Yakobo 2:6 - ŊMALƐ KRƆŊKRƆŊ LƐ

⁶ Ni nyɛ lɛ nyɛshwieɔ ohiafo lɛ hiɛ shi. Ani jeee niiatsɛmɛi lɛ yeɔ nyɛnɔ waa, ni amɛ nɔŋŋ amɛgbalaa nyɛ kɛyaa kojomɔhei lɛ?

Ṅmãle̱ Kroṅkroṅ Le̱

⁶ ni nye le̱ nyegbeo̱ ohĩafo le̱ he guo̱. Ani dšee niiatše̱mei le̱ yeo̱ nyeno̱ wā, ni ame̱ noṅṅ ame̱kplaänye ke̱-yaä kodšome̱hei le̱?

Yakobo 2:6 ပူးပေါင်းရင်းမြစ်များ

Hiob 20:19

ejaakɛ ewa ohiafoi ayi, ni ekwa amɛ, ni shĩa ni jeee lɛ ema lɛ, eshɔ̃ɔ ekãa naa.

Lalai 10:10

Ekotoɔ shi, edɛkeɔ shi, ni mɛi ni he waaa lɛ gbeɔ ekaa mli.

Lalai 10:14

Shi bo lɛ onaa nii, lɛɛlɛŋ bo lɛ okadiɔ haomɔ kɛ awerɛhoo fɛɛ, koni kɛ mɔ ni bɛ mɔ ko lɛ tu ehe ewo odɛ̃ŋ lɛ, oye obua lɛ, ejaakɛ bo ji awusai abualɔ.

Lalai 10:2

Mɛi fɔ̃ji kɛ ntɛŋ haoɔ ohiafoi. Hã mɛi fɔ̃ji lɛ adu amɛ diɛŋtsɛ amɛtsɔne ni amɛtsɔ̃ lɛ.

Lalai 10:8

Ewoɔ ka yɛ akrowai amli; egbeɔ mɔ ni efeko nɔ ko yɛ nififiaŋ; ejieɔ ehiɛ ekaa mɔ ni efĩ lɛ.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 14:6

Nɔfɔŋfeelɔi aaanyɛ afite ohiafo yiŋtoo nɛ; shi kɛ̃lɛ Yehowa ji ebobaahe.

Abe̱i 14:31

Mɔ ni waa ohiafo yi lɛ, eebɔ Nyɔŋmɔ ahora; shi mɔ ni naa ohiafo mɔbɔ lɛ, eewo Nyɔŋmɔ hiɛ nyam.

Abe̱i 17:5

Mɔ ni yeɔ ohiafo he fɛo lɛ, eebɔ Nyɔŋmɔ ni bɔ ohiafo lɛ ahora; ni mɔ ni naa miishɛɛ yɛ mɔ ko amanehulu he lɛ, eyeŋ ehe.

Abe̱i 18:23

Ohiafo lɛ fai ekpaa kɛ naajɔlɛ; shi niiatsɛ lɛ ewieɔ kpɛŋkpɛŋ.

Abe̱i 22:16

Mɔ ni yeɔ ohiafo amim koni ekɛna nii, shi ekeɔ niiatsɛ nii lɛ, lɛ diɛŋtsɛ lɛ ohia kɛ̃ hiaa lɛ.

Abe̱i 22:7

Niiatsɛ yeɔ ohiafo nɔ; ni mɔ ni yafaa nii tsɔ̃ɔ nyɔŋ ehãa mɔ ni fa lɛ nii lɛ.

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Yesaia 53:3

Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Habakuk 3:14

Okɛ okpɔlɔ lɛ gbulɔ etabilɔi ni ba tamɔ lasuogbele koni amɛbagbɛ mi amɛshwã kɛ mliflimɔ, tamɔ nɔ ni amɛba ohiafo piŋmɔ yɛ teemɔ mli lɛ.

Zakaria 7:10

Nyɛkawaa okulafo loo awusa loo gbɔ loo ohiafo yi. Ni nyɛteŋ mɔ ko mɔ ko akasusu enyɛmi he efɔŋ ko yɛ emli.’

Yohane 8:49

Yesu here nɔ akɛ, “Mumɔ fɔŋ bɛ mimli, shi miiwo miTsɛ, ni nyɛ lɛ nyɛmiishwie mihiɛ shi moŋ.

Bɔfoi 13:50

Shi Yudafoi lɛ wowoo yei Nyɔŋmɔ gbeyeishelɔi ni abuɔ amɛ lɛ kɛ maŋ lɛ mli hiɛnaanɔbii lɛ ayiŋ, ni amɛbɔ̃i Paulo kɛ Barnaba yiwaa ni amɛshwie amɛ kɛjɛ amɛkpokpai lɛ anɔ.

Bɔfoi 17:6

Shi be ni amɛnaaa amɛ lɛ, amɛkpala Yason kɛ nyɛmimɛi lɛ ateŋ mɛi komɛi kɛtee maŋ lɛ onukpai lɛ ahiɛ ni amɛbolɔ akɛ, “Mɛnɛɛmɛi ni amɛtsɔ̃ jeŋ hiɛ ebu shi lɛ eba biɛ nɛɛ hu,

Bɔfoi 18:12

Shi be ni Galio yeɔ amralo yɛ Akaia lɛ, Yudafoi lɛ kɛ jwɛŋmɔ kome te shi wo Paulo, ni amɛkpala lɛ kɛtee kojomɔ sɛ̃i lɛ hiɛ,

Bɔfoi 8:3

Shi Saul bɔ mɔdɛŋ akɛ ekpãtã asafo lɛ hiɛ, ni ejɛɔ shĩa kɛyaa shĩa ni eyagbalaa hii kɛ yei ni eyawoɔ amɛ tsuŋ.

1 Korintobii 11:22

Aso nyɛbɛ shĩai ni nyɛaaye nii ni nyɛaanu yɛ jɛi? Aloo Nyɔŋmɔ asafo lɛ nyɛbuuu, ni nyɛwoɔ mɛi ni bɛ nɔ ko lɛ ahiɛgble? Te makɛɛ nyɛ tɛŋŋ? Ani mijie nyɛyi? Enɛ lɛ, mijieee nyɛyi yɛ he.

Yakobo 2:3

ni nyɛhiɛ sɔ mɔ ni wo atade fɛɛfɛo lɛ ni nyɛkɛɛ lɛ akɛ, “Baata he kpakpa nɛɛ,” ni ohiafo lɛ, lɛ lɛ nyɛkɛɛ lɛ akɛ, “Bo lɛ damɔ jɛi, aloo baata minaji anaa yɛ biɛ” lɛ,

Yakobo 5:4

Naa, nitsulɔi ni kpa nyɛŋmɔjiaŋnii lɛ anyɔmɔwoo ni nyɛkɛhãaa amɛ lɛ miibolɔ, ni nikpalɔi lɛ abolɔmɔi lɛ ebabote tai aNuŋtsɔ lɛ toiiaŋ.

Yakobo 5:6

Nyɛbu jalɔ lɛ fɔ, ni nyɛgbe lɛ, etsĩii nyɛ gbɛ.