Yakobo 3:17 - ŊMALƐ KRƆŊKRƆŊ LƐ

¹⁷ Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

Ṅmãle̱ Kroṅkroṅ Le̱

¹⁷ Ši nilē ni dše̱ ṅwei le̱, tšutšu le̱ ehe tše, no se̱ le̱ ehe dšo̱, ehíe kã ši, eboo̱ toi, eyi obõ ke̱ mo̱bo̱nale̱ ke̱ yibii kpakpai, edšee ṅwane, efee osato.

Yakobo 3:17 ပူးပေါင်းရင်းမြစ်များ

1 Maŋtsɛmɛi 3:12

mɔ ko ehiŋ shi ni aaale nii tamɔ bo, ni mɔ ko hu baŋ yɛ osɛɛ ni aaatamɔ bo.

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

1 Maŋtsɛmɛi 3:9

No hewɔ lɛ, dromɔ mi, otsulɔ, nilee koni mikɛye omaŋ lɛ nɔ yɛ jalɛ mli. Hã mayoo srɔto ni yɔɔ nɔ ni hi kɛ nɔ ni ehiii teŋ; kɛjeee nakai lɛ te mafee tɛŋŋ manyɛ maye omaŋ kpeteŋkple nɛɛ nɔ hu?”

1 Kronika 22:12

Yehowa aduro bo nilee kɛ jwɛŋmɔ kɛkɛ, bɔ ni afee ni kɛji etu Israel ewo odɛ̃ŋ lɛ, onyɛ maŋ lɛ nɔ okwɛ yɛ Yehowa, oNyɔŋmɔ lɛ, mla naa.

1 Kronika 22:9

Naa, obaafɔ binuu ko. Toiŋjɔlɛ baaba yɛ eyinɔ, ejaakɛ maha ehenyɛlɔi fɛɛ ni bɔle lɛ lɛ ahã ena toiŋjɔlɛ. Abaatsɛ lɛ Solomon, ni mahã Israel ana toiŋjɔlɛ yɛ eyinɔ.

Hiob 28:12

Shi nɛgbɛ abaana nilee yɛ? Ni nɛgbɛ ji he ni niiashishinumɔ yɔɔ?

Hiob 28:23

Nyɔŋmɔ pɛ ni le gbɛ ni kã kɛyaa he; ni lɛ ele he ni eyɔɔ lɛ.

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

2 Mose 36:2

Kɛkɛ ni Mose tsɛ Bezaleel kɛ Oholiab kɛ nuu fɛɛ nuu ni Yehowa eduro lɛ ŋaa, asaŋ ni eyɔɔ he tsui akɛ etsu nii lɛ eko lɛ kɛba,

Abe̱i 2:6

ejaakɛ Yehowa hãa aleɔ nii; edaaŋ nilee kɛ niiashishinumɔ jɛɔ.

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 32:6

Kwashia wieɔ kwashiai awiemɔ, ni nishaianii ahe ejwɛŋɔ, ni enifeemɔ etsɔ̃ɔɔ Nyɔŋmɔ gbeyeishemɔ; ewieɔ eshiɔ Yehowa. Ehãaa mɔ ni hɔmɔ miiye lɛ niyenii, ni egbeɔ mɔ ni kumai miiye lɛ kumai.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Daniel 1:17

Nyɔŋmɔ duro nɛkɛ oblahii ejwɛ nɛɛ jwɛŋmɔ, ni amɛnyɛ amɛkase woloŋ kɛ nii fɛɛ ni atsɔ̃ɔ amɛ lɛ. Yɛ Daniel gbɛfaŋ lɛ Nyɔŋmɔ hã enu ninaa fɛɛ ninaa kɛ lamɔ fɛɛ lamɔ hu shishi efata he.

Maleaki 2:9

“No hewɔ lɛ, bei abɔ ni nyɛyeee mimlai lɛ anɔ, shi moŋ nyɛkwɛɔ mɛi ahiɛiaŋ yɛ nyɛnifeemɔ mli lɛ, mibahã nyɛhe guɔ agbo yɛ Israelbii fɛɛ ahiɛ.”

