Yakobo 3:13 - ŊMALƐ KRƆŊKRƆŊ LƐ

¹³ Namɔ ji nilelɔ kɛ sanesɛɛkɔlɔ yɛ nyɛteŋ? Ekɛ jeŋba kpakpa atsɔ̃ɔ lɛ diɛŋtsɛ enitsumɔi lɛ yɛ nilee kpoofeemɔ mli.

Ṅmãle̱ Kroṅkroṅ Le̱

¹³ Namo dši nilelo̱ ke̱ sanese̱ko̱lo̱ ye̱ nyeteṅ? Hã ni eke̱ dšeṅba kpakpa atšõ le̱dientše̱ *enitšumo̱i le̱ ye̱ nilē kpōfeme̱ mli. *2,18.

Yakobo 3:13 ပူးပေါင်းရင်းမြစ်များ

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Lalai 107:43

Hã mɔ fɛɛ mɔ ni ji nilelɔ lɛ ekase nii kɛjɛ enɛɛmɛi amli; Hã amɛsusu Yehowa suɔmɔ ni tsakeee lɛ he.

Lalai 122:8

Minyɛmimɛi lɛ kɛ minanemɛi lɛ ahewɔ lɛ, makɛɛ bo Yerusalɛm akɛ, “Toiŋjɔlɛ ahi omli.”

Lalai 149:4

Ejaakɛ Yehowa naa emaŋbii lɛ ahe tsuijurɔ; ehãa humii yeɔ ta mli kunim.

Lalai 25:9

Ekpalaa heshibalɔi kɛnyiɛɔ jalɛ gbɛ nɔ, ni etsɔ̃ɔ mɛi ni he jɔ lɛ egbɛ lɛ.

Lalai 45:4

Fãa kɛ agbojee kɛyaye kunim, kɛfã anɔkwale kɛ jalɛ he. Ohewalɛ aaahã oye kunim wulu.

Jajelɔ 8:1

Namɔ kɛ nilelɔ ye egbɔ; ni namɔ nuɔ nibii ashishi? Nilee hãa gbɔmɔ saa ehiɛ kɛ ŋmɔlɔ, ni ehiɛtumɔ laajeɔ.

Jajelɔ 8:5

Mɔ ni yeɔ famɔ nɔ lɛ, enaaa amane. Nilelɔ le beyinɔ kɛ gbɛ nɔ ni eeetsɔ̃ efee nɔ ni yɔɔ feemɔ;

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 60:6

Yoomai asafo yuu aaabua ohe kutuu, ni ji Midian kɛ Efa yoomai oblahii lɛ. Amɛaatere shika kɛ krɔbɔo kɛaajɛ Sheba kɛaaba; ni mɛi aaagba nɔ ni Yehowa efee lɛ he sane kɛ ŋɔɔmɔ lɛ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yeremia 9:12

Kɛkɛ ni mibi akɛ, “Nuŋtsɔ mɛɛ hewɔ ni shikpɔŋ lɛ hiɛ ekpãtã, ni etsɔ̃ shiaŋa ni mɔ ko mɔ ko tsɔ̃ɔɔ nɔ kɛhooo nɛɛ? Namɔ ji nilelɔ ni aaanu enɛ shishi? Namɔ ji mɔ ni bo Yehowa ojie otsɔ̃ɔ lɛ, ni egba?”

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 5:5

“Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”

Mateo 7:24

“No hewɔ lɛ, mɔ fɛɛ mɔ ni nuɔ miwiemɔi nɛɛ ni eyeɔ nɔ lɛ, akɛ lɛ aaato nilelɔ ni ma etsu yɛ tɛsaa nɔ lɛ he.

1 Korintobii 6:5

Miikɛɛ enɛ ni mikɛwo nyɛ hiɛgbele. Aso nilelɔ kome flo bɛ nyɛteŋ, mɔ ni aaanyɛ enyɛmimɛi ateŋ ekojo?

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 8:24

No hewɔ lɛ, nyɛjiea nyɛsuɔmɔ kɛ shwãa ni wɔshwãa wɔfɔ̃ɔ nyɛnɔ lɛ kpo nyɛtsɔa amɛ yɛ asafoi lɛ ahiɛ.

Galatabii 5:23

kpoofeemɔ, henɔyeli. Enɛɛmɛi lɛ mla ko eguuu.

Galatabii 6:1

Anyɛmimɛi, kɛji mɔ ko miitɔ̃ ni amɔ lɛ lɛ, nyɛ mɛi ni nyɛ ji mumɔŋ gbɔmɛi lɛ nyɛsaa nakai mɔ lɛ ekoŋŋ kɛ mlijɔlɛ mumɔ; ni ole ohe nɔ kwɛmɔ koni bo hu akaka bo.

Galatabii 6:4

Shi mɔ fɛɛ mɔ aka lɛ diɛŋtsɛ enitsumɔ ekwɛ, ni no dani eeena nɔ ko yɛ lɛ diɛŋtsɛ emli kɛkɛ ni eshwã efɔ̃ nɔ, ni jeee mɔ kroko nɔ́ nɔ.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

1 Timoteo 4:12

Kaahã mɔ ko miibu akɛ ojeee mɔ ko yɛ oblanyo ni oji lɛ hewɔ, shi moŋ okɛ ohe ato okadi ohã mɛi ni heɔ yeɔ lɛ, yɛ wiemɔ mli, yɛ hetsemɔ mli.

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Tito 3:2

Amɛkawie mɔ ko he efɔŋ, amɛkabe, shi moŋ amɛfee kpoo, ni amɛhã mɛi fɛɛ ana amɛ akɛ amɛhe jɔ kwraa.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yakobo 1:21

No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

Yakobo 2:18

Shi mɔ ko aaakɛɛ, “Bo lɛ, oyɛ hemɔkɛyeli, ni mi lɛ, miyɛ nitsumɔi.” Tsɔ̃ɔmɔ mi ohemɔkɛyeli ni nitsumɔi bɛ he lɛ ni mi hu majɛ minitsumɔi lɛ amli matsɔ̃ɔ bo mihemɔkɛyeli lɛ.

Yakobo 3:1

Tsɔɔlɔi akafa yɛ nyɛteŋ, minyɛmimɛi, ejaakɛ nyɛle akɛ wɔbaana kojomɔ ni mli wa fe mɛi krokomɛi anɔ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Petro 1:15

Shi moŋ, bɔ ni mɔ ni tsɛ nyɛ lɛ yɔɔ krɔŋkrɔŋ lɛ, nyɛ hu nyɛfea krɔŋkrɔŋ yɛ nyɛjeŋba fɛɛ mli.

1 Petro 2:12

ni nyɛba nyɛjeŋ jogbaŋŋ yɛ jeŋmajiaŋbii lɛ ateŋ, koni be mli ni amɛwieɔ nyɛhe akɛ efɔŋfeelɔi lɛ, amɛkɛ nyɛnitsumɔi kpakpai lɛ ni amɛbaana lɛ awo Nyɔŋmɔ hiɛ nyam yɛ saramɔ Gbi lɛ nɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.