeɔ amɛ.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Yesaia 7:12

Shi Ahaz to he akɛ, “Mibiŋ ni ahã mi okadi ko, ni mikaŋ Yehowa mikwɛŋ.”

Habakuk 2:5

Naa, wain lakaa mɔ. Gbɔmɔ ni woɔ ehe lɛ, enyɛɛɛ shi ehi. Efeɔ fuu tamɔ gbohiiaje; ni etamɔ gbele, etɔko dã. Ebuaa majimaji fɛɛ anɔ bii anaa kɛbaa, ni etiãa amɛ ehãa ehe.

Yohane 16:24

Kɛbashi amrɔ nɛɛ lɛ nyɛbiko nɔ ko yɛ migbɛi mli; nyɛbia, ni nyɛaana, koni nyɛmiishɛɛ lɛ aye emuu.”

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 5:6

Nyɛbu jalɔ lɛ fɔ, ni nyɛgbe lɛ, etsĩii nyɛ gbɛ.

1 Yohane 3:15

Mɔ fɛɛ mɔ ni nyɛɔ enyɛmi lɛ, gbɔmɔgbelɔ ji lɛ; ni nyɛle akɛ gbɔmɔgbelɔ ko gbɔmɔgbelɔ ko bɛ naanɔ wala yɛ emli.