Maleaki 3:3

Ebaata shi tamɔ jwiɛtɛi hetsuulɔ ni hãa jwiɛtɛi he tseɔ keŋkeŋ lɛ. Nakai ebaatsuu osɔfoi ni ji Levi shwiei lɛ ahe keŋkeŋ tamɔ atsuɔ shika kɛ jwiɛtɛi he lɛ. Kɛkɛ lɛ amɛaanyɛ amɛkɛ afɔleshãa nikeenii ni kpa bɛ he aba abahã Yehowa.

Mateo 23:28

Nakai nɔŋŋ nyɛ hu, yɛ kpo nɔ gbɛ lɛ, nyɛpueɔ akɛ jalɔi yɛ gbɔmɛi ahiɛ, shi yɛ mligbɛ lɛ nyɛyimɔ obɔ̃bɔ̃ kɛ osato kɛ mlatɔ̃mɔ̃.

Mateo 5:8

“Ajɔɔ mɛi ni tsuii amli tse lɛ; shi amɛaana Nyɔŋmɔ.”

Mateo 5:9

“Ajɔɔ mɛi ni kpãtãa lɛ; shi aaatsɛ amɛNyɔŋmɔ bii.”

Luka 21:15

ejaakɛ mahã nyɛ naabu kɛ nilee ni nyɛhenyɛlɔi lɛ fɛɛ nyɛŋ naa adamɔ ni amɛnyɛŋ naa amɛku hu.

Luka 6:36

No hewɔ lɛ, nyɛnaa mɔbɔ, tamɔ bɔ ni nyɛTsɛ lɛ hu naa mɔbɔ lɛ.”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:47

Yesu na Natanael miiba eŋɔɔ, ni ekɛɛ yɛ ehe akɛ, “Naa anɔkwa Israelnyo, mɔ mli ni apasa bɛ lɛ.”

Bɔfoi 11:24

Gbɔmɔ kpakpa ji Barnaba ni eyi obɔ̃ kɛ Mumɔ Krɔŋkrɔŋ kɛ hemɔkɛyeli. Ni ana mɛi babaoo afata Nuŋtsɔ lɛ asafo lɛ he.

Bɔfoi 9:36

Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka. Nitsumɔi kpakpai kɛ ejurɔfeemɔ eyi yoo nɛɛ obɔ̃.

Romabii 12:18

Kɛ aaaho lɛ nyɛgbɛfaŋ lɛ, nyɛkɛ gbɔmɛi fɛɛ ahia shi yɛ hejɔlɛ mli.

Romabii 12:9

Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he;

Romabii 15:14

Shi anyɛmimɛi, mi diɛŋtsɛ hu miheɔ miyeɔ krɛdɛɛ yɛ nyɛhe akɛ nyɛ diɛŋtsɛ hu nyɛyimɔ obɔ̃bɔ̃ɔbɔ̃ kɛ mlihilɛ; ni nilee fɛɛ eyimɔ nyɛ tɔ, ni nyɛnyɛɔ nyɛwieɔ nyɛtsɔ̃ɔ nyɛhe hu.

1 Korintobii 12:8

Mɔ ko lɛ, atsɔ̃ Mumɔ lɛ nɔ ahã lɛ nilee wiemɔ; ni mɔ ko hu ahã lɛ niiashishinamɔ wiemɔ yɛ nakai Mumɔ lɛ nɔŋŋ naa.

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 6:6

ni wɔbɔɔ hetsemɔ he mɔdɛŋ kɛ nilee. Wɔŋmɛɔ wɔtsui shi; wɔmli hi. Yɛ Mumɔ Krɔŋkrɔŋ hewalɛ naa lɛ, wɔsuɔmɔ lɛ osato bɛ mli.

2 Korintobii 7:11

Ejaakɛ nɛkɛ dɔlɛ ni edɔ nyɛ bɔ ni sa Nyɔŋmɔ hiɛ nɛɛ lɛ, nyɛkwɛa nɔ mɔdɛŋbɔɔ, nɔ naajiemɔ, nɔ mlifu, nɔ gbeyeishemɔ, nɔ shwee, nɔ hiɛdɔɔ, nɔ jalɛ kojomɔ ni etsɛ ewo nyɛmli! Nɔ fɛɛ nɔ mli lɛ nyɛkɛ nyɛhe tsɔ̃ɔ wɔ akɛ nyɛhe tse yɛ nɛkɛ sane nɛɛ mli.

