Yakobo 3:14 - ŊMALƐ KRƆŊKRƆŊ LƐ

¹⁴ Shi kɛ awuŋayeli fɔŋ kɛ bei yɛ nyɛtsui mli lɛ, nyɛkashwãa ni nyɛmalea nyɛshia anɔkwale lɛ.

Ṅmãle̱ Kroṅkroṅ Le̱

¹⁴ Ši ké̱ *awuṅãyeli fõṅ ke̱ béi ye̱ nyetšui mli le̱, nyekaſãa ni nyemalea nyešia ano̱kwale le̱. *Ef. 4.31.

Yakobo 3:14 ပူးပေါင်းရင်းမြစ်များ

1 Mose 37:11

Enyɛmimɛi lɛ bɛ lɛ amɛwo amɛmli; shi etsɛ kɛ wiemɔ lɛ to enakutsoŋ.

1 Mose 38:9

Shi Onan le akɛ bii lɛ ebatsɔ̃ŋ enɔ. No hewɔ lɛ, kɛ etee enyɛmi lɛ ŋa lɛ ŋɔɔ ekɛ lɛ yawɔ lɛ, ejieɔ ehe nu lɛ eshwieɔ shikpɔŋ efiteɔ, koni ekahã enyɛmi lɛ miina shwiei.

2 Maŋtsɛmɛi 10:16

Yehu kɛɛ lɛ akɛ, “Hã ni wɔtee koni oyakwɛ bɔ ni miyeɔ Yehowa he awuŋã mihãa.” Kɛkɛ ni Yehu hã eta eshwiili lɛ mli.

2 Maŋtsɛmɛi 10:31

Shi kɛ̃lɛ Yehu ediii sɛɛ ni eye Yehowa, Israel Nyɔŋmɔ lɛ, mla lɛ nɔ kɛ etsui muu lɛ fɛɛ. Efɔ̃ɔɔ eshai ni Yeroboam fee ni ekɛtɔ̃tɔ̃ Israel nane lɛ feemɔ.

Hiob 5:2

Eji anɔkwale sane akɛ mlila sɔŋŋ gbeɔ kwashia, ni awuŋayeli gbeɔ mɔ ni hiɛ etɛ̃ɛɛ.

Abe̱i 14:30

Toiŋjɔlɛ hãa gbɔmɔtso naa hewalɛ; shi awuŋayeli woɔ wuiaŋ hela.

Abe̱i 27:4

Mlila yi wa, ni mlifu tamɔ faa ni esram nɔ; shi namɔ aaanyɛ awuŋayeli hiɛ adamɔ?

Yesaia 11:13

Ni Israel yeŋ Yuda he awuŋã dɔŋŋ, ni Yuda hu efeŋ Israel henyɛlɔ dɔŋŋ.

Habakuk 1:3

Mɛɛba ohãa minaa nifɔɔjianii nɛɛ, ni bo hu okwɛɔ haomɔi nɛɛ lɛ? Nifitemɔ kɛ henitswiamɔ sɔŋŋ ebɔle mihe kɛkpe, ni nɔmɔ kɛ bei ete shi yɛ he fɛɛ he.

Mateo 27:18

Ejaakɛ ele akɛ hetsɛ̃ naa amɛkɛ lɛ hã.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Bɔfoi 13:45

Shi be ni Yudafoi lɛ na asafoi lɛ, awuŋayeli yi amɛ obɔ̃, ni amɛkɛ musubɔɔ wiemɔi wie shi nii ni Paulo wieɔ lɛ.

Bɔfoi 26:9

“Shi mi diɛŋtsɛ hu efee mi akɛ esa akɛ mafee nii pii kɛku Yesu Nazarenyo lɛ gbɛi lɛ naa;

Bɔfoi 5:17

Kɛkɛ ni osɔfonukpa lɛ te shi kɛ mɛi fɛɛ ni kɛ lɛ yɔɔ ni ji Sadukifoi lɛ akuu lɛ, ni amɛhiɛ edɔ diɛŋtsɛ,

Bɔfoi 7:9

Ni blematsɛmɛi lɛ kɛ hiɛkɔ̃ɔ hɔ̃ɔ Yosef kɛtee Ijipt, shi Nyɔŋmɔ kɛ lɛ yɛ,

Romabii 1:29

mɛi ni eyimɔ obɔ̃bɔ̃ kɛ nii ni ejaaa gbɛ fɛɛ, efɔŋfeemɔ, hiɛjoomɔ, nifɔɔjianii; amɛyimɔ tɔ kɛ hetsɛ̃, awuyeli, bei, shishiumɔ, nyɛɛ;

Romabii 13:13

Nyɛhãa wɔnyiɛa fɛɛfɛo bɔ ni sa shwane, jeee yɛ dãanumɔ mli basabasafeemɔ kɛ dãatɔɔ mli; jeee ajwamãŋbɔɔ kɛ nyɛnyɛŋtswibɔɔ mli, jeee bei kɛ awuŋayeli mli;

Romabii 2:17

Shi kɛji bo lɛ atsɛɔ bo Yudanyo, ni okɛ ohe fɔ̃ɔ Mla lɛ nɔ, ni oshwãa ofɔ̃ɔ Nyɔŋmɔ nɔ,

Romabii 2:8

shi mɛi ni sumɔɔ bei ni amɛbooo anɔkwale lɛ toi, shi amɛboɔ nii ni ejaaa moŋ toi lɛ, amɛnɔ ji mlifu kɛ mlila.

