Yakobo 3:16 - ŊMALƐ KRƆŊKRƆŊ LƐ

¹⁶ Ejaakɛ he ni awuŋayeli kɛ bei yɔɔ lɛ, jɛi sakasakafeemɔ kɛ nishaianii fɛɛ yɔɔ.

Ṅmãle̱ Kroṅkroṅ Le̱

¹⁶ Edšake̱ heni awuṅãyeli ke̱ béi yo̱ le̱, dše̱i sakasakafemo̱ ke̱ nišaianii fẽ yo̱.

Yakobo 3:16 ပူးပေါင်းရင်းမြစ်များ

1 Mose 11:9

No hewɔ lɛ, atsɛɔ jɛi akɛ Babilon, ejaakɛ jɛi Yehowa tsake shikpɔŋ lɛ nɔ bii fɛɛ awiemɔ yɛ, ni jɛi Yehowa jɛ egbɛ amɛ eshwã shikpɔŋ lɛ fɛɛ nɔ.

1 Mose 38:9

Shi Onan le akɛ bii lɛ ebatsɔ̃ŋ enɔ. No hewɔ lɛ, kɛ etee enyɛmi lɛ ŋa lɛ ŋɔɔ ekɛ lɛ yawɔ lɛ, ejieɔ ehe nu lɛ eshwieɔ shikpɔŋ efiteɔ, koni ekahã enyɛmi lɛ miina shwiei.

Marko 3:25

Ni kɛji shĩa ko gba wo lɛ diɛŋtsɛ ehe lɛ, nakai shĩa lɛ nyɛŋ shi adamɔ.

Bɔfoi 19:29

Ni maŋ lɛ mli fɛɛ fee sakasaka; ni amɛkɛ jwɛŋmɔ kome tsɛ̃ kɛtee nikwɛmɔhe lɛ, ni amɛyamɔmɔ Gaio kɛ Aristarko ni ji Makedoniabii ni fata Paulo he kɛfã gbɛ lɛ.

Romabii 2:8

shi mɛi ni sumɔɔ bei ni amɛbooo anɔkwale lɛ toi, shi amɛboɔ nii ni ejaaa moŋ toi lɛ, amɛnɔ ji mlifu kɛ mlila.

1 Korintobii 14:33

ejaakɛ Nyɔŋmɔ lɛ, ejeee sakasakafeemɔ Nyɔŋmɔ, shi moŋ hejɔlɛ Nyɔŋmɔ ji lɛ. Tamɔ bɔ ni eyɔɔ yɛ hetselɔi asafoi lɛ fɛɛ mli lɛ,

1 Korintobii 3:3

ejaakɛ helooŋ gbɔmɛi ji nyɛ lolo. Shi gbii abɔ ni awuŋayeli kɛ bei yɔɔ nyɛteŋ lolo lɛ, ani jeee helooŋ gbɔmɛi ji nyɛ ni gbɔmɛi ajeŋba nyɛbaa lɛ?

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:20

wɔŋjamɔ, suu, nyɛɛ, bei, awuŋayeli, mlilawoo, bei mumɔ, atuatsemɔ, mligbalamɔ,

Yakobo 3:14

Shi kɛ awuŋayeli fɔŋ kɛ bei yɛ nyɛtsui mli lɛ, nyɛkashwãa ni nyɛmalea nyɛshia anɔkwale lɛ.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.