2 Korintobii 9:10

Shi mɔ ni kɛ dumɔwui keɔ dulɔ ni ekɛ aboloo hu hãa yeli lɛ, eeehã nyɛ dumɔwui ni afa, ni eeehã nyɛjalɛ yibii lɛ hu ashwere;

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 4:8

Naagbee lɛ, anyɛmimɛi, nii abɔ ni ji anɔkwa, nii ni sa woo, nii ni ja, nii ni he tse, nii ni yɔɔ fɛo, nii ni yɔɔ gbɛi kpakpa lɛ fɛɛ, kɛji jeŋba kpakpa ko yɛ, kɛji yijiemɔ ko hu yɛ lɛ, enɛɛmɛi ahe nyɛjwɛŋa!

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

1 Tesalonikabii 2:7

Tsɛ wɔyɛ hegbɛ akɛ wɔfeɔ wɔhe agboi yɛ nyɛnɔ, akɛni Kristo bɔfoi ji wɔ lɛ; shi moŋ wɔhe jɔ yɛ nyɛteŋ, tamɔ bɔ ni bii anyɛ hiɛɔ lɛ diɛŋtsɛ ebii dɔdɔɔdɔ lɛ.

1 Timoteo 5:21

Miiwo bo kitã yɛ Nyɔŋmɔ kɛ Kristo Yesu kɛ ebɔfoi ni ehala lɛ ahiɛ, akɛ oye nii nɛɛ anɔ ni okasha ohe okojo, ni asaŋ okafee nɔ ko kɛ niiaŋkpamɔ.

2 Timoteo 2:24

shi Nuŋtsɔ lɛ tsulɔ lɛ, esaaa akɛ ebeɔ, shi moŋ efee mɔ ni mli jɔ hã mɛi fɛɛ, mɔ ni le nitsɔɔmɔ, mɔ ni toɔ etsui shi,

Tito 1:15

Mɛi ni he tse lɛ, nii fɛɛ he tse hã amɛ; shi mɛi ni he tseee ni amɛheee Nyɔŋmɔ amɛyeee lɛ, nɔ ko nɔ ko bɛ ni he tse hã amɛ, shi moŋ amɛjwɛŋmɔ mli kɛ amɛhenilee fɛɛ ewo muji.

Tito 3:2

Amɛkawie mɔ ko he efɔŋ, amɛkabe, shi moŋ amɛfee kpoo, ni amɛhã mɛi fɛɛ ana amɛ akɛ amɛhe jɔ kwraa.

Hebribii 12:11

Shi tsɔsemɔ fɛɛ tsɔsemɔ lɛ, amrɔmrɔ nɛɛ efeee mɔ akɛ miishɛɛ nɔ ni, shi dɔlɛ nɔ moŋ; shi kɛ fee sɛɛ lɛ ewoɔ hejɔlɛ yibii ni ji jalɛ lɛ ehãa mɛi ni tsɔsemɔ lɛ esaa amɛ lɛ.

Hebribii 12:14

Nyɛtiua nyɛ kɛ mɛi fɛɛ ateŋ hejɔlɛ sɛɛ kɛ hetsemɔ ni kɛ mɔ ko shi ni enaŋ Nuŋtsɔ lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Yakobo 2:4

ani jeee niiaŋ nyɛjieɔ yɛ nyɛteŋ ni kojolɔi ni hiɛ jwɛŋmɔi fɔ̃ji nyɛtsɔ̃mɔ lɛ?

Yakobo 3:15

Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ ni, heloo naa nɔ ni, mumɔi fɔ̃ji anɔ ni.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Petro 2:18

Webii, nyɛkɛ gbeyeishemɔ fɛɛ abaa nyɛhe shi nyɛhãa nyɛnuŋtsɔmɛi, jeee mɛi kpakpai kɛ mɛi ni nuɔ nii ahe hãa mɔ kɛkɛ, shi moŋ mɛi ni enaaa mɔbɔ lɛ hu.

1 Yohane 3:18

Mibii bibii, nyɛkahãa wɔsumɔa mɛi yɛ wiemɔ mli loo lilɛi nɔ kɛkɛ, shi moŋ yɛ nitsumɔ kɛ anɔkwale mli hu.

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.