Yakobo 4:10 - ŊMALƐ KRƆŊKRƆŊ LƐ

¹⁰ Nyɛbaa nyɛhe shi yɛ Nuŋtsɔ lɛ hiɛ, ni eeewo nyɛnɔ.

Ṅmãle̱ Kroṅkroṅ Le̱

¹⁰ Nyebaä nyehe ši ye̱ Nuntše̱ le̱ hīe, ni eewō nyeno̱. 1 Pet. 5,6.

Yakobo 4:10 ပူးပေါင်းရင်းမြစ်များ

2 Kronika 7:14

kɛji mimaŋbii lɛ, ni ji mi diɛŋtsɛ minii lɛ, ba amɛhe shi amɛhã mi, ni amɛsɔle amɛkpa fai, ni amɛtao misɛɛgbɛ, ni amɛje amɛhe sɛɛ ni amɛkpa amɛshihilɛ gbohii lɛ, no lɛ mi hu majɛ ŋwɛi mabo amɛ toi, ni mikɛ amɛtɔ̃mɔi lɛ aaafa amɛ, ni mahã amɛshikpɔŋ lɛ ashwere ekoŋŋ.

Hiob 22:29

Ejaakɛ Nyɔŋmɔ baa mɔ ni woɔ ehe nɔ shi, ni heshibalɔ lɛ, ehereɔ eyiwala.

Hiob 5:11

Eholeɔ humii anɔ grɔŋŋ, ni eshɛjeɔ ŋkɔmɔyelɔi amii.

Lalai 113:7

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ kɛjɛɔ tumo nɔ,

Lalai 147:6

Yehowa woɔ heshibalɔi anɔ, shi yiwalɔi lɛ etsirɛɔ amɛ etswiaa shi.

Lalai 27:6

Ni eeewo minɔ yɛ mihenyɛlɔi ni ebɔle mi lɛ anɔ; ni mikɛ mliflimɔ aaabɔ oshe, ni mashã afɔle yɛ ebuu lɛŋ. Mala, ni matswa saŋku mahã Yehowa.

Lalai 28:9

Yehowa, heremɔ omaŋbii lɛ ayiwala, ni ojɔɔ owebii ni oŋɔ akɛ onɔ lɛ. Lɛɛ amɛ tamɔ tookwɛlɔ, ni ohiɛ amɛ mli kɛya naanɔ.

Lalai 30:1

Oo Yehowa, makafo O, ejaakɛ ojie mi, ni ohãaa mihenyɛlɔi aye mi yɔɔ.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Ezekiel 21:26

bɔ ni Nuŋtsɔ Yehowa kɛɔ bo nɛ, Jiemɔ oyifiinɔ lɛ, ni jiemɔ okekre lɛ yɛ oyitso. Nibii ehiŋ shi tamɔ bɔ ni amɛyɔɔ nɛɛ dɔŋŋ; nɔ ni eba shi lɛ, awo nɔ; ni nɔ ni awo nɔ lɛ, aba lɛ shi.

Mateo 23:12

Mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.

Luka 1:52

Ekpa ojei kɛjɛ amɛsɛ̃ii anɔ, ni ewo mɛi ni ji humii lɛ anɔ.

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

1 Petro 5:6

Hewɔ lɛ nyɛbaa nyɛhe shi yɛ Nyɔŋmɔ nine ni wa lɛ shishi, koni ewo nyɛnɔ yɛ be ni sa mli.

1 Samuel 2:7

Yehowa ni hãa ayeɔ ohia, ni ehãa anaa nii hu; Lɛ ebaa mɔ shi, asaŋ lɛ ewoɔ mɔ nɔ hu.

1 Samuel 2:9

Eeebaa enɔkwafoi lɛ ayi, shi mɛi fɔ̃ji lɛ amɛhiɛ aaakpãtã yɛ duŋ mli, ejaakɛ jeee gbɔmɔ diɛŋtsɛ hewalɛ naa eyeɔ kunim yɛ.