1 Korintobii 13:4

Suɔmɔ toɔ etsui shi; emli hi; suɔmɔ hiɛ ekɔ̃ɔɔ mɔ nɔ; suɔmɔ eshwãaa; efeee pupuupu;

1 Korintobii 3:3

ejaakɛ helooŋ gbɔmɛi ji nyɛ lolo. Shi gbii abɔ ni awuŋayeli kɛ bei yɔɔ nyɛteŋ lolo lɛ, ani jeee helooŋ gbɔmɛi ji nyɛ ni gbɔmɛi ajeŋba nyɛbaa lɛ?

1 Korintobii 5:2

Ni nyɛ lɛ, nyɛhe nyɛwoɔ, ni nyɛyeee ŋkɔmɔ moŋ, bɔ ni afee ni ajie mɔ ni tsu nɛkɛ nii nɛɛ yɛ nyɛteŋ?

1 Korintobii 5:6

Nyɛshwãa lɛ bɛ fɛo. Nyɛleee akɛ masha bibioo shaa ma sui lɛ fɛɛ?

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:15

Shi kɛ nyɛkɔ̃mɔkɔ̃mɔɔ nyɛhe ni nyɛyeyeɔ nyɛhe lɛ, nyɛkwɛa ni nyɛkakpãtãa nyɛhe hiɛ.

Galatabii 5:20

wɔŋjamɔ, suu, nyɛɛ, bei, awuŋayeli, mlilawoo, bei mumɔ, atuatsemɔ, mligbalamɔ,

Galatabii 5:21

hiɛkɔ̃ɔ, dãatɔɔ, dãanumɔ mli basabasafeemɔ kɛ nii ni tamɔ enɛɛmɛi, nii ni miikɛɛ nyɛ mato, tamɔ bɔ ni mikɛɛ nyɛ momo lɛ, akɛ mɛi ni feɔ nɛkɛ nii nɛɛ lɛ, amɛnine shɛŋ Nyɔŋmɔ maŋtsɛyeli lɛ nɔ.

Galatabii 5:26

Wɔkatao yaka anunyam ni wɔwowoo wɔhe mlila ni wɔhiɛ kɔ̃ wɔnanemɛi anɔ.

Galatabii 6:13

Ejaakɛ mɛi ni afolɔ amɛ ketia lɛ diɛŋtsɛ tete yeee Mla lɛ nɔ; shi moŋ amɛmiitao akɛ afolɔ nyɛ ketia, koni amɛshwã amɛfɔ̃ nyɛheloo gbɛfaŋ nii nɛɛ nɔ.

Filipibii 1:15

Mɛi komɛi lɛ, hetsɛ̃ kɛ bei hewɔ amɛshiɛɔ Kristo lɛ; shi mɛi komɛi hu kɛ jwɛŋmɔ kpakpa shiɛɔ.

Filipibii 2:3

Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

1 Timoteo 2:4

Esumɔɔ akɛ ehere gbɔmɛi fɛɛ ayiwala, koni amɛshɛ anɔkwale lɛ lee mli.

1 Timoteo 6:4

no lɛ ewo ehe nɔ, eleee nɔ ko, shi moŋ eeye ŋwanejee kɛ naataamɔ hela, ni nibii ni jɛɔ mli ji hiɛkɔ̃ɔ, bei, oshekuyeli, mɛi ahe susumɔi fɔ̃ji,

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Yakobo 1:18

Lɛ diɛŋtsɛ esuɔmɔ naa ekɛ anɔkwale wiemɔ lɛ fɔ wɔ, koni wɔfee tamɔ enibɔɔnii lɛ amli klɛŋklɛŋ yibii.

Yakobo 3:16

Ejaakɛ he ni awuŋayeli kɛ bei yɔɔ lɛ, jɛi sakasakafeemɔ kɛ nishaianii fɛɛ yɔɔ.

Yakobo 5:19

Anyɛmimɛi, kɛji nyɛteŋ mɔ ko du gbɛ kɛjɛ anɔkwale lɛ mli ni mɔ ko miikpale lɛ ekoŋŋ lɛ,