Yakobo 1:5 - ŊMALƐ KRƆŊKRƆŊ LƐ

⁵ Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Ṅmãle̱ Kroṅkroṅ Le̱

⁵ Ši ké̱ nilē eſe̱ nyeteṅ moko le̱, *ékpa Nyoṅmo̱ ni hãa mei fẽ fā ni ewiee moko hĩe le̱ fai, ni aaṅõ-hãle̱. *Abe̱i 2,3-6.

Yakobo 1:5 ပူးပေါင်းရင်းမြစ်များ

1 Kronika 22:12

Yehowa aduro bo nilee kɛ jwɛŋmɔ kɛkɛ, bɔ ni afee ni kɛji etu Israel ewo odɛ̃ŋ lɛ, onyɛ maŋ lɛ nɔ okwɛ yɛ Yehowa, oNyɔŋmɔ lɛ, mla naa.

2 Kronika 1:10

no hewɔ lɛ, dromɔ mi nilee kɛ hiɛshikãmɔ koni manyɛ omaŋ kpeteŋkple nɛɛ nɔ makwɛ.”

Lalai 51:6

Naa, nɔ ni otaoɔ yɛ midɛŋ ji anɔkwayeli; no hewɔ lɛ, hã male nii yɛ mimligbɛ tɔ̃ɔ.

2 Mose 31:3

ni mikɛ Nyɔŋmɔ mumɔ ewo emli obɔ̃, ni miduro lɛ jwɛŋmɔ kɛ nilee ni akɛnyɛɔ ŋaa nitsumɔi srɔtoi fɛɛ atsuɔ,

2 Mose 31:6

Ni naa, mi nɔŋŋ miŋɔ Ahisamak binuu Oholiab ni jɛ Dan akutso lɛŋ lɛ mifata Bezaleel he. Mɛnɛɛmɛi asɛɛ lɛ, mɛi fɛɛ ni ŋaa yɔɔ amɛhiŋmɛiŋ lɛ, miduro amɛ ŋaa koni amɛnyɛ nibii fɛɛ ni miwo bo he kitã nɛɛ amɛtsu:

Abe̱i 8:17

Misumɔɔ mɛi ni sumɔɔ mi; ni mɛi ni bɔɔ mɔdɛŋ taoɔ mi lɛ, naa mi.

Mateo 11:20

Kɛkɛ ni ebɔ̃i maji, hei ni etsu ehewalɛ nitsumɔi lɛ amli tsiimɔ yɛ lɛ, ahiɛ wiemɔ, yɛ amɛtsui ni amɛtsakeee lɛ hewɔ, ekɛɛ,

Marko 16:14

Fee sɛɛ lɛ ejie ehe kpo etsɔ̃ɔ mɛi nyɔŋma kɛ ekome lɛ diɛŋtsɛ, be ni amɛtara niyenii ashi lɛ, ni ekã amɛhiɛ yɛ he ni amɛheee amɛyeee kɛ amɛtsuiwalɛ lɛ hewɔ, ejaakɛ amɛheee mɛi ni na lɛ yɛ eshitee lɛ sɛɛ lɛ amɛyeee.

Yohane 14:13

Ni nɔ fɛɛ nɔ ni nyɛɛakpa he fai yɛ migbɛi mli lɛ, mafee, koni Tsɛ lɛ hiɛ aba nyam kɛtsɔ̃ Bi lɛ nɔ.

Yohane 15:7

Kɛji nyɛhi mimli ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ he fai, ni aaafee ahã nyɛ.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

2 Korintobii 2:16

mɛi ni laajeɔ lɛ, eji gbele ŋma ni kɛ mɔ yaa gbele mli hã amɛ; shi mɛi krokomɛi lɛ, eji wala ŋma ni kɛ mɔ yaa wala mli hã amɛ. Ni namɔ sa hã nɛkɛ nitsumɔ?

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.