Yakobo 3:6 - ŊMALƐ KRƆŊKRƆŊ LƐ

⁶ Ni lilɛi lɛ hu, la ni; wɔhenii lɛ ateŋ lɛ, lilɛi ji nishaianii ajeŋ muu; ni ebuleɔ gbɔmɔtso muu lɛ fɛɛ ni emaa fɔmɔŋ tsakpãa lɛ naa la, ni abonsamiiaje enaa ela lɛ kɛjɛɔ.

Ṅmãle̱ Kroṅkroṅ Le̱

⁶ Ni lile̱i le̱ hũ, la ni; wo̱henii le̱ ateṅ le̱ lile̱i dši nišaianii adšeṅ ni *buleo̱ gbomotšo mū le̱ fẽ ni emēa fo̱-mo̱ṅ kokrolonto le̱ nā la, ni gehena adše̱o̱ aše̱reo̱ la le̱. *Mat. 15,11. 18.19; 12,36. 37.

Yakobo 3:6 ပူးပေါင်းရင်းမြစ်များ

2 Samuel 16:20

Kɛkɛ ni Absalom kɛɛ Ahitofel akɛ, “Agbɛnɛ, wo mi ŋaa. Mɛni feemɔ wɔyɔɔ?”

2 Samuel 19:43

Israelbii lɛ to he amɛhã Yudabii lɛ akɛ, “Gbɛnaa nii ni nyɛyɔɔ yɛ Maŋtsɛ David gbɛfaŋ lɛ, wɔyɛ nakai toi nyɔŋma yɛ egbɛfaŋ. Mɛni hewɔ mɔ ni nyɛbuuu wɔ. Kwɛ jeee wɔ tsuutsu moŋ wɔwo ŋaa akɛ ayaŋɔ wɔmaŋtsɛ lɛ kɛba lɛ?” Shi Yudabii lɛ anaa yawa fe Israelbii lɛ yɛ sane nɛɛ mli.

2 Kronika 13:17

Abia kɛ Yudabii lɛ ye Israelbii lɛ anɔ butuu kwraa. Israel hii kakabãŋi lɛ ateŋ akpei ohai enumɔ nyɔnyɔɔ yɛ ta lɛ mli.

Lalai 140:3

Amɛjɔ amɛlilɛii anaa tamɔ onufu, ni shikpãi anaa ebɔɔ yɛ amɛnyanyɔji ashishi.

Lalai 64:3

Amɛjɔ amɛlilɛii anaa tamɔ klante; amɛkɛ amɛdaaŋ wiemɔi ni joɔ gbulɔɔ mi tamɔ gãimlibii.

Abe̱i 15:1

Naajɔlɛ hetoo kuɔ mlila naa; shi mlila wiemɔ teɔ mlifu shi.

Abe̱i 16:27

Yakagbɔmɔ toɔ efɔŋfeemɔ he ŋaa fɔŋ, ni edaaŋ wiemɔ shãa mɔ tamɔ la.

Abe̱i 6:19

Mɔ ni yeɔ amale odase, ni efoɔ sane ni bɛ mli etãa; mɔ ni woɔ nanemɛi ateŋ bei.

Abe̱i 7:5

Amɛ amɛaabaa oyi kɛjɛ yoo ni bɛ jeŋba dɛŋ, amɛaakpɔ̃ bo kɛjɛ yoo ni naa yɔɔ dɔkɔbii lɛ dɛŋ.

Yesaia 30:27

Naa Yehowa hewalɛ jɛ shɔŋŋ miiba! Emlifu miitso, ni eeje lasu kpɔŋŋ; enaa miitswa afui kɛ mlila, ni elilɛi tamɔ la ni kpãtãa nii ahiɛ.

Yesaia 50:11

Naa, nyɛ mɛi ni nyɛwoɔ la koni eshã mɛi, nyɛ moŋ nyɛhiɛ aaakpãtã. Nɔ ni nyɛbaana kɛaajɛ midɛŋ nɛ, Haomɔ mli nyɛaajwere. Nyɛ diɛŋtsɛ moŋ nyɛaanyiɛ la ni nyɛwo lɛ mli.

Yeremia 20:10

Minuɔ akɛ aawie ablɛbi akɛ, “He fɛɛ he efee gbeyei. Nyɛfolɔa enaa, nyɛhãa wɔfolɔ enaa!” Minanemɛi tete ni kɛɔ enɛ nɛɛ, ni amɛmiikwɛ akɛ minane aaatɔ̃tɔ̃ lo. Amɛkɛɛ akɛ, “Eko lɛ aaalaka lɛ ni wɔnine aaashɛ enɔ, ni wɔɔtɔ wɔhe owele yɛ enɔ.”

