Yakobo 3:1 - ŊMALƐ KRƆŊKRƆŊ LƐ

¹ Tsɔɔlɔi akafa yɛ nyɛteŋ, minyɛmimɛi, ejaakɛ nyɛle akɛ wɔbaana kojomɔ ni mli wa fe mɛi krokomɛi anɔ.

Ṅmãle̱ Kroṅkroṅ Le̱

¹ Nyekafea nyehe tšõlo̱i babaō, minyemimei, edšake̱ nyele ake̱ wo̱baná kodšomo̱ kple.

Yakobo 3:1 ပူးပေါင်းရင်းမြစ်များ

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

Maleaki 2:12

Yehowa aaaplene nuu fɛɛ nuu ni feɔ nɛkɛ nɔ ko yɛ Israelbii ateŋ, koni ekahã ena hegbɛ efata he dɔŋŋ kɛshã afɔlei ni maŋbii lɛ shãa hãa Yehowa, Taiatsɛ, lɛ.

Mateo 10:24

Kaselɔ efeee etsɔ̃ɔlɔ, ni asaŋ nyɔŋ efeee enuŋtsɔ.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 23:14

“Kpoo hã nyɛ, mlatsɔɔlɔi kɛ Farisifoi, osatofoi! Nyɛyeɔ okulafoi agboshinii yɛ amɛdɛŋ, ni nyɛkɛ ablatoo sɔleɔ sɔlemɔi kakadaji. No hewɔ lɛ, nyɛkojomɔ aaafe nine.”]

Mateo 9:11

Ni be ni Farisifoi lɛ na lɛ, amɛbi ekaselɔi lɛ akɛ, “Mɛɛ hewɔ nyɛtsɔ̃ɔlɔ lɛ kɛ toohelɔi kɛ eshafeelɔi yeɔ nii nɛɛ?”

Luka 16:2

Ni etsɛ lɛ ni ekɛɛ lɛ akɛ, ‘Mɛni minuɔ yɛ ohe nɛɛ? Baabu onukpayeli lɛ he akɔntaa ejaakɛ onyɛŋ onukpa lɛ oye dɔŋŋ.’

Luka 6:37

“Nyɛkakojoa, koni Nyɔŋmɔ akakojo nyɛ; nyɛkabua fɔ, koni Nyɔŋmɔ akabu nyɛ fɔ; nyɛkɛfaa, ni akɛaafa nyɛ.

Yohane 3:10

Yesu here nɔ ni ekɛɛ lɛ akɛ, “Te Israel tsɔɔlɔ ji bo? Ni oleee enɛɛmɛi nɛɛ?

Bɔfoi 13:1

Shi gbalɔi kɛ tsɔɔlɔi komɛi yɛ Antiokia asafo lɛ mli, amɛ ji Barnaba kɛ Simeon, mɔ ni atsɛɔ lɛ Niger hu lɛ, kɛ Lukio, Kirenenyo lɛ, kɛ Manahen, mɔ ni alɛ lɛ kɛ lumɔ Herode lɛ kɛ Saul.

1 Korintobii 12:28

Ni klɛŋklɛŋ lɛ, Nyɔŋmɔ wo mɛi komɛi bɔfoi yɛ asafo lɛ mli, nɔ ni ji enyɔ lɛ, gbalɔi, nɔ ni ji etɛ̃ lɛ, tsɔɔlɔi, no sɛɛ lɛ, hewalɛ nitsulɔi, no sɛɛ lɛ, mɛi ni yɔɔ helaiatsamɔ he dromɔ keenii, yelikɛbualɔi, hiɛnyiɛlɔi, mɛi ni wieɔ wiemɔi srɔtoi.

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

1 Timoteo 1:7

Amɛmiitao amɛtsɔ̃mɔ mlatsɔɔlɔi, tsɛ amɛnaaa nii ni amɛkɛɔ lɛ loo nii ni amɛwieɔ kɛ nɔmimaa lɛ shishi.

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

2 Timoteo 1:11

Enɛ he awo mi shiɛlɔ kɛ bɔfo kɛ tsɔɔlɔ yɛ lɛ.

Hebribii 13:17

Nyɛboa nyɛtsɔ̃ɔlɔi lɛ atoi, ni nyɛbaa nyɛhe shi nyɛhãa amɛ; ejaakɛ amɛ amɛbuɔ nyɛsusumai lɛ ahe akɛ mɛi ni baabu he akɔntaa, koni amɛkɛ miishɛɛ afee nii nɛɛ, shi jeee kɛ ŋtsɔidɔɔmɔ; ejaakɛ no ehiii hãaa nyɛ.

Yakobo 1:16

Nyɛkahãa alakaa nyɛ, minyɛmimɛi ni misumɔɔ.

Yakobo 1:19

No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Yakobo 3:10

Daa kome lɛ nɔŋŋ mli jɔɔmɔ kɛ loomɔ jɛɔ. Minyɛmimɛi, enɛɛmɛi nɛɛ, esaaa akɛ eba lɛ nakai.

1 Petro 5:3

asaŋ jeee akɛ mɛi ni yeɔ mɛi ni akɛhã nyɛ nɔkwɛmɔ lɛ anɔ akɛ nuŋtsɔmɛi, shi moŋ mɛi ni feɔ amɛhe nɔkwɛmɔnɔ amɛhãa toiku lɛ.