Yakobo 3:5 - ŊMALƐ KRƆŊKRƆŊ LƐ

⁵ Nakai nɔŋŋ lilɛi hu henɔ bibioo ni, shi eshwãa nii wuji. Naa, la bibioo hu, nyɛkwɛa koo bɔ sɔŋŋ ni eshãa!

Ṅmãle̱ Kroṅkroṅ Le̱

⁵ Nakai noṅṅ lile̱i hū, henõ bibiō ni, ni eſāa nii wudši. Na, la bibiõ hũ, nyekwe̱a kō bo̱ so̱ṅṅ ni ešãa!

Yakobo 3:5 ပူးပေါင်းရင်းမြစ်များ

Hiob 22:17

Amɛkɛɛ Nyɔŋmɔ akɛ, ‘Jee wɔnɔ!’ Ni ‘Mɛni Ofe lɛ baanyɛ wɔ efee?’

Lalai 10:3

Ejaakɛ mɔ fɔŋ lɛ eshwãa efɔ̃ɔ etsuiŋ sɛɛdii nibii anɔ; ni amimyelɔ lomɔɔ, ni ekwaa Yehowa.

Lalai 17:10

Amɛkpliŋ amɛtsui, ni amɛnaaa mɔbɔ, ni amɛkɛ amɛnaabui wieɔ hewoo wiemɔi.

Lalai 39:1

Mikɛɛ akɛ, “Male mihenɔkwɛmɔ koni mikɛ mililɛi akafee esha. Mawo minaabu manyoflɛ; be mli ni mɛi fɔ̃ji yɔɔ mihiɛ nɛɛ.”

2 Mose 15:9

Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

2 Mose 5:2

Farao bi amɛ akɛ, “Namɔ ji nakai Yehowa lɛ hewɔ ni esa akɛ mabo lɛ toi, ni mahã Israel aya? Mileee Yehowa ko, ni Israel hu mihãaa amɛya.”

Abe̱i 12:18

Mɔ ko yɛ ni ewiemɔ bambam dumɔɔ mɔ tamɔ kakla; shi nilelɔ daaŋ wiemɔ lɛ etsaa mɔ.

Abe̱i 15:2

Nilelɔi wieɔ nilee wiemɔi; shi buului awiemɔi jɛɔ kwashiai adaaŋ.

Abe̱i 18:21

Gbele kɛ wala yɛ gbɔmɔ lilɛi dɛŋ; amɛteŋ nɔ ni gbɔmɔ sumɔɔ lɛ no eŋɔɔ.

Abe̱i 26:20

Kɛji lai tã lɛ, la gboɔ; ni kɛji ablɛbiwielɔ bɛ lɛ bei sɛɛ foɔ.

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Daniel 3:15

Agbɛnɛ kɛji nyɛfee kralo nyɛto akɛ kɛji nyɛnu koofɛŋ lɛ kɛ blɛ kɛ saŋku kɛ kete kɛ obenta kɛ lalai srɔtoi lɛ agbɛɛmɔ lɛ, nyɛaaho nyɛkula shi, ni nyɛja amãgã ni mifee lɛ, belɛ no lɛ sane etã. Shi kɛji nyɛjaaa lɛ lɛ, amrɔ lɛ nɔŋŋ lɛ abaashɛrɛ nyɛ ashwie flɔnɔɔ kɛ emli la ni miitso grigri lɛ mli! Mɛɛ nyɔŋmɔ nyɛsusuɔ akɛ aaanyɛ nyɛyiwala ahere yɛ mi midɛŋ?”

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Yakobo 3:4

Naa, lɛji hu tsɛ amɛdara aahu, ni kɔɔyɔɔ ni naa wa kpalaa amɛ, shi kudɔɔ bibioo ko kɛkɛ akɛkudɔɔ amɛ kɛyaa he fɛɛ he ni kudɔɔtsɛ lɛ sumɔɔ.

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

Yuda 1:16

Mɛnɛɛmɛi ji huhuuhu wielɔi kɛ krɔlɔi ni nɔ esaaa amɛhiɛ, ni nyiɛɔ yɛ amɛ diɛŋtsɛ amɛkɔnɔi anaa, ni amɛnaabu wieɔ naafuu wiemɔi, ni amɛsumɔɔ mɛi ahiɛsaa yɛ sɛɛnamɔ hewɔ.