Yeremia 28:16

No hewɔ lɛ, bɔ ni Yehowa kɛɛ nɛ, ‘Naa, mibajie bo yɛ shikpɔŋ nɛɛ nɔ. Afi nɛɛ nɔŋŋ mli lɛ obaagbo, ejaakɛ owie atuatsemɔ wiemɔ oshi Yehowa.’ ”

3 Mose 24:11

Israelyoo nɛɛ gbɛi ji Shelomit, ni etsɛ ji Dibri ni jɛ Dan akutso lɛ mli lɛ. Bei lɛ mli lɛ oblanyo lɛ bɔ musu elomɔ Nyɔŋmɔ. No hewɔ lɛ, amɔ lɛ kɛbahã Mose.

4 Mose 25:2

Moab yei lɛ kpeɔ Israelhii lɛ kɛyaa hei ni amɛshãa afɔlei amɛkɛhãa amɛmaŋ wɔji lɛ yɛ lɛ; ni Israelhii lɛ yayeɔ afɔleshãa niyenii lɛ eko, ni amɛjaa Moabbii lɛ awɔji lɛ hu.

4 Mose 31:16

Naa, Mɛnɛɛmɛi nɔŋŋ tsɔ̃ Balaam ŋaawoo nɔ, ni amɛhã Israelbii tɔ̃ Yehowa nɔ, ni amɛkwa lɛ yɛ Peor sane lɛ mli lɛ, ni kɛtsɔ̃ no nɔ ni gbele hela bote Yehowa asafo lɛ mli lɛ.

Mateo 12:24

Shi be ni Farisifoi lɛ nu lɛ, amɛkɛɛ, “Mumɔi fɔ̃ji alumɔ Beelzebul hewalɛ kɛkɛ mɔ nɛ kɛfãa mumɔi fɔ̃ji lɛ.”

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.

Marko 7:15

Nɔ ko bɛ ni jɛɔ kpo nɔ gbɛ boteɔ gbɔmɔ mli ni aaanyɛ lɛ abule, shi nɔ ni buleɔ gbɔmɔ ji nɔ ni jɛɔ emli lɛ. [

Luka 16:24

Ni ebo ekɛɛ, ‘Ataa Abraham, naa mi mɔbɔ ni otsu Lazaro ni ekɛ ewao naa ayatsɔ nu mli ni ekɛbajɔɔ mililɛi he, ejaakɛ miina nɔ yɛ lalilɛii nɛɛ amli!’

Bɔfoi 20:30

Ni nyɛ diɛŋtsɛ nyɛteŋ hu lɛ, hii ni wieɔ nii ni ejaaa aaate shi, ni amɛaakpala kaselɔi lɛ amɛshwie amɛsɛɛ.

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Bɔfoi 6:13

Ni amɛkɛ amale odasefoi badamɔ shi, ni mɛnɛɛmɛi kɛɛ akɛ, “Be fɛɛ be lɛ nɛkɛ gbɔmɔ nɛɛ miiwie miishi he krɔŋkrɔŋ lɛ kɛ Mose Mla lɛ,

5 Mose 13:6

“Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

Tito 1:11

Amɛ ji gbɔmɛi ni sa akɛ awo amɛnaa manyoflɛ. Amɛ, amɛbutuɔ shĩai muji fɛɛ, ni sɛɛnamɔ ni yɔɔ hiɛgbele hewɔ lɛ amɛtsɔ̃ɔ nii ni ejaaa.

Yakobo 2:7

Ani jeee amɛ nɔŋŋ amɛwieɔ gbɛi kpakpa ni akɛtsɛɔ nyɛ lɛ he efɔŋ lɛ?

Yakobo 3:7

Ejaakɛ kooloi kɛ loofɔji kɛ nii ni wamɔɔ kɛ nii ni yɔɔ ŋshɔ mli lɛ ahenɔ fɛɛ henɔ lɛ gbɔmɔ nyɛɔ jɔɔ amɛhe, ni ejɔɔ amɛhe.

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

3 Yohane 1:10

No hewɔ lɛ, kɛ miba lɛ mahã nyɛle enifɔɔji anii ni efeɔ lɛ, bɔ ni ewieɔ wɔhe wiemɔi fɔ̃ji lɛ, ni enɛɛmɛi tete hu faaa hãaa lɛ, shi moŋ lɛ diɛŋtsɛ ehereee nyɛmimɛi lɛ, ni asaŋ mɛi ni sumɔɔ akɛ amɛaafee nakai lɛ etsĩɔ amɛ gbɛ, ni eshwieɔ amɛ kɛjɛɔ asafo lɛ mli.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 18:23

Ni anaŋ kane la ko kwraa dɔŋŋ yɛ omli, ni anuŋ ayɛmforo wu kɛ ayɛmforo gbee kwraa dɔŋŋ yɛ omli; ejaakɛ ojarayelɔi lɛ ji shikpɔŋ lɛ nɔ gbɔmɛi wuji, ni okunyaayeli lɛ akɛshishiu jeŋmaji lɛ fɛɛ.”

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.