Yakobo 4:11 - ŊMALƐ KRƆŊKRƆŊ LƐ

¹¹ Nyɛkawiewiea nyɛhe, anyɛmimɛi. Mɔ ni wieɔ enyɛmi he aloo ekojoɔ enyɛmi lɛ, Mla lɛ ewieɔ eshiɔ ni Mla lɛ ekojoɔ lɛ. Shi kɛ ookojo Mla lɛ, jeee Mla lɛ nɔyelɔ ji bo, shi Mla lɛ kojolɔ moŋ ji bo.

Ṅmãle̱ Kroṅkroṅ Le̱

¹¹ Nyekawiewiea nyenanemei ahe, anyemimei. Moni wieo̱ enyemi, he alo ekodšoo̱ enyemi le̱, mla le ewieo̱ ešio̱ ni mla le̱ ekodšoo̱ le̱; ši ké̱ ōkodšo mla le̱, dšee mla le̱ no̱yelo̱ dšio, ši mla le̱ kodšolo̱ moṅ dšio.

Yakobo 4:11 ပူးပေါင်းရင်းမြစ်များ

Lalai 140:11

Kaahã oshekuyelɔ ko he shi yɛ shikpɔŋ lɛ nɔ; hã efɔŋ akpãtã yiwalɔ lɛ hiɛ mra.

Luka 6:37

“Nyɛkakojoa, koni Nyɔŋmɔ akakojo nyɛ; nyɛkabua fɔ, koni Nyɔŋmɔ akabu nyɛ fɔ; nyɛkɛfaa, ni akɛaafa nyɛ.

Romabii 2:1

No hewɔ lɛ, bo, mɔ fɛɛ mɔ ni kojoɔ lɛ, obɛ naajiemɔ ko; ejaakɛ be mli ni okojoɔ mɔ kroko lɛ, oobu bo diɛŋtsɛ ohe fɔ; ejaakɛ bo ni okojoɔ lɛ otsuɔ nakai nii lɛ nɔŋŋ.

Romabii 2:13

Ejaakɛ jeee Mla lɛ nulɔi ji jalɔi yɛ Nyɔŋmɔ hiɛ, shi moŋ Mla lɛ nɔyelɔi ji mɛi ni aaabu amɛ akɛ jalɔi.

Romabii 7:7

Belɛ te wɔɔkɛɛ tɛŋŋ? Aso Mla lɛ esha ni? Dabida! Shi moŋ jeee Mla lɛ hewɔŋ kulɛ mileee esha; ejaakɛ kulɛ mileee nɔ ni ji hiɛkɔ̃ɔ, kɛjeee Mla lɛ kɛɛ akɛ, “Ohiɛ akakɔ̃ nii anɔ.”

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Efesobii 4:31

Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

1 Timoteo 3:11

Yei lɛ hu nakai nɔŋŋ; amɛfee mɛi ni hiɛ tsii, jeee oshekuyelɔi shi mɛi ni hiɛ kã shi, ni amɛyeɔ anɔkwa yɛ nii fɛɛ mli.

2 Timoteo 3:3

mɛi ni edɔɔɔ mɔ he, kpãŋmɔmlikulɔi, oshekuyelɔi, mɛi ni nyɛɛɛ amɛkɔnɔ nɔ amɛye, mɛi ni hiɛ yɔɔ la, mɛi ni sumɔɔɔ ekpakpa,

Tito 2:3

Yeimeji hu nakai nɔŋŋ, amɛba amɛjeŋ bɔ ni sa mɛi krɔŋkrɔŋi lɛ. Amɛkafee amɛhe oshekuyelɔi, amɛkafee amɛhe mɛi ni dãa eŋɔ amɛ nom, amɛfee mɛi ni tsɔ̃ɔ nii kpakpai.

Yakobo 1:16

Nyɛkahãa alakaa nyɛ, minyɛmimɛi ni misumɔɔ.

Yakobo 1:19

No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Yakobo 2:8

No hewɔ lɛ, kɛji nyɛye kitã ni ji Mla lɛ mli oti ni kɛɔ akɛ, “Suɔmɔ onaanyo tamɔ bɔ ni osumɔɔ bo diɛŋtsɛ ohe lɛ” nɔ yɛ ŋmalɛ lɛ naa lɛ, no lɛ nyɛmiifee jogbaŋŋ.

Yakobo 5:10

Minyɛmimɛi, nyɛkɛ gbalɔi ni wie yɛ Nuŋtsɔ lɛ gbɛi mli lɛ afea amanehulu kɛ tsuishiŋmɛɛ nɔkwɛmɔnɔ.

Yakobo 5:7

No hewɔ lɛ, anyɛmimɛi, nyɛŋmɛa nyɛtsui shi kɛyashia Nuŋtsɔ lɛ baa be lɛ. Naa, okwaafonyo lɛ mɛɔ shikpɔŋ nɔ nibaanii ni jara wa lɛ, ni eŋmɛɔ etsui shi yɛ he kɛyashiɔ beyinɔ ni enaa Agbiɛnaa kɛ Gbo nunɛmɔ lɛ.

Yakobo 5:9

Nyɛkadɔmɔa ŋtsɔi nyɛwowoa nyɛhe, anyɛmimɛi, koni akakojo nyɛ. Naa, kojolɔ lɛ damɔ shinaa lɛ naa.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.